മഹാവികാസ് അഖാഡി സഖ്യം: തുറന്ന ചർച്ചകൾക്ക് തയാറെന്ന് അസദുദ്ദീൻ ഉവൈസി
മഹാവികാസ് അഖാഡിയുമായി സഖ്യമുണ്ടാക്കാൻ തുറന്ന ചർച്ചകൾക്ക് തയാറെന്ന് ആൾ ഇന്ത്യ മജിലിസെ ഇത്തിഹാദുൽ മുസ്‍ലിമിൻ തലവൻ അസദുദ്ദീൻ ഉവൈസി പറഞ്ഞു. വരാനിരിക്കുന്ന നിയമസഭ തെരഞ്ഞെടുപ്പിൽ മഹാരാഷ്ട്രയിൽ സഖ്യം രൂപീകരിക്കുന്നതുമായി ബന്ധപ്പെട്ടാണ് ചർച്ച. സഖ്യം രുപീകരിക്കുന്നതിനായി മഹാവികാസ് അഖാഡിയുമായി ചർച്ച തുടങ്ങിയെന്നും അദ്ദേഹം പറഞ്ഞു. ഞങ്ങളുടെ സംസ്ഥാന പ്രസിഡന്റ് മഹാവികാസ് അഖാഡിക്ക് കത്തയച്ചിട്ടുണ്ടെന്നും അന്തിമ തീരുമാനം സഖ്യത്തിലെ പാർട്ടികൾ ചേർന്നാണ് എടുക്കേണ്ടതെന്നും തെരഞ്ഞെടുപ്പ് പോരാട്ടത്തിനായി പാർട്ടി തയാറെടുത്തിട്ടുണ്ടെന്നും അദ്ദേഹം പറഞ്ഞു.
