‘ഇത് മോദിജിയുടെ പോൾ’; എക്സിറ്റ് പോളുകൾ തള്ളി രാഹുൽ ഗാന്ധി
കേന്ദ്രത്തിൽ എൻ.ഡി.എ. സർക്കാർ വീണ്ടും അധികാരത്തിൽവരുമെന്ന വിവിധ ഏജൻസികളുടെ എക്സിറ്റ് പോളുകൾ തള്ളി കോൺഗ്രസ് നേതാവ് രാഹുൽഗാന്ധി. പോളുകളെ ‘മോദി മീഡിയ പോൾ’ എന്ന് വിശേഷിപ്പിച്ചായിരുന്നു രാഹുലിന്റെ വിമർശനം. എ.ഐ.സി.സി. ആസ്ഥാനത്ത് കോൺഗ്രസ് ലോക്‌സഭാ സ്ഥാനാർഥികളുമായുള്ള ഓൺലൈൻ മീറ്റിങ്ങിനുശേഷം മാധ്യമപ്രവർത്തകരുടെ ചോദ്യത്തോട് പ്രതികരിക്കുകയായിരുന്നു അദ്ദേഹം. ‘ഇതിനെ എക്സിറ്റ് പോളുകൾ എന്നല്ല വിളിക്കുക, മോദി മീഡിയ പോൾ എന്നാണ് പേര്. ഇത് മോദിജിയുടെ പോൾ ആണ്, അദ്ദേഹത്തിന്റെ സങ്കൽപ്പത്തിലുള്ള പോൾ’, രാഹുൽ പറഞ്ഞു. ‘ഇന്ത്യ’ സഖ്യം 295 സീറ്റുകൾ…