ബ്ലാസ്റ്റേഴ്സ് താരം മുഹമ്മദ് സഹലിന്റെ കൂടുമാറ്റം; വൈകാരിക യാത്ര പറച്ചിലുമായി മഞ്ഞപ്പട
“ചില വിടപറയലുകൾ കഠിനമാണ്! അവൻ ഞങ്ങൾക്കുവേണ്ടി മത്സരങ്ങളേറെ ജയിച്ചവനാണ്. അവൻ ഞങ്ങളുടെ ഹൃദയം കവർന്നവനാണ്..വിഖ്യാത താരത്തിന്റെ പകരക്കാരനായി കളത്തിലെത്തിയ ആ കൊച്ചുപയ്യൻ ഇന്ന് ടീം വിടുന്നത് ഞങ്ങൾക്കുവേണ്ടി ഏറ്റവുമധികം മത്സരങ്ങൾ കളിച്ച താരമെന്ന വിശേഷണത്തോടെ. നന്നായി വരട്ടെ..സഹൽ” ഇതായിരുന്നു മുഹമ്മദ് സഹൽ എന്ന ബ്ലാസ്റ്റേഴ്സ് താരത്തിന്റെ കൂടുമാറ്റത്തെ കുറിച്ച് ടീമിന്റെ ഔദ്യോഗിക ഫാൻസ് ക്ലബ്ബായ മഞ്ഞപ്പടയുടെ പ്രതികരണം. സഹലിന് കേരള ബ്ലാസ്റ്റേഴ്സ് അധികൃതരും ആശംസകളറിയിച്ചു. “വളരെ ദുഃഖത്തോടെയാണ് ക്ലബ് വിട നൽകുന്നത്. മുന്നോട്ടുള്ള യാത്രയിൽ എല്ലാ നന്മകളും…
