സ്വർണവും വെള്ളിയും സമ്മാനമായി നൽകി റെയിൽവേ; ഇതൊന്നും തനിക്ക് വേണ്ട, മടക്കി നൽകി എം.പി
റെയിൽവേ നൽകിയ സ്വർണ സമ്മാനം തിരികെ നൽകി പാർലമെന്ററി സമിതി അംഗം സുദാമ പ്രസാദ്. റെയിൽവേയുടേത് മോശം പ്രവൃത്തിയാണെന്നും റെയിൽവേയുടെ പ്രവർത്തനങ്ങൾ വിലയിരുത്തുന്ന സമിതി അംഗങ്ങൾക്ക് സമ്മാനം നൽകുന്നത് അധാർമികമാണെന്നും അദ്ദേഹം പറഞ്ഞു. ബെംഗളുരു, തിരുപ്പതി, ഹൈദരാബാദ് എന്നിവിടങ്ങളിൽ സമിതി അംഗങ്ങൾക്കായുള്ള പഠനയാത്രക്കിടെയാണു റെയിൽ ഇന്ത്യ ടെക്നിക്കൽ ആൻഡ് ഇക്കണോമിക് സർവീസസും റെയിൽ വികാസ് നിഗമും ചേർന്ന് ഒരു ഗ്രാം സ്വർണ നാണയവും 100 ഗ്രാം വെള്ളിയും എംപിമാർക്ക് സമ്മാനം നൽകിയത്. ബിഹാറിലെ അരായിൽ നിന്നുള്ള സിപിഐ–…