അൽ ഹിലാലിന്റെ ഓഫർ എംബാപ്പെ തള്ളിയെന്ന് റിപ്പോർട്ട്; ലക്ഷ്യം റിയൽ മഡ്രിഡ് ?
ഫ്രഞ്ച് സൂപ്പർ താരം കിലിയൻ എംബാപ്പെ സൗദി ക്ലബ് അൽ ഹിലാലിന്റെ റെക്കോര്‍ഡ് പ്രതിഫല വാഗ്‌ദാനം തള്ളിയതായി റിപ്പോര്‍ട്ട്. സ്‌പാനിഷ് വമ്പന്‍മാരായ റയൽ മാഡ്രിഡിന്‍റെ ഓഫറിനായി താരം കാത്തിരിക്കുകയാണെന്നും ഫ്രഞ്ച് മാധ്യമങ്ങൾ റിപ്പോര്‍ട്ട് ചെയ്യുന്നു. 2178 കോടി രൂപയാണ് പ്രതിവര്‍ഷം കിലിയൻ എംബാപ്പെയ്ക്ക് സൗദി ക്ലബ് അൽ ഹിലാലിന്റെ വാഗ്‌ദാനം. ഫുട്ബോൾ ചരിത്രത്തിലെ ഏറ്റവും വലിയ ട്രാൻസഫര്‍ തുക കൂടിയാണിത്. പണമായിരുന്നു വിഷയമെങ്കിൽ പിഎസ്‌ജിയുമായുള്ള കരാര്‍ പുതുക്കിയേനെ എന്ന് എംബാപ്പെ പറഞ്ഞെന്നും ഫ്രഞ്ച് മാധ്യമങ്ങൾ റിപ്പോര്‍ട്ട് ചെയ്യുന്നു….
