കൊല്ലത്ത് നിന്ന് കുട്ടിയെ തട്ടിക്കൊണ്ട് പോയ കേസ്; മൂന്ന് പേർ കസ്റ്റഡിയിൽ
കൊല്ലം ഓയൂരിൽ നിന്ന് ആറ് വയസുകാരിയെ തട്ടിക്കൊണ്ട് പോയ കേസിൽ 3 പേർ പിടിയിലായി. ചാത്തന്നൂർ സ്വദേശികളാണ് പിടിയിലായതെന്നാണ് സൂചന. തമിഴ്നാട്ടിലെ പുളിയറയിൽ നിന്നാണ് പ്രതികളെ പിടികൂടിയത്. ഇവർ ഒരേ കുടുംബത്തിൽ തന്നെ ഉള്ളവരാണെന്നാണ് വിവരം. കുട്ടിയെ തട്ടിക്കൊണ്ട് പോയതിന് പിന്നിൽ സാമ്പത്തിക തർക്കമാണെന്നാണ് പൊലീസ് നൽകുന്ന വിവരം .രണ്ട് വാഹനങ്ങളും കസ്റ്റഡിയിൽ എടുത്തിട്ടുണ്ട്.
