ബെൽജിയത്തിലെ ബ്രസൽസിൽ നടക്കുന്ന പ്രഥമ ജി.സി.സി -യൂറോപ്യന്‍ യൂണിയന്‍ ഉച്ചകോടിയില്‍ ഖത്തര്‍ അമീര്‍ ശൈഖ് തമീം ബിൻ ഹമദ് ആൽഥാനി പങ്കെടുക്കും. ബുധനാഴ്ചയാണ് ഉച്ചകോടി നടക്കുന്നത്. അമീറിന് പുറമെ ഖത്തര്‍ പ്രധാനമന്ത്രി ശൈഖ് മുഹമ്മദ് അബ്ദുറഹ്മാന്‍ ആൽഥാനിയും ഉച്ചകോടിയില്‍ പങ്കെടുക്കുന്നുണ്ട്.
തുടർച്ചയായി നാലാം ഒളിമ്പിക്സിലും ഹൈജംപിൽ മെഡൽ നേടിയ ഖത്തറിന്റെ ഇതിഹാസതാരം മുഅതസ് ബർഷിമിനെ അഭിനന്ദിച്ച് അമീർ ശൈഖ് തമീം ബിൻ ഹമദ് ആൽഥാനി. ‘പാരിസിൽ വെങ്കലം നേടിയ നമ്മുടെ ഒളിമ്പിക്സ് ചാംമ്പ്യൻ മുഅതസ് ബർഷിമിന് എന്റെ അഭിനന്ദനങ്ങൾ. ഒളിമ്പിക് കരിയറിലെ സ്വർണവും രണ്ട് വെള്ളിയും ഒപ്പം അന്താരാഷ്ട്ര കായിക മത്സരങ്ങളിലെ മറ്റ് മികച്ച നേട്ടങ്ങൾക്കുമൊപ്പം വീണ്ടും മെഡൽ സ്വന്തമാക്കിരിക്കുകയാണ് ബർഷിം. ഈ നേട്ടങ്ങളോടെ ഖത്തറിലെ തലമുറകൾക്ക് കായിക മാതൃകയും പ്രചോദനവുമായി ബർഷിം മാറി’ -അമീർ ‘എക്സ്’ പ്ലാറ്റ്ഫോമിൽ…
ഒളിമ്പിക്സിന് കൊടി ഉയരുന്നതിന് മുന്നോടിയായി പാരിസിൽ ചേർന്ന അന്താരാഷ്ട്ര ഒളിമ്പിക് കമ്മിറ്റിയുടെ 142മത് സെഷനിൽ ഖത്തർ അമീർ ശൈഖ് തമീം ബിൻ ഹമദ് ആൽഥാനി പങ്കെടുത്തു. ഐ.ഒ.സി അംഗം എന്ന നിലയിലാണ് കമ്മിറ്റിയുടെ സുപ്രധാന യോഗത്തിൽ അമീറും പങ്കെടുത്തത്. പ്രസിഡന്റ് ഡോ. തോമസ് ബാഹ് അധ്യക്ഷത വഹിച്ച സമ്മേളനത്തിൽ ഒളിമ്പിക് എക്സിക്യൂട്ടിവ് ഓഫിസ് അംഗങ്ങൾ, ഐ.ഒ.സി അംഗങ്ങൾ, അന്താരാഷ്ട്ര ഫെഡറേഷൻ ഭാരവാഹികൾ, വിവിധ ദേശീയ ഒളിമ്പിക് കമ്മിറ്റി ഭാരവാഹികൾ എന്നിവരായിരുന്നു അംഗങ്ങൾ. ഖത്തർ ഒളിമ്പിക് കമ്മിറ്റി പ്രസിഡന്റ്…
ഷാങ്ഹായ് കോഓപറേഷന്‍ ഓര്‍ഗനൈസേഷന്‍ ഉച്ചകോടിയിൽ പങ്കെടുക്കാൻ ഖത്തർ അമീർ ശൈഖ് തമീം ബിൻ ഹമദ് ആൽഥാനി കസാഖ്സ്താൻ തലസ്ഥാനമായ അസ്താനയിലെത്തി. കസാഖ്സ്താൻ പ്രസിഡന്റ് കാസിം ജൊമാർട്ട് ടൊകായേവുമായും ഉച്ചകോടിയിൽ പങ്കെടുക്കുന്ന വിവിധ രാഷ്ട്ര നേതാക്കളുമായും ഖത്തർ അമീർ കൂടിക്കാഴ്ച നടത്തും. ബുധൻ, വ്യാഴം ദിവസങ്ങളിൽ നടക്കുന്ന ഉച്ചകോടിക്ക് ശേഷം അദ്ദേഹവും പ്രതിനിധി സംഘവും പോളണ്ടിലേക്ക് തിരിക്കും. പോളിഷ് പ്രസിഡന്റ് ആൻഡ്രെജ് ദുഡ ഉൾപ്പെടെ നേതാക്കളുമായും മുതിർന്ന ഉദ്യോഗസ്ഥരുമായും അമീർ കൂടിക്കാഴ്ച നടത്തും. ഇന്ത്യ, ചൈന, കസാഖ്സ്താൻ, കിർഗിസ്താൻ,…
ഇസ്രയേലിനും ഇറാനുമിടയിൽ നിലനിൽക്കുന്ന സംഘർഷ സാഹചര്യങ്ങളിൽ ഗൾഫ് രാജ്യങ്ങൾക്കും ആശങ്ക. ഞായറാഴ്ച രാത്രി യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാനും ഖത്തർ അമീർ ശൈഖ് തമീം ബിൻ ഹമദ് അൽ ഥാനിയും ചർച്ച നടത്തി. ടെലഫോണിലായിരുന്നു രണ്ട് രാഷ്ട്ര നേതാക്കളുടെയും ആശയവിനിമയം. കഴിഞ്ഞ ദിവസം ഇറാൻ നടത്തിയ വ്യോമാക്രമണത്തിന് ശേഷമുള്ള സംഘർഷ സാഹചര്യം ഇരു രാഷ്ട്ര നേതാക്കളും അവലോകനം ചെയ്തതായാണ് റിപ്പോർട്ട്. ചർച്ച നടത്തിയ വിവരം യുഎഇയുടെ ഔദ്യോഗിക വാർത്ത ഏജൻസിയും റിപ്പോർട്ട്…
ഗാസയിലേക്ക് സമുദ്ര ഇടനാഴി സഹായമെത്തിക്കുന്നതിനുള്ള നീക്കം ആരംഭിച്ചിരിക്കെ ഖത്തർ അമീർ ശൈഖ് തമീം ബിൻ ഹമദ് അൽഥാനി യൂറോപ്യൻ കൗൺസിൽ മേധാവികളുമായി ചർച്ച നടത്തി. യൂറോപ്യൻ കൗൺസിൽ പ്രസിഡന്റ് ചാൾസ് മൈകൽ, യൂറോപ്യൻ കമീഷൻ പ്രസിഡന്റ് ഉർസുല വോൻഡെറ ലിയൻ എന്നിവരുമായി ഫോണിൽ സംഭാഷണം നടത്തിയ അമീർ നിലവിലെ സ്ഥിതിഗതികൾ വിലയിരുത്തി. സമുദ്രനീക്കത്തിലൂടെ ഗാസയിലേക്ക് ദുരിതാശ്വാസ വസ്തുക്കൾ എത്തിക്കുന്ന് സംബന്ധിച്ച് നടന്ന ഓൺലൈൻ യോഗത്തിൽ ഖത്തറും പങ്കുചേർന്നതിന് പിന്നാലെയായിരുന്നു അമീറുമായി സംഭാഷണം നടത്തിയത്. ഓൺലൈൻ യോഗത്തില്‍ ഖത്തറിനെ…
ഗാസ്യലെ ഇസ്രായേൽ ആക്രമണം തുടരുന്നതിനിടെ ഫലസ്തീൻ പ്രസിഡന്റ് മഹ്മൂദ് അബ്ബാസ് ദോഹയിലെത്തി. ദോഹ ഹമദ് വിമാനത്താവളത്തിൽ ഖത്തർ വിദേശകാര്യ സഹമന്ത്രി ഡോ. മുഹമ്മദ് ബിൻ അബ്ദുൽ അസീസ് ബിൻ സാലിഹ് അൽ ഖുലൈഫിയുടെ നേതൃത്വത്തിൽ സ്വീകരിച്ചു. ഫലസ്തീൻ പ്രസിഡന്റ് തിങ്കളാഴ്ച അമീർ ശൈഖ് തമീം ബിൻ ഹമദ് ആൽഥാനിയുമായി കൂടിക്കാഴ്ച നടത്തും.
