ലോകത്തിലെ ഏറ്റവും മനോഹരമായ കെട്ടിടത്തിന് ഇന്ന് രണ്ടുവയസ്, രണ്ട് മില്യൺ സന്ദർശകരുമായി റെക്കോർഡ്
ലോകത്തിലെ ഏറ്റവും മനോഹരമായ കെട്ടിടമെന്ന് വിളിപ്പേരുള്ള ദുബായ് മ്യൂസിയം ഓഫ് ദ ഫ്യൂച്ചറിന് ഇന്ന് രണ്ടുവയസ്. രണ്ട് മില്യൺ സന്ദർശകർ എന്ന റെക്കോർഡിട്ടാണ് ഫ്യൂച്ചർ മ്യൂസിയം രണ്ടാം വർഷം പിന്നിടുന്നത്. സങ്കൽല്പങ്ങളെ കടത്തി വെട്ടുന്ന വിസ്മയങ്ങളുടെ കലവറയാണ് മ്യൂസിയത്തിനകത്ത് കാത്തിരിക്കുന്നത്. പ്രവർത്തനം തുടങ്ങും മുമ്പ് തന്നെ ദുബായിലെ ഭാവിയുടെ മ്യൂസിയത്തെ നാഷണൽ ജിയോഗ്രാഫിക് ലോകത്തെ ഏറ്റവും മനോഹരമായ 14 മ്യൂസിയങ്ങളിൽ ഒന്നായി വാഴ്ത്തിയിരുന്നു. മ്യൂസിയത്തിന്റെ രൂപകല്പന, ഉള്ളടക്കം, ഭാവി ശാസ്ത്രങ്ങൾ എന്നിവയ്ക്ക് ഇതുവരെ 10 അന്താരാഷ്ട്ര പുരസ്‌കാരങ്ങളും…