ബോളിവുഡ് സൂപ്പര്‍സ്റ്റാര്‍ ഷാരൂഖ് ഖാന്‍ ഷൂട്ടിങ്ങിനിടെ അപകടത്തില്‍പ്പെട്ടു. അമേരിക്കയില്‍വച്ചാണ് അപകടമുണ്ടായത്. മൂക്കിനു പരിക്കേറ്റ താരത്തെ അടിയന്തിര ശസ്ത്രക്രിയയ്ക്കു വിധേയനാക്കി. മൂക്കില്‍നിന്നു രക്തമൊഴുകിയത് ലൊക്കേഷനിലുള്ളവരില്‍ വന്‍ പരിഭ്രാന്തി പരത്തി.
ലോസ് ഏഞ്ചല്‍സിലായിരുന്നു ഷൂട്ടിങ്. ആശങ്കപ്പെടേണ്ട കാര്യമില്ലെന്നും നിസാരപരിക്കാണു സംഭവിച്ചതെന്നും മെഡിക്കല്‍ സംഘം അറിയിച്ചു. ശസ്ത്രക്രിയയ്ക്കു ശേഷം കിങ് ഖാന്‍ ഇന്ത്യയില്‍ തിരിച്ചെത്തി. മുംബൈയിലെ തന്റെ വസതിയായ മന്നത്തില്‍ വിശ്രമിക്കുകയാണ് ഇപ്പോള്‍ താരം.
സൂപ്പര്‍ ഹിറ്റ് ചിത്രമായ പഠാനു ശേഷം ഷാരൂഖിന്റെ പുതിയ ചിത്രം റിലീസിന് ഒരുങ്ങുകയാണ്. ജവാന്‍ എന്നാണ് ചിത്രത്തിന്റെ പേര്. തെന്നിന്ത്യന്‍ സംവിധായകന്‍ ആറ്റ്‌ലിയുമായുള്ള താരത്തിന്റെ ആദ്യ ചിത്രമാണിത്. തെന്നിന്ത്യന്‍ താരറാണി നയന്‍താരയും ചിത്രത്തില്‍ അഭിനയിക്കുന്നുണ്ട്. നയന്‍താരയുടെ ബിക്കിനി രംഗങ്ങള്‍ ചിത്രത്തിലുണ്ടെന്നാണു പുറത്തുവരുന്ന റിപ്പോര്‍ട്ട്. വിജയ് സേതുപതിയും ജവാനില്‍ ഒരു പ്രധാനപ്പെട്ട വേഷം കൈകാര്യം ചെയ്യുന്നുണ്ട്.
