വിജയ് നായകനാകുന്ന പുതിയ ചിത്രം ‘വാരിസ്’ലെ മൂന്നാമത്തെ ഗാനം റിലീസായി, ചുരുങ്ങിയ സമയം കൊണ്ട് 71 ലക്ഷത്തിലേറെ പ്രേക്ഷകരാണ് യുട്യൂബില്‍ ഗാനം ആസ്വദിച്ചത്. പ്രിയ ഗായിക കെ.എസ്. ചിത്ര ആലപിച്ച ഗാനത്തിന്റെ സംഗീതം എസ്. തമന്‍. ‘സോള്‍ ഓഫ് വാരിസ്’ എന്ന ടാഗ് ലൈനില്‍ ഒരുക്കിയ ഗാനത്തിന്റെ വരികള്‍ വിവേകിന്റേതാണ്. വംശി പൈടിപ്പള്ളിയാണ് ചിത്രം സംവിധാനം ചെയ്യുന്നത്. വിജയ്‌യുടെ 66–ാമത്തെ ചിത്രമാണ് വാരിസ്. രശ്മിക മന്ദാനയാണ് നായിക. ശ്രീ വെങ്കടേശ്വര ക്രീയേഷന്‍സിന്റെ ബാനറില്‍ ദില്‍ രാജുവും ശിരീഷും ചേര്‍ന്നാണ് നിര്‍മാണം.
തിമിഴിന് പുറമേ തെലുങ്ക്, ഹിന്ദി ഭാഷകളിലുമായി ജനുവരി 12 ന് വാരിസ് റിലീസ് ചെയ്യും. പ്രകാശ് രാജും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നു. ഏറെക്കാലത്തെ ഇടവേളയ്ക്ക് ശേഷം ഇരുവരും ഒന്നിക്കുന്ന ചിത്രം കൂടിയാകും ‘വാരിസ്’. പ്രഭു, എസ്.ജെ സൂര്യ, ജയസുധ, സംഗീത, സംയുക്ത, ഷാം, ശരത്കുമാര്‍, ഖുശ്ബു, ശ്രീകാന്ത്, സംഗീത കൃഷ്, യോഗി ബാബു എന്നിവരും പ്രധാന വേഷങ്ങളില്‍ എത്തുന്നു. കാര്‍ത്തിക് പളനി ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റിങ് നിര്‍വഹിക്കുന്നത് കെ.എല്‍ പ്രവീണ്‍.
