പിറന്നാള്‍ ദിനത്തില്‍ ആറു വയസുകാരി മകളുടെ വീഡിയോ ട്വിറ്ററില്‍ ട്വീറ്റ് ചെയ്ത് തെലുങ്കു സൂപ്പര്‍ താരം അല്ലു അര്‍ജുന്‍. അല്ലുവിന്റെ മകള്‍ അര്‍ഹയുടെ പിറന്നാളിന്ന്. കുഞ്ഞു അര്‍ഹയ്ക്ക് ആശംസകളറിയിച്ച് പതിനായിരക്കണക്കിന് ആരാധകരാണ് കമന്റ് ഇട്ടത്. ‘ഹാപ്പി ബെര്‍ത്ത്‌ഡേ ടു ദ ക്യൂട്ടനസ് ഓഫ് മൈ ലൈഫ്’ എന്ന തലക്കെട്ടോടെയാണ് അല്ലു വീഡിയോ പോസ്റ്റ് ചെയ്തത്. മഞ്ഞ ടീഷര്‍ട്ട് ആണ് അര്‍ഹ ധരിച്ചിരിക്കുന്നത്. വീടിനുള്ളില്‍ നടക്കുന്ന വീഡിയോ ആണിത്.
പുഷ്പയുടെ രണ്ടാം ഭാഗമായ പുഷ്പ: ദി റൂള്‍ ആണ് അല്ലുവിന്റെ പുതിയ പ്രോജക്ട്. സിനിമയുടെ ചിത്രീകരണം ഉടന്‍ ആരംഭിക്കും. ചിത്രത്തിന്റെ ക്യാമറാമാന്‍ മിര്‍സ്ലോവ് കുബ ബ്രോസെക് കഴിഞ്ഞ ദിവസം ഇന്‍സ്റ്റയില്‍ ചിത്രത്തിന്റെ പുതിയ വിശേഷങ്ങള്‍ പങ്കുവച്ചിരുന്നു. പുഷ്പ: ദി റൂളില്‍ അല്ലു അര്‍ജുനൊപ്പം മലയാളി താരം ഫഹദ് ഫാസിലുമുണ്ട്. വില്ലന്‍ വേഷമാണ് ചിത്രത്തില്‍ ഫഹദിന്. പുഷ്പയില്‍ ചന്ദനക്കള്ളക്കടത്തുകാരനായ ലോറി ഡ്രൈവറുടെ വേഷമായിരുന്നു അല്ലു അവതരിപ്പിച്ചത്. മുന്നൂറു കോടി കളക്ട് ചെയ്ത ചിത്രമായിരുന്നു പുഷ്പ. ഹിന്ദി പതിപ്പിനുതന്നെ നൂറു കോടി കളക്ഷന്‍ ലഭിച്ചിരുന്നു.
