Category: Sports

ഓസ്ട്രേലിയൻ ക്രിക്കറ്റ് ഇതിഹാസം ഷെയ്ൻ വോൺ വിട പറഞ്ഞിട്ട് ഒരു വർഷം തികയുന്നു. 2022 മാർച്ച് നാലിനാണ് വോൺ മരിക്കുന്നത്. മരിക്കുമ്പോൾ 52 വയസ് മാത്രമായിരുന്നു പ്രായം. ആ വിയോഗം കുടുംബക്കാരെ മാത്രമല്ല, ക്രിക്കറ്റ് ലോകത്തെയും ആരാധകരെയും ഞെട്ടിച്ചു. തായ്ലാൻഡിൽ അവധിക്കാലം ആഘോഷിക്കാൻ പോയ വോണിനെ ഹോട്ടൽ മുറിയിൽ അബോധാവസ്ഥയിൽ കണ്ടെത്തുകയായിരുന്നു. പിന്നീട്, വോണിന്റെ മരണം സ്വാഭാവിക കാരണങ്ങളാലാണെന്ന് അന്വേഷണ ഉദ്യോഗസ്ഥർ കണ്ടെത്തി. മരിക്കുന്നതിനു മുമ്പ് അദ്ദേഹത്തിന് നെഞ്ചുവേദന അനുഭവപ്പെട്ടിരുന്നു. ഒന്നാം ചരമവാർഷികത്തിൽ അദ്ദേഹത്തിന്റെ ഐതിഹാസിക ക്രിക്കറ്റ്…

ലോകമെമ്പാടും ആരാധകരുള്ള ജനപ്രിയ ക്രിക്കറ്റ് താരമാണ് വിരാട് കോലി. പ്രത്യേകിച്ച്, പെൺകുട്ടികൾക്കിടയിൽ. തങ്ങളുടെ സ്വപ്ന കാമുകനാണ് കോലിയെന്നൊക്കെ ചില പെൺകുട്ടികൾ സോഷ്യൽ മീഡിയയിൽ പറയാറുമുണ്ട്. പൊതുഇടങ്ങളിൽ പലപ്പോഴും വനിതാ ആരാധകർ കോലിക്കു പ്രയാസങ്ങൾ സൃഷ്ടിച്ചിണ്ട്. ഒന്നു തൊടാനും താരത്തിന്റെ ഒപ്പം നിന്ന് സെൽഫിയെടുക്കാനുമെല്ലാം ഏറ്റവും തിരക്കുകൂട്ടാറുള്ളത് എപ്പോഴും വനിതാ ആരാധകരാണ്. അടുത്തിടെ ലണ്ടനിലെ മാഡം തുസാഡ്സ് വാക്സ് മ്യൂസിയത്തിൽ സംഭവിച്ച ചുംബനവീഡിയോ ആണ് സോഷ്യൽ മീഡിയയകളിൽ വൈറലായിരിക്കുന്നത്. ഒരു യുവ ആരാധിക മ്യൂസിയത്തിൽ സ്ഥാപിച്ചിരിക്കുന്ന കോലിയുടെ മെഴുകുപ്രതിമയുടെ…

ടെസ്റ്റ് ക്രിക്കറ്റിൽ ചരിത്രമെഴുതി ഇന്ത്യ. ഓസ്‌ട്രേലിയക്കെതിരെ രണ്ടാം ടെസ്റ്റ് വിജയിച്ചതോടെ ടെസ്റ്റിൽ ഏറ്റവുമധികം തവണ ഓസ്‌ട്രേലിയക്കെതിരെ വിജയിച്ച ടീമായി ഇന്ത്യ മാറി. ഡൽഹി ടെസ്റ്റ് ജയത്തോടെ ഓസ്‌ട്രേലിയക്കെതിരായ ഇന്ത്യയുടെ ടെസ്റ്റ് വിജയങ്ങൾ 32 ആയി. പരമ്പര ആരംഭിക്കുമ്പോൾ ഓസ്‌ട്രേലിയക്കെതിരെ ഇന്ത്യക്ക് 30 വിജയങ്ങളാണ് ഉണ്ടായിരുന്നത്. 31 വിജയങ്ങളിൽ ഇന്ത്യയുടെ എതിരാളികളായിരുന്ന ഇംഗ്ലണ്ടായിരുന്നു ഒന്നാമത്. ഇതാണ് രണ്ടാം ടെസ്റ്റിൽ ഇന്ത്യ തിരുത്തിയത്. ഇന്ത്യ ഏറ്റവുമധികം ടെസ്റ്റ് വിജയം നേടിയ ടീമുകളിൽ മൂന്നാമത് മൂന്ന് ടീമുകളുണ്ട്. ശ്രീലങ്ക, വെസ്റ്റ് ഇൻഡീസ്,…

വനിതാ ടി20 ലോകകപ്പിൽ ഇന്ത്യക്ക് തിരിച്ചടി. ഓപ്പണിംഗ് ബാറ്ററും വൈസ് ക്യാപ്റ്റനുമായ സ്മൃതി മന്ദാന പരിക്കേറ്റ് പുറത്തായി. ഇതോടെ സ്മൃതിക്ക് പാകിസ്താനെതിരായ മത്സരത്തിൽ കളിക്കാനാകില്ല. ഓസ്ട്രേലിയയ്ക്കെതിരായ സന്നാഹ മത്സരത്തിൽ ഫീൽഡിങ്ങിനിടെ സ്മൃതിക്ക് ഇടത് നടുവിരലിന് പരുക്കേറ്റിരുന്നു. ഞായറാഴ്ചയാണ് ഇന്ത്യ-പാക്ക് മത്സരം. ബംഗ്ലാദേശിനെതിരായ രണ്ടാം സന്നാഹ മത്സരത്തിലും മന്ദാന കളിച്ചിരുന്നില്ല. ക്യാപ്റ്റൻ ഹർമൻപ്രീത് കൗറിന്റെ ഫിറ്റ്നസും ആശങ്കാജനകമാണ്. കഴിഞ്ഞയാഴ്ച ദക്ഷിണാഫ്രിക്കയ്ക്കെതിരായ ത്രിരാഷ്ട്ര പരമ്പര ഫൈനലിനിടെ താരത്തിന്റെ തോളിന് പരുക്കേറ്റിരുന്നു. മധ്യനിര ബാറ്റർ ഇന്ത്യയുടെ രണ്ട് സന്നാഹ മത്സരങ്ങളിലും കളിച്ചിരുന്നില്ല….

അമ്പയറുടെ അനുവാദമില്ലാതെ കയ്യിൽ ക്രീം പുരട്ടിയ ഇന്ത്യൻ സ്പിന്നർ രവീന്ദ്ര ജഡേജയ്ക്ക് പിഴ. ഓസ്‌ട്രേലിയക്കെതിരായ ബോർഡർ – ഗവാസ്‌കർ പരമ്പരയിലെ ആദ്യ മത്സരത്തിനിടെയാണ് സംഭവം. മാച്ച് തുകയുടെ 25 ശതമാനം പിഴയ്‌ക്കൊപ്പം ജഡേജയ്ക്ക് ഒരു ഡീമെരിറ്റ് പോയിന്റും ചുമത്തി. വിരലിൽ വേദന ആയതിനാലാണ് ജഡേജ കയ്യിൽ ക്രീം പുരട്ടിയതെന്ന് ഇന്ത്യൻ ടീം അറിയിച്ചിരുന്നെങ്കിലും അമ്പയറുടെ അനുവാദം വാങ്ങാതിരുന്നതിനാലാണ് അച്ചടക്ക നടപടി. പന്തിൽ കൃത്രിമം കാണിക്കാനല്ല ക്രീം പുരട്ടിയതെന്ന് മാച്ച് റഫറിക്ക് ബോധ്യമായതായി ഐസിസി പറയുന്നു. അമ്പയറുടെ അനുവാദമില്ലാതെ…

അന്താരാഷ്ട്ര ക്രിക്കറ്റ് ചരിത്രത്തിൽ മൂന്ന് ഫോർമാറ്റിലും സെഞ്ച്വറി നേടുന്ന ഏറ്റവും പ്രായം കുറഞ്ഞ താരമായി ഇന്ത്യൻ ഓപ്പണർ ശുഭ്മാൻ ഗിൽ. 23 വയസും 146 ദിവസവും പ്രായമുള്ളപ്പോഴാണ് എല്ലാ ഫോർമാറ്റിലും സെഞ്ച്വറി നേടുന്ന നേട്ടം ഗിൽ സ്വന്തമാക്കുന്നത്. ടി20യിൽ സെഞ്ചുറി നേടുന്ന ഏറ്റവും പ്രായം കുറഞ്ഞ ഇന്ത്യൻ താരമെന്ന റെക്കോർഡും ഗില്ലിന്റെ പേരിലാണ്. ഇന്നലെ ന്യൂസിലാൻഡിനെതിരായ മൂന്നാം ട്വന്റി 20യിൽ വമ്പൻ ജയം നേടി ഇന്ത്യ പരമ്പര സ്വന്തമാക്കിയപ്പോൾ തകർപ്പൻ സെഞ്ച്വറിയുമായി കളം നിറഞ്ഞത് ശുഭ്മാൻ ഗില്ലായിരുന്നു….