Category: Saudi

സൗദിയിലെ ആദ്യത്തെ ഇലക്ട്രിക് ബസ് നിരത്തിലിറങ്ങി. ജിദ്ദയിലാണ് പരീക്ഷണാർഥത്തിൽ ഇലക്ട്രിക് ബസ് സർവീസ് ആരംഭിച്ചത്. താമസിയാതെ മറ്റിടങ്ങളിലേക്കും കാർബൺ രഹിത ബസ്സുകൾ സർവീസ് നടത്തുമെന്ന് അധികൃതർ അറിയിച്ചു. പൊതുഗതാഗത അതോറിറ്റി ആക്ടിംഗ് പ്രസിഡൻറ് ഡോ. റുമൈഹ് അൽ റുമൈഹ് ആണ് രാജ്യത്തെ ആദ്യത്തെ ഇലക്ട്രിക് ബസിൻറെ ആദ്യ സർവീസ് ഫ്ളാഗ് ഓഫ് ചെയ്തത്. ജിദ്ദ മേയർ സ്വാലിഹ് അൽ തുർക്കി, പൊതുഗതാഗത അതോറിറ്റി പ്രസിഡന്റ് എൻജിനീയർ ഖാലിദ് അൽ ഹുഖൈൽ എന്നിവരും ചടങ്ങിൽ സന്നിഹിതരായിരുന്നു. ഒരു വട്ടം…

സൗദിയിൽ സ്‌കൂൾ ബസുകളുടെ പ്രവർത്തനം നിരീക്ഷിക്കാൻ ഓട്ടോമാറ്റഡ് സംവിധാനം നിലവിൽ വന്നതായി പൊതുഗതാഗത അതോറിറ്റി അറിയിച്ചു. സ്‌കൂൾ ബസ്സുകൾക്കു പുറമെ പ്രത്യേക ആവശ്യങ്ങൾക്കായി സർവീസ് നടത്തുന്ന ട്രാൻസ്‌പോർട്ട് ബസുകളുടെയും പ്രവർത്തനങ്ങളാണ് ഇത് വഴി നിരീക്ഷിക്കുക. ഫെബ്രുവരി ഒന്ന് മുതൽ സംവിധാനം പ്രവർത്തനക്ഷമമായതായി അതോറിറ്റി അറിയിച്ചു. നിയമ ലംഘനം കണ്ടെത്തിയാൽ ശിക്ഷാ നടപടികൾ സ്വീകരിക്കുമെന്ന് ട്രാൻസ്പോർട്ട് അതോറിറ്റി മുന്നറിയിപ്പ് നൽകി. ഈ മാസം മുതൽ രാജ്യത്ത് ഓട്ടോമാറ്റഡ് നിരീക്ഷണ സംവിധാനം നടപ്പിലാക്കുമെന്ന് നേരത്തെ ഗതാഗത അതോറിറ്റി അറിയിച്ചിരുന്നു. സ്‌കൂൾ…

സൗദിയിലെ അൽഖുറയാത്തിൽ വീടിന് തീപിടിച്ച് മൂന്ന് കുട്ടികളടക്കം ഏഴ് പേർ മരിച്ചു. ഒരാൾക്ക് പരിക്കേറ്റു. ഹയ്യ് തസ്ഹീലാത്തിൽ ചൊവ്വാഴ്ച പുലർച്ചെയായിരുന്നു ദാരുണ സഭവം. തീ വേഗം നിയന്ത്രണവിധേയമാക്കി. വീട്ടിനുള്ളിൽ നാല് പേരെ മരിച്ച നിലയിലും മറ്റ് നാലുപേരെ ഗുരുതരാവസ്ഥയിലുമാണ് കണ്ടെത്തിയത്. പരിക്കേറ്റവരെ ഉടൻ ആശുപത്രിയിലേക്ക് കൊണ്ടുപോയി. മൂന്ന് കുട്ടികളും ആശുപത്രിയിലാണ് മരിച്ചത്. ഇവർ വീട്ടിനുള്ളിലെ ഒരു മുറിയിലായിരുന്നു. വീടിന് തീപിടിച്ച് പുകപടലം ഉയരുന്ന വിവരം അൽഖുറയാത്ത് പട്രോളിങ് പൊലീസിന് ലഭിച്ച ഉടനെ സിവിൽ ഡിഫൻസ് സ്ഥലത്തെത്തി രക്ഷാപ്രവർത്തനം…

വിമാന ടിക്കറ്റിനൊപ്പം സൗജന്യ ട്രാൻസിറ്റ് വിസ കൂടി അനുവദിക്കുന്ന പുതിയ സംവിധാനത്തിന് സൗദി വിദേശ മന്ത്രാലയം തുടക്കം കുറിച്ചു. മൂന്നു മാസം കാലാവധിയുള്ള ട്രാൻസിറ്റ് വിസയിൽ നാലു ദിവസം വരെ സൗദിയിൽ തങ്ങാൻ സന്ദർശകർക്ക് സാധിക്കും. സൗദിയിലെ ദേശീയ വിമാന കമ്പനികളായ സൗദിയ, ഫ്‌ളൈ നാസ് എന്നീ എയർലൈനുകളിൽ സൗദി വഴി യാത്ര ചെയ്യുന്ന അന്താരാഷ്ട്ര യാത്രക്കാർക്ക് ഇടത്താവളമെന്ന നിലയിൽ സൗദിയിൽ ഇറങ്ങാൻ അവസരം നൽകുന്നതാണ് പുതിയ വിസ സമ്പ്രദായം. ഇത് തികച്ചും സൗജന്യമാണ് എന്നതാണ് ട്രാൻസിറ്റ്…

പ്രവാസികളുടെ പ്രശ്‌നങ്ങൾ പരിഹരിക്കാനും നിക്ഷേപ സാധ്യതകൾ കൂടുതൽ സുതാര്യവും എളുപ്പവുമാക്കുന്നതിനും ഏകജാലക സംവിധാനം സർക്കാരിന്റെ പരിഗണനയിലാണെന്ന് സംസ്ഥാന റവന്യൂ, ഭവന നിർമാണ വകുപ്പ് മന്ത്രി കെ. രാജൻ. വൈകാതെ അതിന്റെ പ്രഖ്യാപനമുണ്ടാകുമെന്നും മന്ത്രി പറഞ്ഞു. നവയുഗം സാംസ്‌കാരിക വേദി ഏർപ്പെടുത്തിയ സഫിയ അജിത് സാമൂഹിക പ്രതിബദ്ധതാ പുരസ്‌കാരം ഏറ്റുവാങ്ങാൻ എത്തവെ ദമ്മാം ഇന്ത്യൻ മീഡിയ ഫോറം സംഘടിപ്പിച്ച മീറ്റ് ദ പ്രസിൽ സംസാരിക്കുകയായിരുന്നു അദ്ദേഹം. ചില പ്രവാസി സംരംഭകർ ആത്മഹത്യ ചെയ്തത് ഉൾപ്പടെയുള്ള പ്രശ്‌നങ്ങളുണ്ടായി. പ്രവാസി നിക്ഷേപങ്ങളെ…

ഹജ്ജ് തീർഥാടനത്തിനുള്ള ബുക്കിംഗിന്റെ ഭാഗമായി തെരഞ്ഞെടുത്ത പാക്കേജ് പ്രകാരമുള്ള ഇൻവോയ്‌സ് ഇഷ്യൂ ചെയ്ത ശേഷം പ്രധാന അപേക്ഷകന് കൂടെ ബുക്ക് ചെയ്തിട്ടുള്ള ആശ്രിതരിൽ ഒരാളെ ബുക്കിംഗിൽ നിന്ന് നീക്കം ചെയ്യാൻ അവസരമുണ്ടെന്ന് ഹജ്ജ്, ഉംറ മന്ത്രാലയം വ്യക്തമാക്കി. അതേസമയം, ഇങ്ങനെ ബുക്കിംഗ് കാൻസൽ ചെയ്ത ആശ്രിതനു പകരം മറ്റൊരാളെ പുതുതായി ചേർക്കാൻ കഴിയില്ലെന്നും അധികൃതർ വ്യക്തമാക്കി.

നവയുഗം സാംസ്‌കാരികവേദിയുടെ സഫിയ അജിത്ത് സാമൂഹിക പ്രതിബദ്ധതാ പുരസ്‌കാരത്തിന് കേരളരാഷ്ട്രീയത്തിലെ ശ്രദ്ധേയനായ യുവനേതാവും സംസ്ഥാന റവന്യൂ വകുപ്പ് മന്ത്രിയുമായ കെ.രാജനെ തെരഞ്ഞെടുത്തു. പരേതയായ നവയുഗം കേന്ദ്ര വൈസ് പ്രസിഡൻറും പ്രവാസി ജീവകാരുണ്യപ്രവർത്തകയുമായ സഫിയ അജിത്തിന്റെ സ്മരണക്ക് ഏർപ്പെടുത്തിയതാണ് അവാർഡ്. കഴിഞ്ഞ മൂന്നര പതിറ്റാണ്ടിലധികമായി പൊതുപ്രവർത്തനരംഗത്തും രാഷ്ട്രീയത്തിലും സാമൂഹിക സാംസ്‌കാരികരംഗത്തും വ്യക്തിമുദ്ര പതിപ്പിച്ച നേതാവാണ് കെ. രാജനെന്ന് അവാർഡ് നിർണയിച്ച നവയുഗം കേന്ദ്രകമ്മിറ്റി വിലയിരുത്തി.