Category: Saudi

ഇന്ത്യൻ ഹജ്ജ് മിഷൻ ഹറമിലേക്ക് നടത്തുന്ന ബസ് സർവിസ് തൽക്കാലത്തേക്ക് നിർത്തിവെക്കും. ഇന്ന് വൈകീട്ടാണ് സർവിസ് നിർത്തിവെക്കുക. ഇന്ത്യൻ ഹാജിമാർ താമസിക്കുന്ന അസീസിയിലെയും നസീമിലെയും താമസകേന്ദ്രങ്ങളിൽനിന്ന് 24 മണിക്കൂറും ഹറമിലേക്കും തിരിച്ചും ഷട്ടിൽ ബസ് സർവിസ് നടത്തുന്നുണ്ട്. ഈ സർവിസാണ് ഹറമിലെ തിരക്ക് പരിഗണിച്ച് തൽക്കാലത്തേക്ക് അവസാനിപ്പിക്കുന്നത്. ഹജ്ജിനുശേഷം ജൂലൈ മൂന്നിന് വീണ്ടും സർവിസുകൾ പുനരാരംഭിക്കും.

സൗദി അറേബ്യയിൽ ദുൽഹജ് മാസപ്പിറവി ദൃശ്യമായി. ഇതോടെ ബലിപെരുന്നാൾ(ഈദുൽ അദ് ഹ) ഈ മാസം 28നും ഹജിലെ പ്രധാന ചടങ്ങായ അറഫാ ദിനം 27നും ആയിരിക്കും.  അറബി മാസം ദുല്‍ഹജ് പത്തിനാണ് ബലി പെരുന്നാള്‍ ആഘോഷിക്കുന്നത്.  സൗദി അറേബ്യയില്‍ ഞായറാഴ്ച വൈകിട്ട് മാസപ്പിറവി നിരീക്ഷിക്കണമെന്ന് സുപ്രീം കോടതി ആഹ്വാനം ചെയ്തിരുന്നു. ഒമാനില്‍ ദുല്‍ഹിജ്ജ മാസപ്പിറവി കണ്ടതായി ഔഖാഫ്, മതകാര്യ മന്ത്രാലയം അറിയിച്ചു. ഇതുപ്രകാരം ബലി പെരുന്നാള്‍ ജൂണ്‍ 28 ബുധനാഴ്ച ആയിരിക്കുമെന്നും മന്ത്രാലയം വ്യക്തമാക്കി.