സൗദിയുടെ വിവിധ മേഖലകളിൽ മാർച്ച് 25, തിങ്കളാഴ്ച വരെ ശക്തമായ മഴയ്ക്ക് സാധ്യതയുള്ളതായി സൗദി ദേശീയ കാലാവസ്ഥാ കേന്ദ്രം അറിയിച്ചു. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. ഈ അറിയിപ്പ് പ്രകാരം, ഇന്ന് മുതൽ മാർച്ച് 25 വരെ സൗദി അറേബ്യയുടെ വിവിധ പ്രദേശങ്ങളിൽ ശക്തമായ മഴ അനുഭവപ്പെടുന്നതിന് സാധ്യതയുണ്ട്. മക്ക, അൽ ബാഹ, അസീർ, ജസാൻ, അൽ ജൗഫ്, ഹൈൽ, അൽ ഖാസിം, ഈസ്റ്റേൺ പ്രൊവിൻസ്, നോർത്തേൺ ബോർഡേഴ്‌സ് തുടങ്ങിയ മേഖലകളിൽ ഈ കാലയളവിൽ ശക്തമായ…
റമദാൻ മാസത്തിൽ മക്കയിലും മദീനയിലും വാഹന പരിശോധന ശക്തമാക്കി. റമദാനിന്റെ ആദ്യ ആഴ്ചയിൽ 34,000ത്തിലധികം പരിശോധനകളാണ് ജനറൽ ട്രാൻസ്‌പോർട്ട് അതോറിറ്റി നടത്തിയത്. ഗതാഗത മാനദണ്ഡങ്ങളും ചട്ടങ്ങളും പാലിക്കുന്നത് വർധിപ്പിക്കുന്നതിനും തീർഥാടകരുടെ യാത്രാസുരക്ഷ ഉറപ്പാക്കുന്നതിനും മന്ത്രാലയം നടത്തുന്ന നിരന്തര ശ്രമങ്ങളുടെ ഭാഗമായാണിത്. മക്കയിൽ 24,632 പരിശോധനകൾ നടത്തിയതായും 5,530 ലംഘനങ്ങൾ നിരീക്ഷിച്ചതായും അതോറിറ്റി വ്യക്തമാക്കി. മദീനയിൽ 9,711 പരിശോധനകൾ നടത്തി. 1,054 നിയമലംഘനങ്ങൾ കണ്ടെത്തി. ഓപറേറ്റിങ് പെർമിറ്റില്ലാത്ത ഡ്രൈവർമാർ, ബസിൽ ആവശ്യമായ സാങ്കേതിക ഉപകരണങ്ങൾ സജ്ജീകരിക്കാതിരിക്കൽ, ദീർഘദൂര യാത്രകൾക്ക്…
വിവിധ നിയമലംഘനങ്ങൾ നടത്തി രാജ്യത്ത് അനധികൃതമായി തങ്ങുന്നവർക്കെതിരെ കർശന പരിശോധനയും ശിക്ഷാനടപടിയും തുടരുന്നു. താമസ, ജോലി, അതിർത്തി സുരക്ഷാ ചട്ടങ്ങൾ ലംഘിച്ചതിന് ഒരാഴ്ചയ്ക്കിടെ 19,746 വിദേശികളെയാണ് അറസ്റ്റ് ചെയ്തത്. താമസ നിയമം ലംഘനത്തിന് 11,250 പേരും അനധികൃത അതിർത്തി കടക്കൽ കുറ്റത്തിന് 5,511 പേരും തൊഴിൽ നിയമലംഘനങ്ങൾക്ക് 2,985 പേരുമാണ് പിടിയിലായത്. അനധികൃതമായി രാജ്യത്തേക്ക് പ്രവേശിക്കാൻ ശ്രമിച്ചതിന് അറസ്റ്റിലായ 972 പേരിൽ 47 ശതമാനം യമനികളും 50 ശതമാനം എത്യോപ്യക്കാരും മൂന്ന് ശതമാനം മറ്റ് രാജ്യക്കാരുമാണ്. അയൽരാജ്യങ്ങളിലേക്ക്…
മസ്ജിദുൽ ഹറാമിലെ തിരക്ക് കുറക്കാൻ ഹറം പരിധിക്കുള്ളിലെ ഏതെങ്കിലും പള്ളിയിൽ നമസ്കാരം നിർവഹിക്കണമെന്ന് മക്കയിലെ ജനങ്ങളോടും നിവാസികളോടും ഹജ്ജ് ഉംറ മന്ത്രാലയം ആവശ്യപ്പെട്ടു. റമദാനിൽ മക്കയിലേക്കുള്ള തീർഥാടകരുടെയും സന്ദർശകരുടെയും തിരക്ക് വർധിച്ച സാഹചര്യത്തിലാണിത്. ഹറമിന്റെ പരിധിയിൽ ഉൾപ്പെടുന്ന പള്ളികളിലെ പ്രാർഥനക്ക് വലിയ പ്രതിഫലമുണ്ടെന്നും മന്ത്രാലയം സൂചിപ്പിച്ചു. അതേസമയം ഹറമിലെ തിരക്ക് കുറക്കാൻ ‘മക്ക മുഴുവനും ഹറം ആണ്’ എന്ന തലക്കെട്ടിൽ മക്ക, മശാഇർ റോയൽ കമീഷൻ ബോധവത്കരണ കാമ്പയിൻ ആരംഭിച്ചു. മക്ക നിവാസികൾക്കും സന്ദർശകർക്കും തീർഥാടകർക്കും ഹറമിന്റെ…
രാജ്യത്തെ എയർപ്പോർട്ടുകളിൽനിന്ന് ടാക്സി പെർമിറ്റില്ലാതെ യാത്രക്കാരെ കയറ്റികൊണ്ടുപോയാൽ 5000 റിയാൽ പിഴ ചുമത്തുമെന്ന് പൊതുഗതാഗത അതോറിറ്റിയുടെ മുന്നറിയിപ്പ്. അനധികൃത ടാക്സികൾക്കെതിരെ പിഴ ചുമത്തൽ നടപടി ഗതാഗത അതോറിറ്റി ആരംഭിച്ചു. ഇത്തരം സർവിസ് നടത്താൻ താൽപര്യമുള്ളവർ അവരുടെ വാഹനങ്ങൾ ടാക്സി ലൈസൻസുള്ള കമ്പനികളിലൊന്നിന് കീഴിൽ ചേർക്കാനും അതിനുവേണ്ടിയുള്ള പ്രോത്സാഹന പരിപാടിയിൽനിന്ന് പ്രയോജനം നേടാനും അതോറിറ്റി ആവശ്യപ്പെട്ടു. വ്യാജ ടാക്സി സർവിസുകൾക്കെതിരെ ആഭ്യന്തര മന്ത്രാലയം, ഗസ്റ്റ്സ് ഓഫ് ഗോഡ് സർവിസ് പ്രോഗ്രാം, പബ്ലിക് പ്രോസിക്യൂഷൻ, ജനറൽ അതോറിറ്റി ഓഫ് സിവിൽ…
സൗദി വിസ സ്റ്റാമ്പിങിനുൾപ്പെടെ ആവശ്യമായ എല്ലാ അറ്റസ്റ്റേഷൻ സേവനങ്ങളും വി.എഫ്.എസ് കേന്ദ്രങ്ങളിലേക്ക് മാറ്റി. ഇനി മുതൽ സൗദി വിസ സംബന്ധമായ എല്ലാ നടപടിക്രമങ്ങൾക്കും ട്രാവൽ ഏജൻസികൾക്ക് പകരം വി.എഫ്.എസ് കേന്ദ്രങ്ങളെയാണ് സമീപിക്കേണ്ടത്. പുതിയ മാറ്റത്തോടെ വി.എഫ്.എസ് കേന്ദ്രങ്ങളിലെ തിരക്ക് ഇനിയും വർധിക്കും. ഡൽഹിയിലുള്ള സൗദി എംബസി വഴിയും മുംബൈയിലെ സൗദി കോൺസുലേറ്റ് വഴിയുമായിരുന്നു ഇത് വരെ സൗദി വിസ സ്റ്റാമ്പിംഗിനാവശ്യമായിരുന്ന എല്ലാ അറ്റസ്റ്റേഷനുകളും ചെയ്തിരുന്നത്. വിവാഹ സർട്ടിഫിക്കറ്റ്, ജനന സർട്ടിഫിക്കറ്റ്, പോളിയോ സർട്ടിഫിക്കറ്റ് ഉൾപ്പെടെയുള്ള സർട്ടിഫിക്കറ്റ് അറ്റസ്റ്റേഷൻ…
റമദാനിൽ തീർത്ഥാടകർക്ക് ഒന്നിലധികം തവണ ഉംറ അനുഷ്ഠിക്കുന്നതിന് അനുമതി നൽകില്ലെന്ന് സൗദി ഹജ്ജ്, ഉംറ മന്ത്രാലയം വ്യക്തമാക്കി. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തിരിക്കുന്നത്. റമദാനിൽ തീർത്ഥാടകർക്ക് ഉംറ അനുഷ്ഠിക്കുന്നതിന് ഒരു തവണ മാത്രമാണ് അനുമതി നൽകുന്നതെന്നാണ് മന്ത്രാലയം അറിയിച്ചിരിക്കുന്നത്. എല്ലാ തീർത്ഥാടകർക്കും സുഗമമായ തീർത്ഥാടന അനുഭവം നൽകുന്നതിനും, തിരക്ക് കുറയ്ക്കുന്നതിനുമായാണ് റമദാനിൽ ഉംറ തീർത്ഥാടനം ഒരു തവണ മാത്രമാക്കി നിജപ്പെടുത്താനുള്ള തീരുമാനം.
റമദാനായതോടെ മദീനയുടെ വിവിധ ഭാഗങ്ങളിൽ നിന്നും വിശ്വാസികളെ ഹറമിലെത്തിക്കുന്നതിന് ഷട്ടിൽ ബസ് സർവിസ് ആരംഭിച്ചു. മസ്ജിദുന്നബവിയിലേക്കും തിരിച്ചും ആയിരക്കണക്കിന് വിശ്വാസികളുടെ യാത്ര സുഗമമാക്കാനും റോഡുകളിലെ വാഹനത്തിരക്ക് കുറക്കാനും മദീന വികസന അതോറിറ്റിയാണ് ഇത്തവണയും ഷട്ടിൽ സർവിസ് ഏർപ്പെടുത്തിയത്. ഏഴ് സ്റ്റേഷനുകളിൽനിന്ന് ഹറമിലേക്കും തിരിച്ചുമാണ് സർവിസുള്ളത്. വൈകീട്ട് മൂന്നിന് ആരംഭിച്ച് രാത്രി ഖിയമുലൈൽ പ്രാർഥനക്കു ശേഷം ഒരു മണിക്കൂർ കൂടി ബസ് സർവിസ് ഉണ്ടാകും. സ്‌പോർട്‌സ് സ്റ്റേഡിയം, ദുറത്ത് അൽമദീന, സയ്യിദ് അൽശുഹദാഅ്, ഇസ്‌ലാമിക് യൂനിവേഴ്‌സിറ്റി, അൽഖാലിദിയ ഡിസ്ട്രിക്ട്,…
മസ്ജിദുൽ ഹറാമിൽ സേവനനിരതരായ സുരക്ഷാഭടന്മാരോടൊപ്പം മക്ക ഡെപ്യൂട്ടി ഗവർണർ അമീർ സഊദ് ബിൻ മിശ്അൽ ബിൻ അബ്ദുൽ അസീസ് ഇഫ്താറിൽ പങ്കാളിയായി. ചൊവ്വാഴ്ച വൈകീട്ടാണ് ഡെപ്യൂട്ടി ഗവർണർ ഹറമിലെത്തിയത്. സുരക്ഷ മേഖലയിലെ നിരവധി ഉദ്യോഗസ്ഥർ ഇഫ്താറിൽ പങ്കെടുത്തു. മേഖല ഗവർണർ അമീർ ഖാലിദ് അൽഫൈസലിന്റെ റമദാൻ ആശംസകൾ സുരക്ഷ ഉദ്യോഗസ്ഥരെ ഡെപ്യൂട്ടി ഗവർണർ അറിയിച്ചു. തീർഥാടകരെ സേവിക്കുന്നതിനായി കൂടുതൽ പരിശ്രമിക്കാനും അതിനായുള്ള ജോലികൾ ഇരട്ടിയാക്കാനും അദ്ദേഹം ആവശ്യപ്പെട്ടു. ഹറമിൽ തീർഥാടകർക്ക് ഒരുക്കിയ സൗകര്യങ്ങളും സുരക്ഷപ്രവർത്തന കേന്ദ്രവും പരാതികൾ…
മസ്ജിദുന്നബവിയിലെത്തുന്നവർ പള്ളിയിൽ സേവനത്തിലേർപ്പെട്ട ഉദ്യോഗസ്ഥരുമായും സുരക്ഷ സംവിധാനങ്ങളുമായും സഹകരിക്കണമെന്ന് ഇരുഹറം മതകാര്യ മേധാവി ഡോ. അബ്ദുറഹ്മാൻ അൽസുദൈസ് ആവശ്യപ്പെട്ടു. മസ്ജിദുന്നബവിയിൽ ഇശാഅ് നമസ്കാര ശേഷം നടത്തിയ പ്രസംഗത്തിലാണ് അദ്ദേഹം ഇക്കാര്യം പറഞ്ഞത്. സുരക്ഷ ഉദ്യോഗസ്ഥർ പള്ളിയിലെത്തുന്നവരുടെ സുരക്ഷക്കായി വലിയ ശ്രമങ്ങളാണ് നടത്തുന്നത്. ബന്ധപ്പെട്ട അധികാരികളുടെ നിർദേശങ്ങൾ നമ്മൾ പാലിക്കണം. ഭക്തിസാന്ദ്രമായ അന്തരീക്ഷത്തിൽ ആരാധനകൾ നടത്തുന്നതിന് ഇത് ആവശ്യമാണ്. ഇരുഹറമുകളുടെ സന്ദേശം ലോകത്തെത്തിക്കാനും തീർഥാടകരുടേയും സന്ദർശകരുടേയും അനുഭവം സമ്പന്നമാക്കാനും ഭരണകൂടം അതീവ ശ്രദ്ധയാണ് ചെലുത്തുന്നത്. നന്മയുടെയും അനുഗ്രഹങ്ങളുടെയും ഖുർആന്റെയും…
