Category: Qatar

ഫുട്ബോൾ ആരാധകർക്ക് ഫിഫ ലോകകപ്പിന്റെ ഉദ്ഘാടന മത്സരടിക്കറ്റ് സ്വന്തമാക്കാൻ വീണ്ടും അവസരമൊരുക്കി സംഘാടകർ. ഇത്തവണ ഖത്തർ ലോകകപ്പിന്റെ ഔദ്യോഗിക മുദ്രാവാക്യം പതിച്ച സ്റ്റിക്കറുകൾ സ്വന്തം വാഹനങ്ങൾ, വസ്തുക്കൾ എന്നിവയിൽ ഒട്ടിച്ചതിന്റെ ചിത്രം സമൂഹമാധ്യമങ്ങളിൽ പോസ്റ്റ് ചെയ്യുന്നവരിൽ നിന്ന് തിരഞ്ഞെടുക്കപ്പെടുന്നവർക്കാണ് ടിക്കറ്റ് സമ്മാനമായി നൽകുക. ‘നൗ ഈസ് ഓൾ’ എന്നതാണ് ഖത്തർ ലോകകപ്പിന്റെ ഔദ്യോഗിക മുദ്രാവാക്യം. ശേഖരിക്കുക, ഒട്ടിക്കുക, നേടുക എന്ന തലക്കെട്ടിലാണ് മത്സരം. സെപ്റ്റംബർ 21 ദോഹ സമയം 11.45 വരെയാണ് സമയപരിധി. 22ന് നടക്കുന്ന നറുക്കെടുപ്പിലൂടെ…

ഫിഫയുടെ ചരിത്രത്തിൽ ആദ്യമായി പുരുഷ ലോകകപ്പിൽ വനിതാ റഫറിമാർ. 36 റഫറിമാർ, 69 അസി.റഫറിമാർ, 24 വിഡിയോ മാച്ച് ഒഫീഷ്യൽസ് എന്നിവരെയാണ് തിരഞ്ഞെടുത്തത്. പ്രധാന റഫറിമാരിലും അസി.റഫറിമാരിലുമായി 6 പേർ വനിതകളാണ്. ജപ്പാന്റെ യോഷിമിക്ക് പുറമെ പ്രധാന റഫറിമാരായി ഫ്രാൻസിന്റെ സ്റ്റെഫാനി ഫ്രപ്പാർട്ട്, റുവാണ്ടയുടെ സലിമ മുകൻസംഘ എന്നിവരും അസി. റഫറിമാരായി ബ്രസീലിന്റെ നിയുസ ബാക്ക്, മെക്സിക്കോയുടെ കരൻ ഡിയാസ്, യുഎസിന്റെ കത്രിൻ നെസ്ബിറ്റ് എന്നിവരുമാണ് തിരഞ്ഞെടുക്കപ്പെട്ടത്.

നവീകരണ ജോലികൾക്കായി അൽ വക്ര, അൽ ഫർഖിയ ബീച്ചുകൾ 2 മാസത്തേക്ക് അടച്ചു. ഫിഫ ലോകകപ്പിനെത്തുന്ന സന്ദർശകരെ വരവേൽക്കാനാണ് ബീച്ചുകൾ കൂടുതൽ ആകർഷകമാക്കുന്നത്. ഒക്ടോബർ 31 വരെ ബീച്ചിൽ പ്രവേശനമില്ല. പൊതുമരാമത്ത് അതോറിറ്റിയുടെ റോഡുകളും പൊതുസ്ഥലങ്ങളും സൗന്ദര്യവൽക്കരിക്കുന്നതിനുള്ള സൂപ്പർവൈസറി കമ്മിറ്റിയുടെ നേതൃത്വത്തിലാണ് നവീകരണ, സൗന്ദര്യവൽക്കരണ ജോലികൾ നടക്കുന്നത്. നവംബർ, ഡിസംബർ മാസങ്ങളിൽ നടക്കുന്ന ഫിഫ ലോകകപ്പിന് 15 ലക്ഷത്തിലധികം ആരാധകരെയാണ് ഖത്തർ പ്രതീക്ഷിക്കുന്നത്.

ഖത്തറിൽ അടച്ചിട്ട പൊതുയിടങ്ങളിൽ ഇനി മാസ്‌ക് നിർബന്ധമല്ലെന്ന് മന്ത്രിസഭായോഗം തീരുമാനിച്ചു. പ്രധാനമന്ത്രിയുടെ അധ്യക്ഷതയിൽ ചേർന്ന മന്ത്രിസഭായോഗത്തിലാണ് തീരുമാനം. കോവിഡ് കേസുകൾ വർധിച്ചുതുടങ്ങിയ സാഹചര്യത്തിൽ കഴിഞ്ഞ ജൂലൈ ഏഴ് മുതലാണ് അടച്ചിട്ട പൊതുയിടങ്ങളിൽ വീണ്ടും മാസ്‌ക് നിർബന്ധമാക്കിയത്. കടകൾ, ഷോപ്പിങ് മാളുകൾ, പള്ളികൾ ഉൾപ്പെടെ പൊതുജനങ്ങൾ കൂടുന്ന എല്ലാ ഇൻഡോർ സ്ഥലങ്ങളിലും മാസ്‌ക് നിർബന്ധമായിരുന്നു. എന്നാൽ, രോഗവ്യാപനം കുറഞ്ഞു തുടങ്ങിയതോടെയാണ് മാസ്‌ക് അണിയുന്നതിൽ ഇളവു നൽകാൻ തീരുമാനിച്ചത്. സിനിമ ഹാൾ, ഷോപ്പിങ് മാളുകൾ, പള്ളി എന്നിവിടങ്ങളിൽ മാസ്‌ക് അണിയേണ്ടതില്ല….

ഖത്തറിന്റെ പർപ്പിൾ ഐലൻഡും ലോകത്തിലെ ഏറ്റവും മികച്ച ദ്വീപുകളിലൊന്നായി ഇടംപിടിച്ചു. ഗ്ലോബൽ ട്രാവൽ സൈറ്റ് ബിഗ് 7 ട്രാവലിന്റെ ലോകത്തിലെ മികച്ച 50 ഐലൻഡുകളുടെ പട്ടികയിലാണ് പർപ്പിൾ ഐലൻഡ് ഇടം നേടിയത്. കൗതുകകരമായ ചരിത്രമുള്ള ദ്വീപ് എന്നാണ് പട്ടികയിൽ പർപ്പിൾ ഐലൻഡ് ദ്വീപിനെ വിശേഷിപ്പിച്ചിരിക്കുന്നത്. അൽഖോറിലാണ് പർപ്പിൾ ഐലൻഡ്. 2000 ബിസി മുതൽ ബഹ്റൈനുമായുള്ള വ്യാപാരത്തിനായി മീൻപിടിത്തക്കാരും മുത്തുവാരൽ വിദഗ്ധരും പ്രധാനമായും ഉപയോഗിച്ചിരുന്ന ദ്വീപാണിത്. കണ്ടൽ കാടുകൾ നിറഞ്ഞ ഇവിടെ പരിസ്ഥിതി സംരക്ഷണ പ്രവർത്തനങ്ങൾ സജീവമാണ്. ഏതാനും…

ഖത്തർ ലോകകപ്പ് ആരാധകർക്കായി ഇതുവരെ 2.6 ലക്ഷം ഹയ്യാകാർഡുകൾ അനുവദിച്ചതായി സുപ്രീം കമ്മിറ്റി ഫോർ ഡെലിവറി ആന്റ് ലെഗസി.ലോകകപ്പ് വേദികളിലേക്ക് പ്രവേശിക്കാനും ലോകകപ്പ് സമയത്ത് ഖത്തറിലെത്താനും ഹയ്യാ കാർഡ് നിർബന്ധമാണ്. ഖത്തർ ലോകകപ്പിന്റെ ഫാൻ ഐഡിയാണ് ഹയ്യാകാർഡ്. ടിക്കറ്റ് സ്വന്തമാക്കിയവർക്ക് ഇതിനോടകം ഫാൻ ഐഡി അനുവദിച്ചതായി സുപ്രീം കമ്മിറ്റിയുടെ ഹയ്യ പ്ലാറ്റ്‌ഫോം എക്‌സിക്യുട്ടീവ് ഡയറക്ടർ വ്യക്തമാക്കി. ടിക്കറ്റിനൊപ്പം ഹയാ കാർഡ് കൂടി ഉള്ളവരെ മാത്രമാകും സ്റ്റേഡിയത്തിലേക്ക് പ്രവേശിപ്പിക്കുക. ഇവർക്ക് പൊതുഗതാഗത സംവിധാനങ്ങൾ സൗജന്യമായി ഉപയോഗിക്കാം. ലോകകപ്പ് സമയത്ത്…

ആകാശത്ത് കരുത്ത് പകരാൻ ടൈഫൂൺ ഫൈറ്റർ വിമാനങ്ങളുടെ ആദ്യ ബാച്ച് ഖത്തറിലെത്തി. അത്യാധുനിക നിരീക്ഷണ റഡാർ സംവിധാനങ്ങളുള്ള പോർ വിമാനമാണ് ടൈഫൂൺ. അമീരി വ്യോമ സേനയുടെ എഫ് 15, റാഫേൽ വിമാനങ്ങളുടെ ശ്രേണിയിലേക്കാണ് ടൈഫൂൺ എത്തുന്നത്. 2017 ലാണ് 24 ടൈഫൂൺ യൂറോ ഫൈറ്ററുകൾക്ക് ഖത്തർ ബ്രിട്ടണുമായി കരാറിലെത്തുന്നത്. 600 കോടി പൗണ്ടായിരുന്നു കരാർ തുക. ഇതിൽ ആദ്യ ബാച്ചാണ് എത്തിയത്. രാജ്യത്തിന്റെ സുരക്ഷയിൽ പ്രധാന പങ്കുവഹിക്കുന്നവയാണ് ഈ വിമാനങ്ങൾ. പ്രതിരോധ മേഖല കൂടുതൽ ശക്തിപ്പെടുത്തുന്നതിന്റെ ഭാഗമായാണ്…