Category: Qatar

ആധുനിക ഫുട്ബാളിലെ പരിശീലകരിൽ പ്രഗത്ഭനായ കാർലോസ് ക്വീറോസിനെ ഖത്തർ ദേശീയ ഫുട്ബാൾ ടീം പരിശീലകനായി നിയമിച്ചു. ഖത്തറിൽ നടന്ന 2022 ഫിഫ ലോകകപ്പിൽ ഇറാൻ ടീമിനെ പരിശീലിപ്പിച്ചത് പോർചുഗീസുകാരനായ ക്വീറോസായിരുന്നു. പോർചുഗൽ ദേശീയ ടീം കോച്ചായിരുന്ന ക്വീറോസ് ഈജിപ്ത്, കൊളംബിയ, ദക്ഷിണാഫ്രിക്ക, യു.എ.ഇ ടീമുകളെയും പരിശീലിപ്പിച്ചിട്ടുണ്ട്. ആധുനിക ഫുട്ബാളിലെ അതികായരായ റയൽ മഡ്രിഡ് ക്ലബിന്റെ പരിശീലകനായിരുന്നു. ‘കാർലോസ് ക്വീറോസ് ആണ് അൽ അന്നാബിയുടെ പുതിയ മുഖ്യ പരിശീലകൻ. ഞങ്ങളുടെ ദേശീയ ടീമിനൊപ്പം പോർചുഗീസ് കോച്ചിന് എല്ലാ ഭാവുകങ്ങളും…

ലോകത്തിലെ ഏറ്റവും വേഗതയേറിയ മൊബൈൽ നെറ്റ് വർക്കായി വോഡഫോൺ ഖത്തർ തിരഞ്ഞെടുക്കപ്പെട്ടു. മൊബൈൽ വേഗതയുടെ ആഗോള മാനദണ്ഡമായ ഓക്ല സ്പീഡ്ടെസ്റ്റ് ഉപയോഗിച്ച് ഉപഭോക്താക്കൾക്കിടയിൽ നടത്തിയ പരിശോധന ഫലമനുസരിച്ചാണിത് കണ്ടെത്തിയത്. 2022 ന്റെ രണ്ടാം പകുതിയിൽ ലോകമെമ്പാടുമുള്ള മൊബൈൽ ഓപ്പറേറ്റർമാരിൽ നടത്തിയ പരിശോധനയിലാണ് വോഡഫോൺ ഖത്തർ ഒന്നാമതെത്തിയത്. 2022 ജൂലൈ മുതൽ ഡിസംബർ വരെയുള്ള കാലയളവിൽ ഇന്റർനെറ്റ് കണക്ഷൻ വേഗത വിലയിരുത്തുന്നതിനായി ലോകമെമ്പാടുമുള്ള ഉപയോക്താക്കൾ സ്പീഡ്ടെസ്റ്റിൽ നടത്തിയ ദശലക്ഷക്കണക്കിന് ടെസ്റ്റുകളിൽ നിന്ന് ലഭിച്ച ഡാറ്റ ഇതിനായി വിശകലനം ചെയ്തു.

 ഖത്തറില്‍ സന്ദര്‍ശക വിസക്കാര്‍ക്കുള്ള ആരോഗ്യ ഇന്‍ഷുറന്‍സ് പ്രാബല്യത്തില്‍. 50 റിയാലാണ് കുറഞ്ഞ പ്രീമിയം. അതേസമയം ജി.സി.സി പൗരന്മാർക്ക്‌ ആരോഗ്യ ഇന്‍ഷുറന്‍സ് നിര്‍ബന്ധമില്ലെന്ന് അധികൃതര്‍ വ്യക്തമാക്കി. ഖത്തറില്‍ സന്ദര്‍ശനത്തിനെത്തുന്നവര്‍ക്ക് ഫെബ്രുവരി ഒന്നുമുതല്‍ ആരോഗ്യ ഇന്‍ഷുറന്‍സ് നിര്‍ബന്ധമാണെന്ന് പൊതുജനാരോഗ്യ മന്ത്രാലയം കഴിഞ്ഞദിവസം വ്യക്തമാക്കിയിരുന്നു. അടിയന്തര, അപകട സേവനങ്ങളാണ് ഇന്‍ഷുറന്‍സ് പോളിസിയില്‍ ഉള്‍ക്കൊള്ളുന്നത്.50 റിയാലാണ് പ്രതിമാസം കുറഞ്ഞ പ്രീമിയം. കൂടുതല്‍ കവറേജ് വേണ്ടവര്‍ക്ക് ഉയര്‍ന്ന പ്രീമിയം ഉള്ള ഇന്‍ഷുറന്‍സ് പോളിസികള്‍ എടുക്കാവുന്നത്. പൊതുജനാരോഗ്യ മന്ത്രാലയത്തില്‍ രജിസ്റ്റര്‍ ചെയ്ത ഇന്‍ഷുറന്‍സ് കമ്പനികളില്‍ നിന്നാണ്…

സന്ദർശക വിസയിൽ ഖത്തറിലെത്തുന്നവർക്ക് ഇന്നുമുതൽ മുതൽ ആരോഗ്യ ഇൻഷുറൻസ് നിർബന്ധമാക്കി. അതേസമയം, ജി.സി.സി രാഷ്ട്രങ്ങളിലെ പൗരന്മാർക്ക് ഈ നിബന്ധന ബാധകമല്ലെന്ന് ഹമദ് ജനറൽ ഹോസ്പിറ്റൽ മെഡിക്കൽ ഡയറക്ടർ ഡോ. യൂസഫ് അൽ മസ്ലമാനി അൽ റയ്യാൻ ടിവിക്ക് നൽകിയ അഭിമുഖത്തിൽ വ്യക്തമാക്കി. 50 റിയാൽ ആണ് ഒരു മാസത്തെ ഏറ്റവും കുറഞ്ഞ പ്രീമിയം. ഇൻഷുറൻസ് ഇല്ലാത്തവർക്ക് വിസ അനുവദിക്കില്ല. അടിയന്തര, അപകട സേവനങ്ങൾ മാത്രമാണ് സന്ദർശകർക്കുള്ള ഇൻഷുറൻസ് പോളിസിയിൽ ഉൾക്കൊള്ളുന്നതെന്ന് പൊതുജനാരോഗ്യ മന്ത്രാലയം അറിയിച്ചു. ഇതിൽക്കൂടുതൽ കവറേജ്…

ലോകകപ്പ് ആരാധകർക്ക് ഖത്തറിൽ പ്രവേശിക്കാനുള്ള വീസയായ ഹയാ കാർഡിന്റെ കാലാവധി നീട്ടി. ഹയാകാർഡുള്ളവർക്ക് ഖത്തറിലേക്ക് ഒരു വർഷം മൾട്ടിപ്പിൾ എൻട്രി അനുവദിക്കും. അതിനായി പ്രത്യേക ഫീസ് നൽകേണ്ടതില്ല. ഇത് കൂടാതെ കുടുംബത്തെ ഒപ്പം താമസിപ്പിക്കുകയും ചെയ്യാം. ജനുവരി 23ന് അവസാനിച്ച കാർഡിന്റെ കാലാവധി ജനുവരി 24 വരെയാണ് നീട്ടിയിരിക്കുന്നത്. പൊതുഗതാഗത സൗകര്യങ്ങളിൽ സൗജന്യമായി യാത്ര ചെയ്യാം. മത്സരം കാണാൻ സ്റ്റേഡിയങ്ങളിലേക്ക് പ്രവേശിക്കാൻ സ്വദേശികൾക്കുൾപ്പെടെ ഫാൻ ഐഡി അഥവാ ഹയാ കാർഡുകൾ നിർബന്ധമാണ്. സുപ്രീം കമ്മിറ്റി ഫോർ ഡെലിവറി…

ചെക്കു കേസുമായി ബന്ധപ്പെട്ട പരാതികള്‍ ഇനി മെട്രാഷ് ആപ്ലിക്കേഷന്‍ വഴി സമര്‍പ്പിക്കാം. പൊലീസ് സ്റ്റേഷന്‍ സന്ദര്‍ശിക്കാതെ തന്നെ പരാതി നല്‍കാനുള്ള സംവിധാനമാണ് ഒരുക്കിയിരിക്കുന്നത് സാമ്പത്തിക ഇടപാടുകളില്‍ പരാതിക്കാര്‍ക്ക് കൂടുതല്‍ സൗകര്യം ഒരുക്കുന്നതിന്റെ ഭാഗമായാണ് ആഭ്യന്തര മന്ത്രാലയം മെട്രാഷ് 2 ആപ്ലിക്കേഷനില്‍ പുതിയ സൌകര്യം ഏര്‍പ്പെടുത്തിയത്. അക്കൌണ്ടില്‍ ആവശ്യത്തിന് പണമില്ലാതെ മടങ്ങുന്ന ചെക്കുകളുമായി ബന്ധപ്പെട്ട പരാതികള്‍ ഇനി മെട്രാഷില്‍ നല്‍കാം. ചെക്ക് കോര്‍പ്പറേറ്റ് ആണോ വ്യക്തിപരം ആണോയെന്ന് വ്യക്തമാക്കണം. പരാതിക്കാരന്‍ കുറ്റാരോപിതന്റെ വിശദാംശങ്ങളും ചേര്‍ക്കണം. ചെക്ക് മടങ്ങിയ ബാങ്കിന്റെ…