Category: Oman

സുൽത്താൻ ഖാബൂസ് സ്ട്രീറ്റിന് ഇരുവശങ്ങളിലും 2024 ജൂൺ 17, തിങ്കളാഴ്ച വാഹനങ്ങൾ പാർക്ക് ചെയ്യുന്നത് നിരോധിച്ചതായി റോയൽ ഒമാൻ പോലീസ് അറിയിച്ചു.സുൽത്താൻ ഖാബൂസ് സ്ട്രീറ്റിൽ അൽ ബറാഖ പാലസ് മുതൽ ബുർജ് അൽ സഹ്‌വ റൗണ്ട്എബൗട്ട് (സീബ് വിലായത്തിൽ) വരെയുള്ള മേഖലയിലാണ് ജൂൺ 17-ന് രാവിലെ പാർക്കിംഗ് നിരോധിച്ചിരിക്കുന്നത്. ഇത് സംബന്ധിച്ച അറിയിപ്പ് കർശനമായി പാലിക്കാൻ പോലീസ് ആഹ്വാനം ചെയ്തിട്ടുണ്ട്. 

കുവൈത്ത് മംഗഫിലെ ലേബർ ക്യാമ്പലുണ്ടായ തീപിടിത്തത്തിൽ അനുശോചനം രേഖപ്പെടുത്തി ഒമാൻ. 49 പേരുടെ മരണത്തിനും നിരവധി പേർക്ക് പരിക്കേൽക്കാനും ഇടയായ ദുരന്തത്തിൽ ഒമാൻ അനുശോചനം രേഖപ്പെടുത്തുകയും കുവൈത്ത് ഭരണകൂടത്തോട് ഐക്യദാർഢ്യം പ്രഖ്യാപിക്കുകയും ചെയ്തു. കുവൈത്ത് ഭരണകൂടത്തോടും,ജനങ്ങളോടും, മരിച്ചവരുടെ കുടുംബങ്ങളോടും അനുശോചനം അറിയിക്കുന്നതായും പരിക്കേറ്റ എല്ലാവർക്കും വേഗത്തിൽ സുഖം പ്രാപിക്കട്ടെയെന്നും ഒമാൻ വിദേശകാര്യ മന്ത്രാലയം പ്രസ്താവനയിൽ അറിയിച്ചു.