ഹിജ്റ പുതുവർഷത്തിന്‍റെ ഭാഗമായി ഒമാനിൽ ജൂലൈ ഏഴിന് പൊതു അവധിയായിരിക്കുമെന്ന് അധികൃതർ അറിയിച്ചു. വാരാന്ത്യദിനങ്ങളുൾപ്പെടെ തുടർച്ചയായി മൂന്ന് ദിവസം അവധി ലഭിക്കും. പൊതു-സ്വകാര്യമേഖലയിലെ ജീവനകാർക്ക് അവധി ബാധകമായിരിക്കും.
ഒമാനിൽ ജോലിചെയ്യുന്ന പൗരന്മാർക്കും പ്രവാസികൾക്കുമുള്ള പ്രസവാവധി ഇൻഷുറൻസ് ജൂലൈ 19 മുതൽ നടപ്പിലാക്കുമെന്ന് സോഷ്യൽ പ്രൊട്ടക്ഷൻ ഫണ്ട് (എസ്.പി.എഫ്.) ഔദ്യോഗിക അറിയിപ്പിൽ വ്യക്തമാക്കി. ഇത് സ്വകാര്യ, പൊതുമേഖലയിലെ ജീവനക്കാർക്കും ബാധകമാണ്. കൂടാതെ താത്കാലിക കരാറുകൾ, പരിശീലന കരാറുകൾ, വിരമിച്ച തൊഴിലാളികൾ എന്നിവയുൾപ്പെടെ എല്ലാ തരത്തിലുള്ള കരാറുകളും ഇതിലുൾപ്പെടുന്നു. രാജ്യത്ത് ജോലിചെയ്യുന്ന ഒമാനിപൗരന്മാരെ കൂടാതെ പ്രവാസികളായ ഇതര തൊഴിലാളികൾക്കും ഈ വിഭാഗത്തിലെ വ്യവസ്ഥകൾ നിർബന്ധമായും പാലിച്ച് ആനുകൂല്യം നേടാവുന്നതാണ്. ഇത് സംബന്ധിച്ച് സോഷ്യൽ പ്രൊട്ടക്ഷൻ ഫണ്ടിന്‍റെ ഡയറക്ടർ ബോർഡ്…
മസ്കത്ത് ഗവർണറേറ്റിലെ സീബ് വിലായത്തിൽ പുതിയ മത്സ്യകൃഷി പദ്ധതിയുമായി കൃഷി, ഫിഷറീസ്, ജലവിഭവ മന്ത്രാലയം. 30 ദശലക്ഷം റിയാൽ മൂല്യമുള്ള ഈ പദ്ധതി ഒമാനിലെ അക്വാകൾച്ചർ മേഖല മെച്ചപ്പെടുത്തുന്നതിനുള്ള മന്ത്രാലയത്തിന്‍റെ പ്രതിജ്ഞാബദ്ധതയുടെ ഭാഗമാണ്. യുണൈറ്റഡ് ഫിഷ് ഫാമിങ് കമ്പനിയാണ് പദ്ധതി നടപ്പാക്കുക. തീരത്ത് നിന്ന് ഏഴ് കിലോമീറ്റർ അകലെയായി ഒരുക്കുന്ന പദ്ധതിയിൽ കാർഷിക പ്രവർത്തനങ്ങൾക്ക് അവശ്യവിഭവങ്ങൾ ഉറപ്പാക്കുകയും ചെയ്യും. 152.15 ഹെക്ടറിൽ വ്യാപിച്ചുകിടക്കുന്ന ഈ പദ്ധതി യൂറോപ്യൻ കടൽക്കാറ്റ് വളർത്തുന്നതിനായി ഫ്ലോട്ടിങ് കൂടുകൾ ഉപയോഗിക്കും. തുടക്കത്തിൽ 5,000…
ഒമാനിലെ തെക്കന്‍ ബാത്തിന ഗവര്‍ണറേറ്റിൽ വാഹനങ്ങൾ കത്തി നശിച്ചു. മുസന്നയിൽ കഴിഞ്ഞ ദിവസം ഉച്ചയോടെയായിരുന്നു സംഭവം. കെട്ടിടത്തോട് ചേര്‍ന്ന് പാര്‍ക്ക് ചെയ്തിരുന്ന നിരവധി കാറുകളാണ് അഗ്നിക്കിരയായത്. എസ്.യു.വി വാഹനങ്ങള്‍ ഉള്‍പ്പെടെയുള്ളവക്കാണ് തീപിടിച്ചത്. സംഭവത്തിൽ ആര്‍ക്കും പരിക്കേറ്റിട്ടില്ലെന്ന് സിവില്‍ ഡിഫന്‍സ് ആൻഡ് ആംബുലന്‍സ് വിഭാഗം അറിയിച്ചു. അഗ്നിശമന സേനയെത്തി തീ നിയന്ത്രണ വിധേയമാക്കി. അപകട കാരണം അറിവായിട്ടില്ല. ചൂട് കനത്തതോടെ രാജ്യത്തെ വിവിധ സ്ഥലങ്ങളിൽനിന്ന് തീപിടിത്ത കേസുകൾ റിപ്പോർട്ട് ചെയ്യുന്നുണ്ട്.
ഒമാൻ വിദേശകാര്യ മന്ത്രി സയ്യിദ് ബദർ ഹമദ് അൽ ബുസൈദി യമൻ വിദേശ-പ്രവാസികാര്യ മന്ത്രി ഷയാ മൊഹ്‌സിൻ സിന്ദാനിയുമായി കൂടിക്കാഴ്ച നടത്തി. ദോഹയിൽ നടന്ന ജി.സി.സി-യെൻ മന്ത്രിതല യോഗത്തിന്‍റെ ഭാഗമായിട്ടായിരുന്നു കൂടിക്കാഴ്ച. ഒമാനും യമനും തമ്മിലുള്ള ബന്ധത്തിന്‍റെ ആഴവും എല്ലാ മേഖലകളിലും ബന്ധം മെച്ചപ്പെടുത്തുന്നതിനുള്ള സംയുക്ത താൽപര്യവും ഇരുനേതാക്കളും അടിവരയിട്ട് പറഞ്ഞു. യമന്‍റെ സുരക്ഷക്കും സുസ്ഥിരതക്കും പിന്തുണ നൽകുന്നതിനും രാജ്യത്തിന്‍റെ പരമാധികാരം, പ്രാദേശിക സമഗ്രത, സ്വാതന്ത്ര്യം എന്നിവ ശക്തിപ്പെടുത്തുന്നതിനും ഇരുപക്ഷവും തമ്മിലുള്ള തുടർച്ചയായ ചർച്ചകളും സഹകരണത്തെ കുറിച്ചും…
വാഹനമോഷണവുമായി ബന്ധപ്പെട്ട് ബുറൈമി ഗവര്‍ണറേറ്റിൽനിന്ന് രണ്ടുപേരെ അറസ്റ്റു ചെയ്തു.ഗവര്‍ണറേറ്റിന്റെ വിവിധ ഭാഗങ്ങളില്‍നിന്നായി മൂന്ന് വാഹനങ്ങളാണ് മോഷണം പോയത്. ബുറൈമി ഗവര്‍ണറേറ്റ് പൊലിസ് നടത്തിയ അന്വേഷണത്തിലാണ് ഇവർ പിടിയിലായത്. പ്രതികള്‍ക്കെതിരെ നിയമ നടപടികള്‍ സ്വീകരിച്ചതായും റോയല്‍ ഒമാന്‍ പൊലീസ് അറിയിച്ചു.
എയർ ഇന്ത്യ എക്സ്പ്രസ് വിമാനം റദ്ദാക്കൽ ‘വിനോദം’ തുടരുന്നു. ചൊവ്വാഴ്ച മസ്കത്തിൽ നിന്ന് കേരളത്തിലേക്കുള്ള രണ്ട് വിമാന സർവിസുകൾ റദ്ദാക്കിയാണ് യാത്രക്കാരെ കുഴക്കിയത്. ചൊവ്വാഴ്ച കാലത്ത് 9.45ന് മസ്കത്തിൽനിന്ന് പുറപ്പെട്ട് ഉച്ചക്ക് 12.30 കണ്ണൂരിലെത്തുന്ന എയർ ഇന്ത്യ എക്സ്പ്രസ് ഐ.എക്സ് 714 വിമാനവും ഉച്ചക്ക് 2.30 മസ്കത്തിൽ നിന്ന് പുറപ്പെട്ട് രാത്രി 7.55 ന് തിരുവനന്തപുരത്ത് എത്തുന്ന ഐ.എക്സ് 554 വിമാനവുമാണ് റദ്ദാക്കിയത്. ഇതോടെ ഈ വിമാനങ്ങളിൽ ടിക്കറ്റെടുത്തവർ വട്ടം കറങ്ങുകയാണ്. ചിലർക്കൊക്കെ അടുത്ത ദിവസങ്ങളിൽ യാത്ര…
ഒമാൻ ദേശീയ സൈനിക അച്ചടക്ക പരിപാടിയുടെ (എം.ഡി.പി) പ്രവർത്തനങ്ങൾക്ക് ദോഫാർ ഗവർണറേറ്റിൽ തുടക്കമായി. സാംസ്കാരിക, കായിക, യുവജന മന്ത്രാലയത്തിന്‍റെ മേൽനോട്ടത്തിൽ, സൈനിക, സുരക്ഷാ വകുപ്പുകളുമായും സർക്കാർ സ്ഥാപനങ്ങളുമായും സഹകരിച്ചാണ് എം.ഡി.പി നടത്തുന്നത്. ജൂലൈ 24 വരെ പ്രവർത്തനങ്ങൾ തുടരും. പരിപാടിയിൽ പങ്കെടുക്കുന്നവർക്ക് എം.ഡി.പിയുടെ പ്രവർത്തനങ്ങളെയും പരിപാടികളെയുംകുറിച്ച് തുടക്കത്തിൽ വിശദീകരിച്ചു. ആദ്യ ആഴ്ചയിൽ സൈനിക അച്ചടക്കം, ആശയവിനിമയ കഴിവുകൾ, പ്രഥമശുശ്രൂഷ, ടീം വർക്ക്, നേതൃത്വ ശൈലികൾ, മയക്കുമരുന്ന്, ലഹരി പദാർഥങ്ങളെന്നിവ കൈകാര്യം ചെയ്യുന്നതിനുള്ള മാർഗങ്ങൾ, പോഷകാഹാരം, ശാരീരിക ക്ഷമത…
വ്യോമ സേവന സഹകരണം ശക്തിപ്പെടുത്തി ഒമാനും ടുണീഷ്യയും. ഇതുമായി ബന്ധപ്പെട്ട് 1985 മുതലുള്ള ഉടമ്പടി പുതുക്കുകയും ചെയ്തു. സുൽത്താനേറ്റിനെ പ്രതിനിധീകരിച്ച് സിവിൽ ഏവിയേഷൻ അതോറിറ്റിയാണ് കരാറിൽ ഒപ്പുവെച്ചത്. കരാർ പ്രകാരം ഒമാനിലേക്കും ടുണീഷ്യയിലേക്കും പരിധിയില്ലാത്ത നേരിട്ടുള്ള ഫ്ലൈറ്റുകൾ സുഗമമാക്കുകയും ഇരു രാജ്യങ്ങളുടെയും പ്രയോജനത്തിനായി പ്രവർത്തനപരവും സാങ്കേതികവുമായ സഹകരണം വർധിപ്പിക്കുകയും ചെയ്യും. ഇരു രാജ്യങ്ങളിലെയും വിമാനത്താവളങ്ങൾക്കിടയിൽ പാസഞ്ചർ, കാർഗോ ഫ്ലൈറ്റുകൾ പ്രവർത്തിപ്പിക്കാൻ നിയുക്ത എയർലൈനുകളെ ഇത് പ്രാപ്തമാക്കുകയും കോഡ് ഷെയർ ക്രമീകരണങ്ങൾ അനുവദിക്കുകയും ചെയ്യും. ഇത് വ്യോമഗതാഗത സേവനങ്ങളെ…
ഒമാനിലെ ഖരീഫ് സീസണിന്‍റെ ഭാഗമായി മുന്നൊരുക്കങ്ങൾ നടത്തി അൽ വുസ്ത ഗവർണറേറ്റ്. ആദം-തുംറൈത് റോഡ്, സിനാവ്-ദുകം-ഹാസിക് റോഡ്, അൽ അഷ്ഖറ-മാഹൂത്ത് റോഡ്, മകഹൂത്ത്-അൽ സമൈം തുടങ്ങിയ ദോഫാർ ഗവർണറേറ്റിലേക്കുള്ള റോഡുകളിൽനിന്ന് മണൽ കൂനകൾ നീക്കം ചെയ്യുന്നതിലാണ് തങ്ങളുടെ വകുപ്പ് ഏർപ്പെട്ടിരിക്കുന്നതെന്ന് അൽവുസ്ത ഗവർണറേറ്റിലെ റോഡ്‌സ് ഡിപ്പാർട്ട്‌മെന്‍റ് ഡയറക്ടർ ബഖിത് സലിം അൽ അവായിദ് പറഞ്ഞു. ഹൈമവിലായത്തിലെ റോഡ് ലിങ്കുകളുടെ നടത്തിപ്പിനായി വകുപ്പ് ടെൻഡർ നൽകിയതായും അൽ അവായിദ് കൂട്ടിച്ചേർത്തു.
