Category: Kuwait

കുവൈത്തിൽ അശ്രദ്ധയോടെ വാഹനം പാർക്ക് ചെയ്യുന്നവർക്കെതിരെ നടപടി കർശനമാക്കി ഗതാഗത വകുപ്പ്. വാഹനമോടിക്കുമ്പോൾ മാത്രമല്ല, പാർക്ക് ചെയ്യുമ്പോഴും അശ്രദ്ധ പാടില്ലെന്ന് ഗതാഗത വകുപ്പ് മുന്നറിയിപ്പ് നൽകി. രാജ്യത്ത് ഗതാഗത നിയമങ്ങൾ കർശനമായി പാലിക്കപ്പെടുന്നുണ്ട് എന്ന് ഉറപ്പാക്കാനുള്ള നടപടികളുടെ ഭാഗമായി പാർക്കിങ് ഏരിയകളിൽ പരിശോധന ട്രാഫിക്ക് പോലീസ് ആരംഭിച്ചിരിക്കുകയാണ്. അശ്രദ്ധയോടെയും മറ്റുള്ളവർക്ക് പ്രയാസമുണ്ടാകുന്ന തരത്തിലും വാഹനം പാർക്ക് ചെയ്താൽ പിഴ ഒടുക്കേണ്ടിവരും. പാർക്കിംഗ് സ്ഥലങ്ങളിൽ ലൈൻ തെറ്റിച്ചോ, സ്ലോട്ടുകൾ വേർതിരിക്കുന്ന ലൈനിനു മുകളിലോ വാഹനം നിർത്തിയിട്ടാലും പിഴ ഈടാക്കും….

കുവൈത്തിൽ പാർലമെന്റ് തിരഞ്ഞെടുപ്പിനുള്ള മുന്നൊരുക്കങ്ങൾ പൂർത്തിയായതായി ആഭ്യന്തരമന്ത്രാലയം. നോമിനേഷൻ ആരംഭിച്ച ആദ്യ ദിനം എട്ടു വനിതകൾ ഉൾപ്പെടെ 115 സ്ഥാനാർത്ഥികൾ ആണ് പത്രിക സമർപ്പിച്ചത്. തിരഞ്ഞെടുപ്പ് കാര്യ വകുപ്പ് ആസ്ഥാനത്തു സ്ഥാനാർത്ഥികളെ സ്വീകരിക്കുന്നതിന് വിപുലമായ സജ്ജീകരണങ്ങളാണ് ഒരുക്കിയിട്ടുള്ളത്. ആദ്യ ദിനത്തിൽ മുൻ എംപിമാർ ഉൾപ്പെടെ പല പ്രമുഖ നേതാക്കളും സ്ഥാനാർത്ഥിത്വം രജിസ്റ്റർ ചെയ്തു. 115 പേരാണ് ആദ്യദിനം പത്രിക സമർപ്പിച്ചത്. ഇതിൽ എട്ടു പേര് വനിതകളാണ്. അമ്പത് ദിനാർ ആണ് സ്ഥാനാർത്ഥി ഇൻഷുറൻസ് തുകയായി ഇലക്ഷൻ അഫയേഴ്‌സിൽ…

കുവൈത്തിൽ ടാക്‌സി സർവീസ് മേഖല പരിഷ്‌കരിക്കുന്നതിനുള്ള പുതുക്കിയ മാർഗനിർദേശങ്ങൾ ഒക്ടോബർ ഒന്ന് മുതൽ കർശനമായി നടപ്പാക്കും. യാത്രക്കാരുടെയും ഡ്രൈവർമാരുടെയും സുരക്ഷ കണക്കിലെടുത്തുള്ള നിർദേശങ്ങൾ തുടർച്ചയായി ലംഘിക്കുന്ന ഡ്രൈവർമാരെ നാടുകടത്തുമെന്നാണ് ആഭ്യന്തര മന്ത്രാലയം നൽകുന്ന മുന്നറിയിപ്പ്. ആഭ്യന്തര മന്ത്രാലയത്തിലെ പബ്ലിക് റിലേഷൻ ആൻഡ് സെക്യൂരിറ്റി മീഡിയ ഡിപ്പാർട്ട്‌മെന്റ് ട്വിറ്റർ വഴിയാണ് ഇക്കാര്യം അറിയിച്ചത്. ടാക്‌സി കാബ് ഡ്രൈവർമാർക്ക് ഒക്റോബർ ഒന്ന് മുതൽ യൂണിഫോം, ഹെൽത്ത് കാർഡ് എന്നിവ നിർബന്ധമാക്കാനാണു ആഭ്യന്തരമന്ത്രി ശൈഖ് തലാൽ ഖാലിദ് അൽ അഹമ്മദ് അസ്വബാഹിന്റെ…

കുവൈത്തിലെ ശൈഖ് ജാബിർ കടൽ പാലം കേന്ദ്രീകരിച്ചു സീസണൽ വിനോദ സഞ്ചാര കേന്ദ്രം വരുന്നു. ശൈഖ് ജാബിർ പാലത്തോട് ചേർന്നുള്ള താത്കാലിക ഐലന്റുകളെ വിന്റർ സീസണിൽ പ്രത്യേക വിനോദ സഞ്ചാരകേന്ദ്രമാക്കി മാറ്റുക എന്ന ആശയത്തിന് സർക്കാർ തത്വത്തിൽ അംഗീകാരം നൽകിയതായി റിപ്പോർട്ട്. രാജ്യത്തെ വികസന പദ്ധതികളിലൂടെ വിനോദ സഞ്ചാര സാധ്യതകൾ പ്രയോജനപ്പെടുത്തുക എന്ന ലക്ഷ്യത്തോടെയാണ് പദ്ധതി ആവിഷ്‌കരിക്കുന്നത്. മെയ് മുതൽ ഒക്ടോബർ വരെയുള്ള കാലയളവിൽ കുട്ടികളെയും കുടുംബങ്ങളെയും ആകർഷിക്കുന്ന തരത്തിൽ വിവിധ വിനോദോപാധികൾ ഇവിടെ ഒരുക്കുകയാണ് ലക്ഷ്യം….

കുവൈത്തിൽ സ്ത്രീ ശാക്തീകരണം ലക്ഷ്യമിട്ട് നിയമനിർമാണങ്ങൾ നടപ്പാക്കുന്നതായി സുപ്രിം പ്ലാനിംഗ് കൗൺസിൽ മേധാവി. ‘മാറ്റങ്ങൾക്ക് നേതൃത്വം നൽകുന്നത് കുവൈത്ത്’ എന്ന പേരിൽ വനിതകളുടെ ഉന്നമനത്തിനായി പ്രത്യേക പദ്ധതി ആവിഷ്‌കരിച്ചതായും കൗൺസിൽ സെക്രട്ടറി ജനറൽ ഡോ. ഖാലിദ് മഹ്ദി വ്യക്തമാക്കി. സ്വകാര്യ തൊഴിൽ മേഖലയിലെ സ്ത്രീ ശക്തി വർധിപ്പിക്കുന്നതുമായി ബന്ധപ്പെട്ട് പ്ലാനിങ് ആൻഡ് ഡെവലപ്പ്മെന്റ് കൗൺസിലിന്റെ ജനറൽ സെക്രട്ടേറിയറ്റ് സംഘടിപ്പിച്ച സിമ്പോസിയത്തിൽ സംസാരിക്കുകയായിരുന്നു ഡോ. ഖാലിദ് മെഹ്ദി. രാജ്യത്തെ നയിക്കാൻ യോഗ്യരായ വനിതകളെ വാർത്തെടുക്കുന്നതിന്റെ ഭാഗമായി ആരംഭിക്കുന്ന വനിതാ…

കുവൈത്തിൽ അടുത്തമാസം നടക്കാനിരിക്കുന്ന നാഷണൽ അസംബ്ലി തെരഞ്ഞെടുപ്പിനുള്ള വോട്ടർപട്ടിക പുറത്തിറക്കി. രാജ്യത്തെ അഞ്ച് മണ്ഡലങ്ങളിലെയും വോട്ടർമാരുടെ അന്തിമ പട്ടികയാണ് തെരഞ്ഞെടുപ്പ് കാര്യ വകുപ്പ് പ്രസിദ്ധീകരിച്ചത്. ദേശീയ അസംബ്ലിയിലേക്കുള്ള അംഗങ്ങളുടെ തെരഞ്ഞെടുപ്പുമായി ബന്ധപ്പെട്ട് 2022ലെ അഞ്ചാം നമ്പർ ഉത്തരവിലെ ഒമ്പതാം അനുച്ഛേദം അടിസ്ഥാനമാക്കിയാണ് സമ്മതിദായകരുടെ പട്ടിക പ്രസിദ്ധീകരിച്ചതെന്ന് ആഭ്യന്തര മന്ത്രാലയം ട്വിറ്ററിലൂടം അറിയിച്ചു. അഞ്ചു നിജോയാജകമണ്ഡലങ്ങളിലെയും വോട്ടർമാർ തങ്ങളുടെ പേരുവിവരങ്ങൾ വോട്ടേഴ്‌സ് ലിസ്റ്റുമായി ഒത്തു നോക്കണമെന്നും പരാതികൾ ഉണ്ടെങ്കിൽ വേഗത്തിൽ അപ്പീൽ നൽകണമെന്നും അധികൃതർ അഭ്യർത്ഥിച്ചു. സർക്കാർ സംവിധാനങ്ങൾക്കുള്ള…