പാരാലിമ്പിക്‌സിൽ അഭിമാന നേട്ടവുമായി കുവൈത്ത് അത്‍ലറ്റ് ഫൈസൽ അൽ രാജ്ഹി. 5000 മീറ്റർ വീൽചെയർ റേസ് ടി-54 വിഭാഗത്തിൽ ഫൈസൽ അൽ രാജ്ഹി വെങ്കലം നേടി.നേട്ടത്തിൽ ഫൈസൽ അൽ രാജ്ഹിയെ കുവൈത്ത് ഒളിമ്പിക് കമ്മിറ്റി അഭിനന്ദിച്ചു. 1500 മീറ്റർ യോഗ്യതാ മത്സരത്തിലും അൽ രാജ്ഹി മത്സരിക്കും. പാരാലിമ്പിക്‌സിൽ മൂന്ന് അത്ലറ്റുകളാണ് കുവൈത്തിനെ പ്രതിനിധീകരിച്ചത്. ഫൈസൽ അൽ രാജിഹിയെ കൂടാതെ ധാരി അൽ ബൂത്വി, ഫൈസൽ സുറൂർ എന്നിവർ ഷോട്ട്പുട്ടിലും മൽസരിച്ചു
നബിദിനം പ്രമാണിച്ച് രാജ്യത്ത് 2024 സെപ്റ്റംബർ 15-ന് പൊതു അവധിയായിരിക്കുമെന്ന് കുവൈറ്റ് ക്യാബിനറ്റ് ഔദ്യോഗികമായി പ്രഖ്യാപിച്ചു.ഈ അറിയിപ്പിന്റെ പശ്ചാത്തലത്തിൽ, 2024 സെപ്റ്റംബർ 15, ഞായറാഴ്ച കുവൈറ്റിലെ മുഴുവൻ സർക്കാർ ഓഫീസുകളും, മന്ത്രാലയങ്ങളും അവധിയായിരിക്കും. അവധിയ്ക്ക് ശേഷം പൊതു മേഖലയിലെ പ്രവർത്തനം സെപ്റ്റംബർ 16, തിങ്കളാഴ്ച പുനരാരംഭിക്കുന്നതാണ്. അടിയന്തിര സ്വഭാവമുള്ള പ്രവർത്തനങ്ങളിലേർപ്പെടുന്ന സ്ഥാപനങ്ങൾക്ക് തങ്ങളുടെ അവധി സംബന്ധിച്ച് സ്വയം തീരുമാനിക്കാവുന്നതാണെന്ന് ക്യാബിനറ്റ് വ്യക്തമാക്കിയിട്ടുണ്ട്.
കുവൈത്തിൽ ഇന്ന് ഉച്ചയ്ക്ക് 12 മണി മുതൽ എട്ട് മണിക്കൂർ വരെ പൊടിയും ശക്തമായ കാറ്റുമുണ്ടായേക്കുമെന്ന് കാലാവസ്ഥാ നിരീക്ഷണ കേന്ദ്രം. വടക്കുപടിഞ്ഞാറൻ കാറ്റിന്റെ തീവ്രത മണിക്കൂറിൽ 55 കിലോമീറ്റർ കവിയാൻ സാധ്യതയുണ്ടെന്നും വകുപ്പ് വ്യക്തമാക്കി. കാറ്റ് ദൂരക്കാഴ്ച കുറയുന്നതിലേക്ക് നയിച്ചേക്കുമെന്നും പറഞ്ഞു.
താമസ നിയമലംഘകർക്ക് കുവൈത്ത് ഭരണകൂടം അനുവദിച്ച പൊതുമാപ്പ് ഉപയോഗപ്പെടുത്തിയത് 65,000 ത്തിലധികം പേർ. റസിഡൻസി നിയമലംഘകർക്ക് പൊതുമാപ്പിൽ നിന്ന് വലിയ പ്രയോജനം ലഭിച്ചതായും രാജ്യത്തിന്റെ മാനുഷിക ധാർമ്മികതയുടെ ഭാഗമായാണ് പൊതുമാപ്പ് അനുവദിച്ചതെന്നും ആഭ്യന്തര മന്ത്രാലയത്തിലെ ജനറൽ ഡിപ്പാർട്ട്‌മെന്റ് ഓഫ് റെസിഡൻസി ഡയറക്ടർ ബ്രിഗേഡിയർ യൂസഫ് അൽ അയൂബ് പറഞ്ഞു. പൊതുമാപ്പ് അവസാനിച്ചതിന് പിറകെ 4,650 ഓളം പേർ പിടിയിലായി. ഇത്തരക്കാരെ നാടുകടത്തും. നാടുകടത്തപ്പെട്ടാൽ നിയമലംഘകർക്ക് കുവൈത്തിലേക്ക് മടങ്ങാൻ കഴിയില്ലന്നും അദ്ദേഹം പറഞ്ഞു. മഹ്ബൂല, ജലീബ് അൽ ഷുയൂഖ്…
സുഡാനിൽ ആഭ്യന്തര യുദ്ധത്തിലും വെള്ളപ്പൊക്കത്തിലും ദുരിതമനുഭവിക്കുന്നവരെ സഹായിക്കാൻ കുവൈത്ത് റെഡ് ക്രസന്റ് സൊസൈറ്റി (കെ.ആർ.സി.എസ്). 10 ടൺ ദുരിതാശ്വാസ വസ്തുക്കളുമായി കുവൈത്തിൽ നിന്നുള്ള മൂന്നാമത്തെ വിമാനം കഴിഞ്ഞ ദിവസം സുഡാനിലെത്തി. പോർട്ട് സുഡാനിലെത്തിയ വിമാനത്തെ സുഡാനിലെ കുവൈത്ത് അംബാസഡർ ഡോ. ഫഹദ് അൽ ദഫീരിയും സുഡാനീസ് റെഡ് ക്രസന്റ് സൊസൈറ്റി അധികൃതരും ചേർന്ന് സ്വീകരിച്ചു. അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹിന്റെ നിർദേശപ്രകാരം സുഡാനെ സഹായിക്കാൻ കുവൈത്ത് ബ്രിഡ്ജിന്റെ ഭാഗമാണ് സഹായ വിമാനമെന്നും…
കുവൈത്ത് ജാബ്രിയയിലെ ആറു നില കെട്ടിടം പൊളിക്കുന്നതിനിടെ തകർന്നുവീണു. റിപ്പോർട്ട് ലഭിച്ചയുടൻ ഫയർഫോഴ്സ് ടീം സ്ഥലത്തെത്തിയതായി കുവൈത്ത് ഫയർഫോഴ്സ് അറിയിച്ചു. തകർന്ന കെട്ടിടത്തിന്റെ അവശിഷ്ടങ്ങൾക്കടിയിൽ കുടുങ്ങിക്കിടക്കുന്നവർ ഉണ്ടോയെന്നറിയാൻ സംഘം തിരച്ചിൽ നടത്തുകയാണെന്നും ഫയർഫോഴ്സ് അറിയിച്ചു.
ഒക്ടോബറിൽ റിയാദിൽ നടക്കുന്ന ഫ്യൂച്ചർ ഇൻവെസ്റ്റ്‌മെന്റ് ഇനിഷ്യേറ്റിവ് ഫോറം-2024ൽ പങ്കെടുക്കാൻ അമീർ ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹിന് ക്ഷണം. ഫോറത്തിലേക്ക് അമീറിനെ സൗദി കിരീടാവകാശി മുഹമ്മദ് ബിൻ സൽമാൻ ഔദ്യോഗികമായി ക്ഷണിച്ചു. കുവൈത്തിലെ സൗദി അംബാസഡർ പ്രിൻസ് സുൽത്താൻ ബിൻ സാദ് അൽ സൗദ് ക്ഷണക്കത്ത് അമീറിന് കൈമാറി.
കുവൈത്ത് ഇന്റർനാഷണൽ എയർപോർട്ടിനും മുംബൈ എയർപോർട്ടിനും ഇടയിൽ ആഗസ്റ്റ് 23 മുതൽ പുതിയ പ്രതിദിന സർവീസുമായി ഇന്ത്യൻ എയർലൈനായ ആകാശ എയർ. സർവീസ് ആരംഭിക്കാനുള്ള ആകാശയുടെ അപേക്ഷക്ക്‌ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) അംഗീകാരം നൽകി. കുവൈത്തിലേക്കും പുറത്തേക്കും യാത്ര ചെയ്യുന്ന യാത്രക്കാർക്ക് നേരിട്ടുള്ള വിമാനങ്ങൾ വർധിപ്പിക്കാനാണ് ഡിജിസിഎ നിരന്തരം ശ്രമിക്കുന്നതെന്നും ആകാശക്ക് അംഗീകാരം നൽകിയത് അതുപ്രകാരമാണെന്നും ഡിജിസിഎയിലെ ഫ്‌ളൈറ്റ് ഓപ്പറേഷൻസ് എയർ ട്രാൻസ്പോർട്ട് കൺട്രോളർ റാഇദ് അൽ താഹിർ കുവൈത്ത് ന്യൂസ് ഏജൻസിയെ…
ഗതാഗത നിയമലംഘനങ്ങൾ കണ്ടെത്താൻ കുവൈത്തിൽ പുതിയ റഡാർ സംവിധാനം നടപ്പിലാക്കിയതായി ആഭ്യന്തര മന്ത്രാലയം അറിയിച്ചു. അശ്രദ്ധമായി വാഹനമോടിക്കുന്നവരെയും നിയമലംഘകരെയും ഇതിലൂടെ എളുപ്പം പിടികൂടാൻ സാധിക്കും. അൽ ജരീദ ദിനപത്രത്തിന്റെ റിപ്പോർട്ട് പ്രകാരം, ഓപ്പറേഷൻസ് ഡിപാർട്ട്മെന്റ് വിവിധ റിങ് റോഡുകളിലും എക്സ്പ്രസ് വേകളിലും പുതിയ പട്രോളിംഗ് സംവിധാനത്തിന്റെ ഫീൽഡ് ടെസ്റ്റ് നടത്തി. ടെസ്റ്റിനിടെ നിരവധി ഗതാഗത നിയമലംഘനങ്ങൾ കണ്ടെത്തി. 85 വാഹനങ്ങൾ അമിത വേഗതയ്ക്ക് പിടിച്ചെടുത്തപ്പോൾ, നാല് വാഹനങ്ങൾ മത്സരയോട്ടം നടത്തിയതിനും പിടിയിലായി. ലൈസൻസ് പ്ലേറ്റ്, ഹെൽമറ്റ് എന്നിവ…
ഇന്ത്യന്‍ വിദേശകാര്യ മന്ത്രി ഡോ.എസ്. ജയ്ശങ്കർ ഞായറാഴ്ച കുവൈത്ത് സന്ദർശിക്കും. ഇരു രാജ്യങ്ങളും തമ്മിലുള്ള ഉഭയകക്ഷിബന്ധം കൂടുതൽ ശക്തിപ്പെടുത്തുന്നതിന്റെ ഭാഗമായാണ് സന്ദർശനം. സന്ദർശനവേളയിൽ കുവൈത്ത് വിദേശകാര്യ മന്ത്രി അബ്ദുള്ള അൽ യഹ്യയുമായി കൂടിക്കാഴ്ച നടത്തും. വ്യാപാരം, ഊർജം, നിക്ഷേപം, സാംസ്‌കാരിക വിനിമയം, സുരക്ഷ തുടങ്ങിയ മേഖലകളിൽ കുവൈത്തിനും ഇന്ത്യക്കുമിടയിൽ ബന്ധം ശക്തമാക്കാനുള്ള വിവിധ വഴികളെ കുറിച്ചും അദ്ദേഹം ചര്‍ച്ചകള്‍ നടത്തും. കുവൈത്തിലെ പ്രവാസി സമൂഹത്തിൽ ഭൂരിപക്ഷവും ഇന്ത്യക്കാരാണ്. ഇവരുടെ ക്ഷേമവും വിലയിരുത്തി. ഏതാണ്ട് പത്ത് ലക്ഷത്തിലധികം ഇന്ത്യക്കാർ…
