Category: International

ട്വിറ്ററിൽ കൂട്ടപ്പിരിച്ചുവിടൽ നടക്കുമ്പോൾ സിഇഒ ഇലോൺ മസ്കിന്റെ വിശ്വസ്തയായി ഒപ്പംനിന്ന ട്വിറ്റർ ബ്ലൂ മേധാവി എസ്തർ ക്രോഫോർഡിനെ കഴിഞ്ഞയാഴ്ചയാണ് മസ്ക് പിരിച്ചുവിട്ടത്. കൂടെയുള്ളവരെ പിരിച്ചുവിട്ടപ്പോൾ കുത്തക മുതലാളിക്കൊപ്പം നിന്നതിനു കിട്ടിയശിക്ഷയാണിതെന്നാണു പലരുടെയും നിരീക്ഷണം. ആത്മാർഥതക്കൂടുതൽ കാരണം വീട്ടിൽപ്പോകാതെ ഓഫിസിൽ നിലത്തുകിടന്നുറങ്ങുന്ന എസ്തറിന്റെ ചിത്രം അന്നു പ്രചാരം നേടിയിരുന്നു. ട്വിറ്റർ വെരിഫൈഡ് ബട്ടണു പണം വാങ്ങാനുള്ള ആശയവും എസ്തറിന്റേതായിരുന്നു. അന്നത്തെ ചിത്രത്തോടൊപ്പമാണു ജോലി പോയ എസ്തറിനെതിരായ പരിഹാസം.  എന്നാൽ, കഠിനാധ്വാനം സംബന്ധിച്ച തന്റെ നിലപാടുകളിൽ മാറ്റമില്ലെന്നു പ്രഖ്യാപിച്ചുകൊണ്ട് എസ്തർ…

കുട്ടികള്‍ ഹോളിവുഡ് ചലച്ചിത്രങ്ങളോ സീരിസുകളോ കണ്ടാല്‍ മാതാപിതാക്കളെ തടവിലിടുമെന്ന നിയമവുമായി ഉത്തര കൊറിയ. റേഡിയോ ഫ്രീ ഏഷ്യയാണ് ഈ കാര്യം റിപ്പോര്‍ട്ട് ചെയ്യുന്നത്. പുതിയ ചട്ടം അനുസരിച്ച്, വിദേശ സിനിമകളോ വിദേശ ടിവി പരിപാടികളോ കാണുമ്പോൾ പിടിക്കപ്പെടുന്ന കുട്ടികളുടെ രക്ഷിതാക്കളെ ആറ് മാസത്തേക്ക് ലേബർ ക്യാമ്പുകളിലേക്കും കുട്ടികൾക്ക് അഞ്ച് വർഷം തടവും ലഭിക്കും. കുട്ടികൾ വിദേശത്തുനിന്നുള്ള സിനിമകളോ മറ്റോ കണ്ടാല്‍ രക്ഷിതാക്കൾക്ക് ഗുരുതരമായ മുന്നറിയിപ്പ് നൽകുക എന്നതായിരുന്നു ഉത്തര കൊറിയയിലെ പഴയ നിയമം ഇതാണ് ഇപ്പോള്‍ മാറുന്നത്….

ആധുനികചരിത്രത്തിൽ ഏറ്റവും കൂടുതൽ റിപ്പോർട്ട് ചെയ്യപ്പെട്ട, മുൻനിര കുറ്റാന്വേഷണ ഏജൻസികൾ അന്വേഷിച്ച തിരോധാനമാണ് മഡിലീൻ ബെത്ത് മക്കാൻ മിസിംഗ് കേസ്. ഒടുവിൽ, ഒരു തുമ്പും കിട്ടാതെ അന്വേഷണം അവസാനിപ്പിക്കുകയായിരുന്നു പ്രമുഖരായ പല കുറ്റാന്വേഷകരും. 2007ൽ, അതായത് പതിനാറു വർഷം മുമ്പ് പോർച്ചുഗലിൽ അവധിക്കാലം ആഘോഷിക്കാനെത്തുമ്പോഴായിരുന്നു മഡിലീൻ ബെത്ത് മക്കാൻ എന്ന മൂന്നു വയസുകാരിയായ ബ്രിട്ടീഷ് പെൺകുട്ടിയെ കാണാതാകുന്നത്. പോർച്ചുഗലിലെ പ്രെയ്യ ഡ ലൂസിലെ അപ്പാർട്ട്മെന്റിലെ കിടപ്പുമുറിയിൽ അത്താഴം കഴിച്ചതിനുശേഷം തന്റെ ഇരട്ട സഹോദരങ്ങൾക്കൊപ്പം ഉറങ്ങുകയായിരുന്നു കുഞ്ഞു മഡിലീൻ….

ജനസംഖ്യ ക്രമാതീതമായി ഉയർന്ന പല രാജ്യങ്ങളിലും ഗർഭനിരോധന ഉപാധികൾക്ക് വലിയ പ്രചാരണമാണ് ഭരണകൂടങ്ങൾ നൽകിയിട്ടുള്ളത്. ജനസംഖ്യ കൂടിയ രാജ്യങ്ങളിൽ പലയിടത്തും ഇത് വലിയ ഗുണം ചെയ്യുകയും ചെയ്തു. എന്നാൽ ഇപ്പോഴിതാ ഗർഭനിരോധന ഉപാധികൾക്ക് നിരോധനം ഏർപ്പെടുത്തി താലിബാൻ. അഫ്ഗാനിസ്ഥാനിലെ പ്രമുഖ നഗരങ്ങളിലാണ് ഇതിനകം ഗർഭനിരോധന ഉപാധികൾക്ക് താലിബാൻ ഭരണകൂടം നിരോധനം ഏർപ്പെടുത്തിയത്. അഫ്ഗാനിസ്ഥാന്‍റെ അധികാരം താലിബാൻ പിടിച്ചെടുത്തതിന് പിന്നാലെ പല കാര്യങ്ങളും അടിച്ചേൽപ്പിക്കുന്നുവെന്ന വാർത്തകൾ പുറത്തുവന്നിരുന്നു. സ്ത്രീകളുടെ വിദ്യാഭ്യാസ കാര്യത്തിലടക്കം താലിബാൻ ഭരണകൂടം കർശനമായ ഇടപെടൽ നടത്തുന്നതായും…

കത്തോലിക്കാ ബിഷപ്പ് അമേരിക്കയില്‍ വെടിവയ്പില്‍ കൊല്ലപ്പെട്ടു. ദീര്‍ഘകാലമായി സഭയിലെ സമാധാന ശ്രമങ്ങളുടെ പേരില്‍ ശ്രദ്ധേയനായ ബിഷപ്പിനാണ് ശനിയാഴ്ച ലോസ് ആഞ്ചലസില്‍ വച്ച് വെടിയേറ്റത്. പുരോഹിതനായി പ്രവര്‍ത്തനം ആരംഭിച്ച് 45 വര്‍ഷത്തോളം കത്തോലിക്കാ സഭയ്ക്കായി പ്രവര്‍ത്തിച്ച ബിഷപ്പ് ഡേവിഡ് ഒ കോണല്‍ ആണ് കൊല്ലപ്പെട്ടത്. ആഴത്തിലുള്ള ആത്മീയ പ്രവര്‍ത്തികളുടെ പേരില്‍ സമാധാന പാലകനെന്നായിരുന്നു ബിഷപ്പ് അറിയപ്പെട്ടിരുന്നത്. അവിചാരിതമായാണ് ബിഷപ്പിന്‍റെ മരണമെന്ന് ലോസ് ആഞ്ചലസ് ആര്‍ച്ച് ബിഷപ്പ് ജോസ് എച്ച് ഗോമസ് ശനിയാഴ്ച വ്യക്തമാക്കി. കാലിഫോര്‍ണിയയുടെ പ്രാന്ത പ്രദേശത്ത് വച്ച്…