Category: Gulf News

ഈദുൽ ഫിത്ർ ഏപ്രിൽ 21ന് ആകാൻ സാധ്യതയെന്ന് യുഎഇ ജ്യോതി ശാസ്ത്രജ്ഞൻ. റമസാനിലെ പൗർണമി ഏപ്രിൽ 20ന് വ്യാഴാഴ്ച പ്രാദേശിക സമയം രാവിലെ 8.36ന് ആയിരിക്കും. അതേസമയം ശവ്വാൽ ചന്ദ്രിക ഏപ്രിൽ 20ന് രാവിലെ 8.13ന് പ്രത്യക്ഷപ്പെട്ട് സൂര്യാസ്തമയത്തിനു ശേഷം 22 മിനിറ്റ് കഴിഞ്ഞ് അപ്രത്യക്ഷമാകുമെന്ന് എമിറേറ്റ്‌സ് അസ്‌ട്രോണമി സൊസൈറ്റിയുടെ ഡയറക്ടർ ബോർഡ് ചെയർമാൻ ഇബ്രാഹിം അൽ ജർവാൻ പറഞ്ഞു. പെരുന്നാൾ 21നാണെന്ന് യുഎഇ സർക്കാർ പ്രഖ്യാപിച്ചാൽ 24 വരെ 4 ദിവസം അവധിയായിരിക്കും.

ആധാർ കാർഡും പാൻ കാർഡും ബന്ധിപ്പിക്കണമെന്ന നിർദേശം എല്ലാ പ്രവാസികളെയും ബാധിക്കില്ല. നിശ്ചിത തീയതിക്കകം ആധാർ-പാൻ ബന്ധിപ്പിക്കേണ്ടവരുടെ പട്ടികയിൽനിന്ന് പ്രവാസികളെ ഒഴിവാക്കിയിട്ടുണ്ട്. ജൂൺ 30 വരെയാണ് ആധാർ കാർഡും പാൻ കാർഡും ബന്ധിപ്പിക്കാനുള്ള പുതുക്കിയ സമയം. നേരത്തേ മാർച്ച് 31 വരെയായിരുന്നു കാലാവധി നിശ്ചയിച്ചിരുന്നത്. അതേസമയം, നാലു വിഭാഗങ്ങളെയാണ് ഇതിൽനിന്ന് ഒഴിവാക്കിയിരിക്കുന്നത്. ഇൻകം ടാക്‌സ് ആക്ട് പ്രകാരമുള്ള എൻ.ആർ.ഐകൾ, ഇന്ത്യൻ പൗരന്മാരല്ലാത്തവർ, 80 വയസ്സിന് മുകളിലുള്ളവർ, അസം, മേഘാലയ, ജമ്മു-കശ്മീർ എന്നിവിടങ്ങളിലുള്ളവർ എന്നിവർക്ക് ആധാർ-പാൻ ബന്ധിപ്പിക്കൽ നിർബന്ധമില്ല….

പുനരുപയോഗത്തിൻറെ സന്ദേശം പ്രചരിപ്പിക്കുന്ന ലോക റീസൈക്ലിങ് ദിനം ആചരിച്ച് ദുബൈ മുനിസിപ്പാലിറ്റി. മാലിന്യങ്ങൾ കുറക്കുന്നതിനും വസ്തുക്കൾ പുനരുപയോഗിക്കുന്നതിനും പ്രകൃതി വിഭവങ്ങൾ സംരക്ഷിക്കുന്നതിനുമുള്ള പ്രാധാന്യം ഉയർത്തിപ്പിടിക്കുന്നതിൻറെ ഭാഗമായാണ് പരിപാടികൾ സംഘടിപ്പിച്ചത്. സർക്കാർ, സ്വകാര്യ സ്ഥാപനങ്ങളിൽനിന്നുള്ള 500ലധികം സന്നദ്ധപ്രവർത്തകർ പ്രവർത്തനങ്ങളിൽ പങ്കെടുത്തു. മുനിസിപ്പാലിറ്റിയുടെ വളന്റിയറിങ് സംരംഭമായ ‘ഒരു മണിക്കൂർ ശുചീകരണ തൊഴിലാളിയോടൊപ്പം’ എന്ന പരിപാടിയുടെ ഭാഗമായി സന്നദ്ധപ്രവർത്തകർ തൊഴിലാളികൾക്കൊപ്പം ശുചീകരണ പ്രവർത്തനങ്ങളിൽ പങ്കാളികളായി. ഉമ്മു സുഖീം ബീച്ച്, അൽ മംസാർ ബീച്ച്, അൽ ഖുദ്ര തടാകം, അൽ റുവയ റിസർവ്,…

വ്രതമാസത്തിൽ യാചനക്കെതിരെ രാജ്യത്താകമാനം ശക്തമായ നടപടി സ്വീകരിക്കുമെന്ന മു ന്നറിയിപ്പുമായി വിവിധ എമിറേറ്റുകളിലെ പൊലീസ്. യാചനയിലൂടെ വലിയ തുക തന്നെ വ്യക്തികളും ഗ്രൂപ്പു കളും ശേഖരിക്കുന്നതായി കണ്ടെത്തിയ സാഹചര്യ ത്തിലാണ് നടപടി കർശനമാക്കാൻ അധികൃതർ തീ രുമാനിച്ചത്. യാചകർക്ക് പണമോ സഹായമോ ചെയ്യരുതെന്ന് താമസക്കാരോടും പൊലീസ് അധികൃതർ ആവശ്യപ്പെട്ടിട്ടുണ്ട്. സർക്കാറിൽ രജിസ്റ്റർ ചെയ്ത സംവിധാനങ്ങ ൾ വഴി മാത്രമായിരിക്കണം സംഭാവനകൾ നൽകേ ണ്ടതെന്നും നിർദേശിച്ചിട്ടുണ്ട്. യാചന നിയപരമായി കുറ്റകൃത്യമായതിനാൽ ഒരുതരത്തിലും താമസക്കാർ ഇവരോട് ഇടപെടരുതെന്നും അധികൃതർ പറഞ്ഞു….