രാജ്യത്തെ ഹോട്ടൽ മുറികൾക്ക് വാടകയിനത്തിൽ ഒരു പുതിയ വിനോദസഞ്ചാര നികുതി ഏർപ്പെടുത്താൻ ബഹ്റൈൻ ടൂറിസം മന്ത്രാലയം തീരുമാനിച്ചു. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. ഈ തീരുമാന പ്രകാരം ഓരോ ഹോട്ടൽ മുറികളുടെയും പ്രതിദിന വാടക തുകയിൽ മൂന്ന് ദിനാർ അധികമായി ടൂറിസ്റ്റ് ടാക്സ് എന്ന രീതിയിൽ ചുമത്തുന്നതാണ്. 2024 മെയ് 1 മുതൽ ബഹ്‌റൈനിലെ എല്ലാ ഹോട്ടലുകളിലും ഈ നികുതി പ്രാബല്യത്തിൽ വന്നിട്ടുണ്ടെന്നും മാധ്യമങ്ങൾ റിപ്പോർട്ട് ചെയ്‌തിട്ടുണ്ട്‌.
ബഹ്റൈൻ ഖലീഫ സിറ്റിയിൽ നിർമാണം പൂർത്തീകരിച്ച പുതിയ ജലവിതരണ പ്ലാന്റ് ഉപപ്രധാനമന്ത്രി ശൈഖ് ഖാലിദ് ബിൻ അബ്ദുല്ല ആൽ ഖലീഫ ഉദ്ഘാടനം ചെയ്തു. ഹമദ് രാജാവിന്‍റെ അധികാരാരോഹണത്തിന്‍റെ രജത ജൂബിലി ആഘോഷിക്കുന്നതിനോടനുബന്ധിച്ചാണ് പുതിയ പദ്ധതി ഉദ്ഘാടനം നടന്നത്. ചടങ്ങിൽ മന്ത്രിമാർ, ദക്ഷിണ മേഖല ഗവർണർ, സൗദി ഡെവലപ്മെന്‍റ് ഫണ്ട് സി.ഇ.ഒ സുൽത്താൻ ബിൻ അബ്ദുറഹ്മാൻ അൽ മുർഷിദ് അടക്കമുള്ള സംഘം, ക്ഷണിക്കപ്പെട്ടവർ തുടങ്ങിയവർ സന്നിഹിതരായിരുന്നു. മണിക്കൂറിൽ 704 ക്യുബിക് മീറ്റർ വെള്ളം വിതരണം ചെയ്യാൻ ഇതുവഴി സാധിക്കും….
ടൗൺഷിപ്പുകളിൽ ഹരിതപദ്ധതി വ്യാപിപ്പിക്കുന്നതിന് ശ്രമിക്കുമെന്ന് പാർപ്പിട, നഗരാസൂത്രണകാര്യ മന്ത്രി ആമിന ബിൻത് അഹ്മദ് അൽ റുമൈഹി വ്യക്തമാക്കി. നാഷനൽ ഇനീഷ്യേറ്റിവ് ഫോർ അഗ്രികൾചറൽ ഡെവലപ്മെന്‍റ് മുൻകൈയെടുത്ത് നടപ്പാക്കുന്ന ‘എന്നും ഹരിതം’പദ്ധതിയിൽ പങ്കാളികളാവുകയും അതുവഴി ഹരിതപ്രദേശങ്ങൾ വർധിപ്പിക്കുകയും ചെയ്യുന്നതിൽ ഏറെ സന്തോഷമുണ്ട്. സ്വകാര്യ മേഖലയുമായി ചേർന്ന് 2030 സുസ്ഥിര വികസനപദ്ധതി ലക്ഷ്യംനേടുന്നതിന് ശ്രമിക്കുമെന്നും അവർ ചൂണ്ടിക്കാട്ടി. ‘എന്നും ഹരിതം’ പദ്ധതി നടപ്പാക്കി വിജയിപ്പിക്കുന്നതിന് മുന്നിൽ നിൽക്കുന്നവരെ അവർ പ്രത്യേകം അഭിനന്ദിക്കുകയും ചെയ്തു. രാജ്യത്തെ ഹരിതവത്കരണം ശക്തമാക്കുന്നതിന് ഭരണാധികാരികൾ നൽകുന്ന…
പ്രവർത്തനത്തിനുള്ള ലൈസൻസ് കാലാവധി അവസാനിച്ച ഫാർമസി അടച്ചു പൂട്ടാൻ നാഷനൽ ഹെൽത്ത് റെഗുലേറ്ററി അതോറിറ്റി ഉത്തരവിട്ടു. കഴിഞ്ഞ ആറു മാസമായി പ്രവർത്തനാനുമതി കഴിഞ്ഞ സ്ഥാപനത്തിനെതിരെയാണ് നടപടി. ഫാർമസിയുടെ ലൈസൻസ് പുതുക്കുന്നതുമായി ബന്ധപ്പെട്ട് ഒന്നിലധികം പ്രാവശ്യം ഉടമക്ക് നോട്ടീസ് നൽകിയിരുന്നെങ്കിലും നടപടികൾ പൂർത്തിയാക്കിയിരുന്നില്ല. ഇതേ തുടർന്നാണ് നിയമപരമായി പ്രവർത്തനാനുമതിയില്ലാത്തതിനാൽ സ്ഥാപനം അടച്ചിടാൻ നിർദേശിക്കുകയായിരുന്നു. ആരോഗ്യ സ്ഥാപനങ്ങളുമായി ബന്ധപ്പെട്ട നിയമലംഘനങ്ങൾ ശ്രദ്ധയിൽ പെട്ടാൽ 17113265 എന്ന നമ്പറിൽ ബന്ധപ്പെടാവുന്നതാണെന്ന് എൻ.എച്ച്.ആർ.എഅറിയിച്ചു.
സാമ്പത്തിക തട്ടിപ്പ് സംഘത്തെ പിടികൂടിയതായി സാമ്പത്തിക കുറ്റാന്വേഷണ വിഭാഗം അറിയിച്ചു. മൊബൈൽ വഴി സന്ദേശങ്ങളയച്ചും വിളിച്ചും പണം കൈക്കലാക്കുന്ന സംഘമാണ് പിടിയിലായത്. വ്യക്തികളുടെ ബാങ്ക് അക്കൗണ്ട് വിവരങ്ങൾ കരസ്ഥമാക്കി പണം പിൻവലിക്കുകയും പ്രതികൾ തങ്ങളുടെ നാടുകളിലേക്ക് അയക്കുകയും ചെയ്തിരുന്നതായി തെളിഞ്ഞിട്ടുണ്ട്. പ്രതികളെല്ലാവരും ഏഷ്യൻ വംശജരാണ്. ഇത്തരം തട്ടിപ്പുകാരെ കുറിച്ച് വ്യാപക പരാതി ഉയരുകയും പ്രത്യേക സംഘം ഇവരെ കണ്ടെത്തുന്നതിന് അന്വേഷണം നടത്തുകയും ചെയ്തിരുന്നു. അറിയാത്ത നമ്പറുകളിൽനിന്നും ബാങ്ക് അക്കൗണ്ട് വിവരങ്ങൾ ചോദിച്ച് വരുന്ന ഫോൺ കാളുകളിൽ വഞ്ചിതരാവരുതെന്ന്…
എൽ.എം.ആർ.എ താമസ വിസനിയമങ്ങൾ ലംഘിച്ച 125 വിദേശ തൊഴിലാളികൾ പിടിയിലായതായി എൽ.എം.ആർ.എ അധികൃതർ അറിയിച്ചു. കഴിഞ്ഞ ഒരാഴ്ചക്കിടെ രാജ്യത്തെ വിവിധ ഗവർണറേറ്റുകളിൽ നടത്തിയ പരിശോധനയിലാണ് നിയമ ലംഘകരെ കണ്ടെത്തിയത്. 985 പരിശോധനകളാണ് ഏപ്രിൽ 21 മുതൽ 27 വരെ നടത്തിയത്. ഇക്കാലയളവിൽ നിയമം ലംഘിച്ച 123 പേരെ നാടുകടത്തുകയും ചെയ്തു. 972 പരിശോധനകളിൽ 13 സംയുക്ത പരിശോധനകളാണ് നടത്തിയത്. ക്യാപിറ്റൽ ഗവർണറേറ്റിൽ നാല്, മുഹറഖ്, ഉത്തര, ദക്ഷിണ മേഖല ഗവർണറേറ്റുകളിൽ മൂന്ന് വീതവും സംയുക്ത പരിശോധനകൾ നടത്തി….
ആർട്ടിഫിഷ്യൽ ഇന്റലിജൻസ് (AI)യെ നിയന്ത്രിക്കാനുള്ള നിയമം ശൂറ കൗൺസിൽ പരിഗണിക്കും. നിയമലംഘകർക്ക് മൂന്നുവർഷത്തിൽ കുറയാത്ത തടവോ 2,000 ദിനാർവരെ പിഴയോ ശിക്ഷ ലഭിക്കുന്നതാണ് പുതിയ നിയമം. ഞായറാഴ്ച നടന്ന പ്രതിവാര സെഷനിൽ ശൂറ കൗൺസിൽ പരിഗണിക്കും. മനുഷ്യാവകാശ കമ്മിറ്റി വൈസ് ചെയർമാൻ അലി അൽ ഷെഹാബിയുടെ നേതൃത്വത്തിലുള്ള അഞ്ച് അംഗങ്ങളാണ് നിർദേശം മുന്നോട്ടുവെച്ചത്. ആഭ്യന്തരം, ആരോഗ്യം, വിദ്യാഭ്യാസം, കാബിനറ്റ് അഫയേഴ്സ് എന്നിവയുടെ പരിഗണനക്കുശേഷമാണ് നിയമം ശൂറയുടെ നിയമനിർമാണ, നിയമകാര്യ സമിതിയുടെ അംഗീകാരത്തിനായി ശിപാർശ ചെയ്യപ്പെട്ടത്. നാഷനൽ സ്‌പേസ്…
ലോക തൊഴിലാളി ദിനമായ മേയ് ഒന്ന് ബുധനാഴ്ച രാജ്യത്തെമന്ത്രാലയങ്ങൾക്കും സർക്കാർ അതോറിറ്റികൾക്കും വിദ്യാഭ്യാസ സ്ഥാപനങ്ങൾക്കും അവധിയായിരിക്കുമെന്ന് കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫ പുറത്തിറക്കിയ സർക്കുലറിൽ വ്യക്തമാക്കി.
ബഹ്റൈൻ പോസ്റ്റ് വഴി ലഭിക്കുന്ന ഷിപ്മെന്റുകൾക്കും പാർസലുകൾക്കും ട്രാക്കിങ് സേവനം ഏർപ്പെടുത്തി. ‘ബഹ്റൈൻ പോസ്റ്റ്’ ആപ് വഴിയോ മന്ത്രാലയത്തിന്റെ വെബ്‌സൈറ്റ് https://mtt.gov.bh വഴിയോ ട്രാക്ക് ചെയ്യാം. ഉപഭോക്താക്കൾക്ക് തപാൽ ജീവനക്കാരെ ആശ്രയിക്കാതെ തന്നെ ഷിപ്മെന്റിന്റെ സ്ഥാനവും സമയവും അനുസരിച്ച് ആവശ്യമായ എല്ലാ വിവരങ്ങളും എളുപ്പത്തിൽ ലഭിക്കാൻ പുതിയ സംവിധാനം പര്യാപ്തമാണെന്ന് ഗതാഗത, ടെലികമ്യൂണിക്കേഷൻ മന്ത്രാലയം തപാൽ കാര്യ അസിസ്റ്റന്റ് അണ്ടർ സെക്രട്ടറി ഡോ. ഖാലിദ് അൽ ഹൈദാൻ പറഞ്ഞു.
കനത്ത മഴയിലും വെള്ളക്കെട്ടിലും നാശനഷ്ടം നേരിട്ടവർക്ക് നഷ്ടപരിഹാരം നൽകാൻ കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ ഉത്തരവിട്ടു. മുനിസിപ്പാലിറ്റീസ് അഫയേഴ്സ് ആൻഡ് അഗ്രികൾച്ചർ മന്ത്രാലയത്തോടും പൊതുമരാമത്ത് മന്ത്രാലയത്തോടും നാശനഷ്ടം വിലയിരുത്താനും നിർദേശിച്ചു. മഴക്കെടുതി പ്രതികൂലമായി ബാധിച്ച പ്രദേശങ്ങൾ കണ്ടെത്തി നിലവിലുള്ള പ്രശ്നങ്ങളും ഭാവിയിൽ വന്നേക്കാവുന്ന ആവശ്യങ്ങളും നിറവേറ്റുന്നതിനായി മികച്ച രീതിയിൽ അടിസ്ഥാന സൗകര്യങ്ങളും ഡ്രെയിനേജ് സംവിധാനവും വികസിപ്പിക്കാനും അദ്ദേഹം നിർദേശിച്ചു. ഉദ്യോഗസ്ഥർ അശ്രാന്ത പരിശ്രമം നടത്തി വെള്ളപ്പൊക്കമുണ്ടായ റോഡുകളും ഹൈവേകളും ചൊവ്വാഴ്ച വൃത്തിയാക്കിയിരുന്നു….
