വേയ് ടു ഫിലിംസിന്റെ ബാനറില്‍ കെ. ഷെമീര്‍ സംവിധാനം ചെയ്യുന്ന ‘ഒരു ജാതി മനുഷ്യന്‍’ എന്ന ചിത്രത്തിലെ പുതിയ ലിറിക്കല്‍ ഗാനം റിലീസ് ചെയ്തു. പ്രശസ്ത പിന്നണി ഗായകന്‍ ജാസി ഗിഫ്റ്റും സംഗീതസംവിധായകന്‍ യൂനുസിയോയും ചേര്‍ന്നാണ് ഗാനം ആലപിച്ചിരിക്കുന്നത്.
‘കൊടി കൊടി’ എന്ന രീതിയില്‍ ആരംഭിക്കുന്ന ഗാനം വെസ്‌റ്റേണ്‍ ശൈലിയില്‍ ഉള്ള റോക്ക് മ്യൂസിക് രീതിയില്‍ ആണ് ചിട്ടപ്പെടുത്തിയിരിക്കുന്നത്. നാട്ടിലെ പാര്‍ട്ടി രീതിയില്‍ പറയുന്ന പല ഇന്റേണല്‍ പൊളിറ്റിക്‌സിനെ എടുത്തുപറയുന്നു രീതിയിലാണ് അവതരണ ശൈലി.
ജയിംസ് ഏലിയാ, ശിവജി ഗുരുവായൂര്‍, ബൈജു എഴുപുന്ന, നിയാസ് ബക്കര്‍, വിനോദ് കെടാമംഗലം, ലിഷോയ്, അരിസ്‌റ്റോ സുരേഷ്, എന്നിവരോടൊപ്പം ഒരുപിടി പുതുമുഖങ്ങളും ചിത്രത്തില്‍ പ്രധാന വേഷങ്ങളില്‍ എത്തന്നു. റിലീസിന് തയാറെടുത്തിരിക്കുന്ന ചിത്രത്തിന് യു/എ സര്‍ട്ടിഫിക്കേറ്റാണ് ലഭിച്ചിരിക്കുന്നത്. ചിത്രത്തിന്റേതായി പുറത്തിറങ്ങിയ ക്യാരക്ടര്‍ പോസ്റ്ററുകള്‍, ടീസര്‍ എന്നിവ ഇതിനോടകം ഏറെ പ്രേക്ഷകശ്രദ്ധ നേടിയിരുന്നു. ചിത്രത്തിന്റെ ഛായാഗ്രഹണം, എഡിറ്റിംഗ് സുല്‍ഫി ഭൂട്ടോയാണ് നിര്‍വഹിച്ചത്. നടന്‍ സിദ്ദിഖ് ചിത്രത്തില്‍ പാടിയിട്ടുണ്ട്.
