പഴനി ക്ഷേത്രം സന്ദര്‍ശിച്ച് നടി അമല പോള്‍. അമ്മയ്ക്കും സഹോദരന്റെ ഭാര്യയ്ക്കുമൊപ്പമായിരുന്നു താരം ക്ഷേത്രദര്‍ശനത്തിനെത്തിയത്. പഴനിയില്‍ നിന്നുള്ള ചിത്രങ്ങളും അമല ഇന്‍സ്റ്റഗ്രാമില്‍ പങ്കുവെച്ചു.
പ്രസാദം നെറ്റിയില്‍ തൊട്ട്, പൂമാലയും അണിഞ്ഞ് നില്‍ക്കുന്ന അമലയെ ചിത്രങ്ങളില്‍ കാണാം. വെള്ള കുര്‍ത്തയും കറുപ്പ് പട്യാല പാന്റുമായിരുന്നു അമലയുടെ വേഷം.
വര്‍ഷങ്ങള്‍ക്ക് ശേഷം വിവേക് സംവിധാനം ചെയ്ത ടീച്ചര്‍ എന്ന ചിത്രത്തിലൂടെ അമല മലയാള സിനിമയിലേക്ക് തിരിച്ചെത്തിയിരുന്നു. ബി ഉണ്ണികൃഷ്ണന്‍ സംവിധാനം ചെയ്യുന്ന മമ്മൂട്ടി ചിത്രം ക്രിസ്റ്റഫര്‍ ആണ് ഇനി പുറത്തിറങ്ങാനുള്ളത്. പൃഥ്വിരാജ് നായകനാകുന്ന ആടുജീവിതത്തിലും അമലയാണ് നായിക.
