ബംഗ്ലാദേശ് പ്രീമിയര്‍ ലീഗില്‍ കളിക്കാനായി ഡേവിഡ് മില്ലര്‍ വിവാഹം നീട്ടിവെച്ചു; വെളിപ്പെടുത്തലുമായി വസീം അക്രം
ബംഗ്ലാദേശ് പ്രീമിയര്‍ ലീഗില്‍ കളിക്കാന്‍ വേണ്ടി ദക്ഷിണാഫ്രിക്കന്‍ താരം ഡേവിഡ് മില്ലര്‍ വിവാഹം നീട്ടിവെച്ചിരുന്നതായി വെളിപ്പെടുത്തി പാകിസ്താന്‍ മുന്‍ ഫാസ്റ്റ് ബൗളര്‍ വസീം അക്രം. ബംഗ്ലാദേശ് ലീഗിലെ ഫോര്‍ച്യൂണ്‍ ബാരിഷല്‍ ടീമംഗമായ മില്ലറിനെ ടീമിന്റെ പ്ലേ ഓഫ് മത്സരങ്ങള്‍ കളിക്കുന്നതിനായി വിവാഹം നീട്ടിവയ്പ്പിക്കുകയായിരുന്നു. ഇതിനായി താരത്തിന് 1.24 കോടി രൂപ വാഗ്ദാനം ചെയ്‌തെന്നും വസീം പറഞ്ഞു.
മില്ലര്‍ എത്തിയതോടെ ടീം അവസാന മൂന്ന് മത്സരങ്ങളും വിജയിച്ചിക്കുകയും ടൂര്‍ണമെന്റ് വിജയികളാവുകയും ചെയ്തു. ലീഗ് അവസാനിച്ചതിന് പിന്നാലെ മാർച്ച് പത്തിന് ദക്ഷിണാഫ്രിക്കയിലെ കേപ്ടൗണില്‍ വെച്ച് വിവാഹം ഗംഭീരമായി നടന്നു. ദീര്‍ഘകാല സുഹൃത്തായിരുന്ന കാമില ഹാരിസിനെയാണ് മില്ലർ വിവാഹം ചെയ്തത്.