റിയാദ് : സൗദി അറേബ്യയിൽ രണ്ട് പുതിയ എണ്ണപ്പാടങ്ങൾ കണ്ടെത്തിയതായി ഊർജ മന്ത്രി അബ്ദുൽ അസീസ് ബിൻ സൽമാൻ രാജകുമാരൻ അറിയിച്ചു. കിഴക്കൻ പ്രവിശ്യയിൽ പാരമ്പര്യേതര പ്രകൃതി വാതകത്തിന്റെ രണ്ട് പാടങ്ങൾ കണ്ടെത്താൻ സൗദി അരാംകോയ്ക്ക് കഴിഞ്ഞു.
ഘവാർ ഫീൽഡിന് തെക്കുപടിഞ്ഞാറായി 'അവ്താദ്' എന്ന പാരമ്പര്യേതര പ്രകൃതി വാതക പാടം കണ്ടെത്തി. ദഹ്‌റാൻ നഗരത്തിന് 230 കിലോമീറ്റർ തെക്കുപടിഞ്ഞാറായി 'അൽ-ദഹ്ന' പാരമ്പര്യേതര പ്രകൃതി വാതക പാടവും കണ്ടെത്തിയതായി അദ്ദേഹം പറഞ്ഞു. ഇത് രാജ്യത്തിന്റെ പ്രകൃതിവാതക ശേഖരം ശക്തിപ്പെടുത്തുമെന്ന് അബ്ദുൽ അസീസ് രാജകുമാരൻ വ്യക്തമാക്കി.