ഖത്തറിലെ ഹമദ് വിമാനത്താവളം വഴിയുള്ള യാത്രക്കാരുടെ എണ്ണത്തിൽ റെക്കോർഡ് വർധന

ആ​ഗോ​ള വ്യോ​മ​യാ​ന കേ​ന്ദ്ര​മെ​ന്ന നി​ല​യി​ൽ സ്ഥാ​നം ശ​ക്തി​പ്പെ​ടു​ത്തു​ന്ന ഖത്തറിലെ ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ യാ​ത്ര​ക്കാ​രു​ടെ എ​ണ്ണ​ത്തി​ൽ റെ​ക്കോ​ഡ് വ​ർ​ധ​ന. 2024ലെ ​ആ​ദ്യ പാ​ദ​ത്തി​ലെ യാ​ത്ര​ക്കാ​രു​ടെ എ​ണ്ണം വി​മാ​ന​ത്താ​വ​ള​ത്തി​ലെ പാ​ദ​വാ​ർ​ഷി​ക ക​ണ​ക്കു​ക​ളെ മ​റി​ക​ട​ന്ന​താ​യി എ​ച്ച്.​ഐ.​എ അ​റി​യി​ച്ചു. 2023ൽ ​വി​മാ​ന​ത്താ​വ​ള​ത്തി​ൽ യാ​ത്ര​ക്കാ​രു​ടെ എ​ണ്ണ​ത്തി​ൽ രേ​ഖ​പ്പെ​ടു​ത്തി​യ എ​ല്ലാ റെ​ക്കോ​ഡു​ക​ളും മ​റി​ക​ട​ക്കു​ന്ന​താ​ണ് പു​തി​യ ക​ണ​ക്കു​ക​ൾ. 2024 ജ​നു​വ​രി മു​ത​ൽ മാ​ർ​ച്ച് വ​രെ യാ​ത്ര​ക്കാ​രു​ടെ എ​ണ്ണ​ത്തി​ൽ 27.6 ശ​ത​മാ​നം വ​ർ​ധി​ച്ചു. വി​മാ​ന​ങ്ങ​ളു​ടെ സ​ഞ്ചാ​ര​ത്തി​ലും ച​ര​ക്ക്

നീ​ക്ക​ത്തി​ലും ഗ​ണ്യ​മാ​യ വ​ർ​ധ​ന ഉ​ണ്ടാ​യി​ട്ടു​ണ്ട്. വി​മാ​ന​ങ്ങ​ളു​ടെ സ​ഞ്ചാ​ര​ത്തി​ൽ 23.9 ശ​ത​മാ​നം വ​ർ​ധ​ന​വാ​ണു​ണ്ടാ​യ​ത്. ച​ര​ക്ക് നീ​ക്ക​ത്തി​ൽ 15.4 ശ​ത​മാ​ന​വും വ​ർ​ധി​ച്ചു. ഈ ​വ​ർ​ഷം ആ​ദ്യ മൂ​ന്ന് മാ​സ​ത്തി​നു​ള്ളി​ലാ​യി ഹ​മ​ദ് വി​മാ​ന​ത്താ​വ​ളം വ​ഴി 1.31 കോ​ടി പേ​രാ​ണ് യാ​ത്ര ചെ​യ്ത​ത്. ജ​നു​വ​രി​യി​ൽ 45 ല​ക്ഷ​വും ഫെ​ബ്രു​വ​രി​യി​ൽ 43 ല​ക്ഷ​വും മാ​ർ​ച്ചി​ൽ 42 ല​ക്ഷ​വും യാ​ത്ര​ക്കാ​ർ ഹ​മ​ദ് വി​മാ​ന​ത്താ​വ​ളം വ​ഴി യാ​ത്ര ചെ​യ്തു. ഇ​ക്കാ​ല​യ​ള​വി​ൽ ആ​കെ 69,959 വി​മാ​ന​ങ്ങ​ളാ​ണ് വി​മാ​ന​ത്താ​വ​ള​ത്തി​ലെ​ത്തി​യ​ത്. ജ​നു​വ​രി, ഫെ​ബ്രു​വ​രി, മാ​ർ​ച്ച് മാ​സ​ങ്ങ​ളി​ൽ യ​ഥാ​ക്ര​മം 23996, 22736, 23227 വി​മാ​ന​ങ്ങ​ൾ ഇ​വി​ടെ​യെ​ത്തി.

2024ന്റെ ​ആ​ദ്യ പാ​ദ​ത്തി​ൽ 6.26 ല​ക്ഷം ട​ൺ ച​ര​ക്കാ​ണ് വി​മാ​ന​ത്താ​വ​ള​ത്തി​ൽ കൈ​കാ​ര്യം ചെ​യ്ത​ത്. 72 ല​ക്ഷം ട്രാ​ൻ​സ്ഫ​ർ ബാ​ഗേ​ജു​ക​ളു​ൾ​പ്പെ​ടെ 1.04 കോ​ടി ബാ​ഗേ​ജു​ക​ൾ വി​മാ​ന​ത്താ​വ​ള സൗ​ക​ര്യം ഉ​പ​യോ​ഗ​പ്പെ​ടു​ത്തി. വി​മാ​ന​ത്താ​വ​ള​ത്തെ ആ​ഗോ​ള യാ​ത്ര​ക്കാ​രു​ടെ ട്രാ​ൻ​സി​റ്റ് ഹ​ബ്ബാ​യി ക​ണ​ക്കാ​ക്കു​ന്ന​തി​ന്റെ സൂ​ച​ന​യാ​ണി​ത് ന​ൽ​കു​ന്ന​ത്. ആ​ഗോ​ള ക​ണ​ക്ടി​വി​റ്റി കൂ​ടു​ത​ൽ മെ​ച്ച​പ്പെ​ടു​ത്താ​നും ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന് ക​ഴി​ഞ്ഞു. ജ​നു​വ​രി, ഫെ​ബ്രു​വ​രി, മാ​ർ​ച്ച് മാ​സ​ങ്ങ​ളി​ലാ​യി 188 കാ​ർ​ഗോ, പാ​സ​ഞ്ച​ർ ല​ക്ഷ്യ​സ്ഥാ​ന​ങ്ങ​ളി​ലേ​ക്ക് ഇ​വി​ടെ നി​ന്നും സ​ർ​വി​സ് ന​ട​ത്തി. കൂ​ടാ​തെ 48 എ​യ​ർ​ലൈ​നു​ക​ളു​ടെ ശൃം​ഖ​ല​യെ​യും ഇ​വി​ടെ നി​ന്ന് ബ​ന്ധി​പ്പി​ക്കു​ന്നു​ണ്ട്. ആ​ദ്യ പാ​ദ​ത്തി​ൽ 44 എ​ണ്ണ​മാ​യി​രു​ന്നു​വെ​ങ്കി​ൽ പി​ന്നീ​ട് നാ​ല് എ​യ​ർ​ലൈ​നു​ക​ൾ കൂ​ടി ശൃം​ഖ​ല​യി​ൽ പ​ങ്കാ​ളി​ക​ളാ​യെ​ന്ന് വി​മാ​ന​ത്താ​വ​ളം അ​റി​യി​ച്ചു. ലോ​ക​ത്തി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ള​മാ​യി ഈ​യി​ടെ ഹ​മ​ദി​നെ സ്‌​കൈ​ട്രാ​ക്‌​സ് വേ​ൾ​ഡ് എ​യ​ർ​പോ​ർ​ട്ട് അ​വാ​ർ​ഡി​ന് തി​ര​ഞ്ഞെ​ടു​ത്തി​രു​ന്നു. തു​ട​ർ​ച്ച​യാ​യി ര​ണ്ടാം ത​വ​ണ​യും മി​ക​ച്ച എ​യ​ർ​പോ​ർ​ട്ട് ഷോ​പ്പി​ങ് കേ​ന്ദ്ര​മാ​യും തു​ട​ർ​ച്ച​യാ​യി 10ആം ത​വ​ണ മി​ഡി​ലീ​സ്റ്റി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ള​മാ​യും ഹ​മ​ദ് നേ​ര​ത്തെ തി​ര​ഞ്ഞെ​ടു​ക്ക​പ്പെ​ട്ടി​രു​ന്നു.