അനധികൃത ടൂറിസ്റ്റ് ക്യാമ്പുകൾ ; നടപടി സ്വീകരിച്ച് മസ്കത്ത് മുനിസിപ്പാലിറ്റി അധികൃതർ

അ​ന​ധി​കൃ​ത ടൂ​റി​സ്റ്റ് ക്യാ​മ്പു​ക​ൾ​ക്കെ​തി​രെ ക​ർ​ശ​ന ന​ട​പ​ടി​യു​മാ​യി മ​സ്ക​ത്ത് മു​നി​സി​പ്പാ​ലി​റ്റി. അ​ൽ ഖി​രാ​ൻ, ഇ​ത്തി പ്ര​ദേ​ശ​ങ്ങ​ളി​ലെ 16 അ​ന​ധി​കൃ​ത ടൂ​റി​സ്റ്റ് ക്യാ​മ്പു​ക​ൾ നീ​ക്കം ചെ​യ്തു. പൈ​തൃ​ക, ടൂ​റി​സം മ​ന്ത്രാ​ല​യ​ത്തി​ന്റെ​യും റോ​യ​ൽ ഒ​മാ​ൻ പൊ​ലീ​സി​ന്റെ​യും സം​യു​ക്ത സ​ഹ​ക​ര​ണ​ത്തോ​ടെ​യാ​യി​രു​ന്നു ന​ട​പ​ടി. ആ​കെ 17 സ്ഥ​ല​ങ്ങ​ളി​ലാ​യി​രു​ന്നു മു​നി​സി​പ്പാ​ലി​റ്റി പ​രി​ശോ​ധ​ന ന​ട​ത്തി​യ​ത്.

രാ​ജ​കീ​യ ഉ​ത്ത​ര​വ് പ്ര​കാ​രം ( ന​മ്പ​ർ 45/2007) പൊ​തു ഇ​ക്കോ-​ടൂ​റി​സം മേ​ഖ​ല​യാ​യി നി​യു​ക്ത​മാ​ക്കി​യ പ്ര​ദേ​ശ​മാ​ണ് അ​ൽ ഖി​രാ​ൻ. നി​യു​ക്ത പ്ര​ദേ​ശ​ത്തി​നു​ള്ളി​ൽ ഏ​തെ​ങ്കി​ലും സാ​മ്പ​ത്തി​ക, ടൂ​റി​സം അ​ല്ലെ​ങ്കി​ൽ മ​റ്റ് പ​ദ്ധ​തി​ക​ൾ സ്ഥാ​പി​ക്കു​ന്ന​ത് ഈ ​ഉ​ത്ത​ര​വ് പ്ര​കാ​രം നി​രോ​ധി​ച്ചി​ട്ടു​ണ്ട്.

അ​തേ​സ​മ​യം, രാ​ജ്യ​ത്ത് അ​നു​കൂ​ല​മാ​യ കാ​ലാ​വ​സ്ഥ അ​നു​ഭ​വ​പ്പെ​ട്ട​തോ​ടെ ക്യാ​മ്പു​ക​ൾ സ​ജീ​വ​മാ​യി​ട്ടു​ണ്ട്. ക​ഴി​ഞ്ഞ ദി​വ​സ​ങ്ങ​ളി​ലെ അ​വ​ധി​ക​ൾ ഉ​പ​യോ​ഗ​പ്പെ​ടു​ത്തി സ്വ​ദേ​ശി​ക​ളും വി​ദേ​ശി​ക​ളു​മ​ട​ക്കം നി​ര​വ​ധി​പേ​രാ​ണ്​ ക്യാ​മ്പി​ങ്​ ടെ​ന്‍റു​ക​ളൊ​രു​ക്കാ​ൻ മ​ല ക​യ​റി​യ​ത്. മ​സ്ക​ത്ത​ട​ക്ക​മു​ള്ള വി​വി​ധ ഗ​വ​ർ​ണ​റേ​റ്റു​ക​ളി​ലെ ബീ​ച്ചി​നോ​ട്​ ചേ​ർ​ന്നു​ള്ള സ്ഥ​ല​ങ്ങ​ൾ, ജ​ബ​ൽ അ​ഖ്​​ദ​ർ, ജ​ബ​ൽ ശം​സ്​ തു​ട​ങ്ങി​യ സ്ഥ​ല​ങ്ങ​ളി​ലേ​ക്കാ​ണ്​ അ​ധി​ക​പേ​രും ക്യാ​​മ്പൊ​രു​ക്കാ​നാ​യി പോ​കു​ന്ന​ത്. മ​സ്ക​ത്ത്​ ഗ​വ​ർ​ണ​റേ​റ്റി​ൽ ക്യാ​മ്പി​ങ്​ ന​ട​ത്തു​ന്ന​വ​ർ​ക്ക്​ മു​നി​സി​പ്പാ​ലി​റ്റി മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കി​യി​ട്ടു​ണ്ട്. ആ​രോ​ഗ്യം, പ​രി​സ്ഥി​തി, സു​ര​ക്ഷ, ന​ഗ​ര​ത്തി​ന്റെ സൗ​ന്ദ​ര്യം സം​ര​ക്ഷി​ക്ക​ൽ തു​ട​ങ്ങി​യ​വ ക​ണ​ക്കി​ലെ​ടു​ത്താ​ണ്​ നി​ർ​ദേ​ശ​ങ്ങ​ൾ ന​ൽ​കി​യി​രി​ക്കു​ന്ന​ത്. ര​ണ്ട്​ ദി​വ​സ​ത്തി​ൽ കൂ​ടു​ത​ൽ ക്യാ​മ്പു​ക​ൾ അ​നു​വ​ദി​ക്കി​ല്ല. കാ​ര​വ​ന്‍, ടെ​ന്റ് എ​ന്നി​വ​ക്കും ഇ​ത് ബാ​ധ​ക​മാ​യി​രി​ക്കും.