സ്പീക്കര്‍ എ എന്‍. ഷംസീറിന്റെ മിത്ത് പരാമർശം; രാഷ്ട്രപതി ദ്രൗപതി മുര്‍മു കേരള സര്‍ക്കാരിനോട് വിശദീകരണം തേടി
കേരള നിയമസഭാ സ്പീക്കര്‍ എ എന്‍. ഷംസീറിന്റെ മിത്ത് പരാമര്‍ശത്തില്‍ രാഷ്ട്രപതി ദ്രൗപതി മുര്‍മു കേരള സര്‍ക്കാരിനോട് വിശദീകരണം തേടി. വിവാദത്തെ കുറിച്ച്‌ അന്വേഷിച്ച് നടപടി റിപ്പോര്‍ട്ട് സമര്‍പ്പിക്കാന്‍ രാഷ്ട്രപതിയുടെ ഓഫിസില്‍ നിന്നു കേരള ചീഫ് സെക്രട്ടറി ഡോ. വേണുവിനോട് നിര്‍ദ്ദേശിച്ചു.സുപ്രീം കോടതി അഭിഭാഷകന്‍ കോശി ജേക്കബ് സമര്‍പ്പിച്ച പരാതിയുടെ അടിസ്ഥാനത്തിലാണ് രാഷ്ട്രപതിയുടെ ഇടപെടല്‍. സ്പീക്കര്‍ ഷംസീറിന്റെ മിത്ത് പരാമർശം ഭക്തരുടെ വിശ്വാസത്തെ വ്രണപ്പെടുത്തിയെന്നും മതസ്പര്‍ധ സൃഷ്ടിച്ചുവെന്നും അഡ്വ. കോശി ജേക്കബിന്റെ പരാതിയിൽ ചൂണ്ടിക്കാട്ടിയിരുന്നു