ധാന്യപ്പൊടി , തവിട് വില വർധന മൂന്ന് മാസത്തേക്കില്ല ; കന്നുകാലി കർശകർക്ക് ആശ്വാസം

ധാ​ന്യ​പ്പൊ​ടി​യു​ടെ​യും ത​വി​ട്​ അ​ട​ക്ക​മു​ള്ള ഉ​ൽ​പ​ന്ന​ങ്ങ​ളു​ടെ​യും വി​ല​വ​ർ​ധ​ന മൂ​ന്നു​മാ​സ​ത്തേ​ക്ക് മ​ര​വി​പ്പി​ക്കാ​ൻ ബ​ഹ്‌​റൈ​ൻ ഫ്ലോ​ർ മി​ൽ​സ് ക​മ്പ​നി (ബി.​എ​ഫ്.​എം) തീ​രു​മാ​നി​ച്ചു.

പാ​ർ​ല​​മെ​ന്റ് അം​ഗ​ങ്ങ​ളു​ടെ​യും സ​ർ​ക്കാ​ർ പ്ര​തി​നി​ധി​ക​ളു​ടെ​യും ക​മ്പ​നി അ​ധി​കൃ​ത​രു​ടെ​യും സം​യു​ക്ത യോ​ഗ​ത്തി​ലാ​ണ് വി​ല​വ​ർ​ധ​ന മൂ​ന്നു​മാ​സ​ത്തേ​ക്ക് മ​ര​വി​പ്പി​ക്കാ​ൻ ക​മ്പ​നി ത​യാ​റാ​യ​ത്. പാ​ർ​ല​മെ​ന്‍റ്​ അ​ധ്യ​ക്ഷ​ൻ അ​ഹ്​​മ​ദ്​ ബി​ൻ സ​ൽ​മാ​ൻ അ​ൽ മു​സ​ല്ലം, ശൂ​റ കൗ​ൺ​സി​ൽ അ​ധ്യ​ക്ഷ​ൻ അ​ലി ബി​ൻ സാ​ലി​ഹ്​ അ​സ്സാ​ലി​ഹ്, ശൂ​റ കൗ​ൺ​സി​ൽ, പാ​ർ​ല​​മെ​ന്‍റ്​ കാ​ര്യ മ​ന്ത്രി ഗാ​നിം ബി​ൻ ഫ​ദ്​​ൽ അ​ൽ ബു​​ഐ​നൈ​ൻ, ടെ​ലി​കോം, ഗ​താ​ഗ​ത മ​ന്ത്രി മു​ഹ​മ്മ​ദ്​ ബി​ൻ ഥാ​മി​ർ അ​ൽ ക​അ്​​ബി എ​ന്നി​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു ച​ർ​ച്ച.

ബ​ഹ്​​റൈ​ൻ ​ഫ്ലോ​ർ മി​ൽ​സ്​ ക​മ്പ​നി ചെ​യ​ർ​മാ​ൻ ബാ​സിം മു​ഹ​മ്മ​ദ്​ അ​സ്സാ​ഈ അ​ട​ക്കം ക​മ്പ​നി​യു​ടെ ഭാ​ഗ​ത്തു​നി​ന്നു​ള്ള പ്ര​തി​നി​ധി​ക​ളും ക​ന്നു​കാ​ലി ക​ർ​ഷ​ക​രു​ടെ​യും വ്യാ​പാ​രി​ക​ളു​ടെ​യും പ്ര​തി​നി​ധി​ക​ളും ച​ർ​ച്ച​യി​ൽ സ​ന്നി​ഹി​ത​രാ​യി​രു​ന്നു. മാ​വി​ന് 35 ശ​ത​മാ​നം മു​ത​ൽ 100 ശ​ത​മാ​നം വ​രെ വി​ല വ​ർ​ധ​ന​യാ​ണ് ബ​ഹ്‌​റൈ​ൻ ഫ്ലോ​ർ മി​ൽ​സ് ക​മ്പ​നി (ബി.​എ​ഫ്.​എം) പ്ര​ഖ്യാ​പി​ച്ചി​രു​ന്ന​ത്. അം​ഗീ​കൃ​ത ബേ​ക്ക​റി​ക​ൾ​ക്കു​ള്ള സ​ബ്‌​സി​ഡി ഉ​ൽ​പ​ന്ന​ങ്ങ​ളു​ടെ വി​ല വ​ർ​ധി​പ്പി​ക്കി​ല്ലെ​ന്ന് ക​മ്പ​നി ഇ​ന്ന​ലെ​യും ആ​വ​ർ​ത്തി​ച്ചു. പൊ​തു​വി​പ​ണി​യി​ൽ മൈ​ദ​ക്ക് ര​ണ്ടു ദി​നാ​റി​ല​ധി​കം വി​ല വ​ർ​ധി​ച്ചി​രു​ന്നു.

ഗോ​ത​മ്പ് വി​ല ആ​ഗോ​ള ത​ല​ത്തി​ൽ വ​ർ​ധി​ച്ച​തി​നാ​ൽ വി​ല വ​ർ​ധി​പ്പി​ക്കാ​തെ മാ​ർ​ഗ​മി​​ല്ലെ​ന്ന നി​ല​പാ​ടി​ലാ​യി​രു​ന്നു ക​മ്പ​നി. റ​ഷ്യ-​യു​ക്രെ​യ്ൻ സം​ഘ​ർ​ഷ​വും വി​ല വ​ർ​ധ​ന​ക്ക് കാ​ര​ണ​മാ​യെ​ന്ന് പ​റ​യു​ന്നു. മാ​വി​ന്റെ വി​ല വ​ർ​ധ​ന റൊ​ട്ടി, പേ​സ്ട്രി​ക​ൾ, പീ​സ്സ, മ​ധു​ര​പ​ല​ഹാ​ര​ങ്ങ​ൾ, ക​ന്നു​കാ​ലി​ത്തീ​റ്റ എ​ന്നി​വ​യു​ൾ​പ്പെ​ടെ നി​ര​വ​ധി ഭ​ക്ഷ്യ വ​സ്തു​ക്ക​ളു​ടെ വി​ല ഉ​യ​രാ​നി​ട​യാ​ക്കു​മെ​ന്ന് നി​ര​വ​ധി എം.​പി​മാ​ർ ആ​ശ​ങ്ക പ്ര​ക​ടി​പ്പി​ച്ചി​രു​ന്നു.

വി​ല​വ​ർ​ധ​ന മൂ​ന്നു മാ​സ​ത്തേ​ക്ക് മാ​റ്റി​വെ​ക്കു​ന്ന​ത് വി​ഷ​യ​ത്തി​ൽ മ​റ്റു പ​രി​ഹാ​ര മാ​ർ​ഗ​ങ്ങ​ൾ ആ​ലോ​ചി​ക്കാ​ൻ അ​ധി​കാ​രി​ക​ൾ​ക്ക് സ​മ​യം ന​ൽ​കു​മെ​ന്ന് സ്പീ​ക്ക​ർ മു​സ​ല്ലം പ​റ​ഞ്ഞു. കു​ടും​ബ​ങ്ങ​ൾ​ക്കു മാ​ത്ര​മ​ല്ല, ക​ന്നു​കാ​ലി ഫാ​മു​ക​ൾ​ക്കും വ്യാ​പാ​രി​ക​ൾ​ക്കും വ​ർ​ധ​ന​യു​ടെ ആ​ഘാ​ത​മു​ണ്ടാ​കു​മെ​ന്ന് ചൂ​ണ്ടി​ക്കാ​ണി​ക്ക​​പ്പെ​ട്ടു.