'ജീവിതം മാറുന്നത് 'വിത്തിൻ സെക്കൻറ്‌സി'ൽ'; ഇന്ദ്രൻസ് ചിത്രത്തിൻറെ ട്രെയിലർ പുറത്ത്
ഇന്ദ്രൻസ് ചിത്രം 'വിത്തിൻ സെക്കൻറ്‌സി'ൻറെ ട്രെയിലർ പുറത്തിറങ്ങി. വിജേഷ് പി. വിജയൻ സംവിധാനം ചെയ്ത് മെയ് 12ന് റിലീസ് ചെയ്യുന്ന ചിത്രം തന്ത്ര മീഡിയ റിലീസാണ് തീയറ്ററുകളിൽ എത്തിക്കുന്നത്. ബാംഗ്ലൂരിൽ നിന്നുള്ള മൂന്ന് റൈഡർമാർ ഒരു ചെറിയ ഗ്രാമത്തിലെത്തുന്നു. അവിടെ നിന്നും മൂന്ന് പേരെ പരിചയപ്പെടുന്നു. അങ്ങനെ ആറു പേരും കൂടെ അപകട സാധ്യതയുള്ള ഒരു സ്ഥലത്തേക്ക് യാത്ര തിരിക്കുന്നു. അതിൽ ഒരാൾ മാത്രം തിരിച്ചു വരികയും ബാക്കി അഞ്ചു പേരെ കാണാതാവുകയും ചെയ്യുന്നു. അവരെ കുറിച്ചുള്ള അന്വേഷണവും അതേ ചുറ്റിപറ്റി നടക്കുന്ന സംഭവ വികാസങ്ങളുമാണ് സിനിമ പറയുന്നത്.
അലെൻസിയർ, സുധീർ കരമന, സാൻഡിനോ മോഹൻ, ബാജിയോ ജോർജ്, സെബിൻ, സിദ്ധിക്ക്, സന്തോഷ് കീഴാറ്റൂർ, തലൈവാസൽ വിജയ്, സുനിൽ സുഗത, ഡോ. സംഗീത് ധർമ്മരാജൻ, നാരായണൻകുട്ടി, ദീപു, ശംഭു, മുരുകേശൻ, ജയൻ, ജെ.പി മണക്കാട്, സരയു മോഹൻ, സീമ ജി നായർ, അനു നായർ, നീനക്കുറുപ്പ്, വർഷ, അനീഷ, ഡോ. അഞ്ചു സംഗീത്, മാസ്റ്റർ അർജുൻ സംഗീത്, മാസ്റ്റർ സഞ്ജയ്, മാസ്റ്റർ അർജുൻ അനിൽ എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ഡോ: സംഗീത് ധർമ്മരാജൻ, വിനയൻ പി വിജയൻ എന്നിവർ ചേർന്നാണ് രചന. അനിൽ പനച്ചൂരാൻറെ വരികൾക്ക് രഞ്ജിൻ രാജ് സംഗീതം പകരുന്നു. ബോൾ എൻറർടെയ്ൻമെൻറിൻറെ ബാനറിലാണ് നിർമാണം.
ഛായാഗ്രഹണം രജീഷ് രാമൻ, എഡിറ്റിങ് അയൂബ്ഖാൻ, സംഗീതം രഞ്ജിൻ രാജ്, കലാസംവിധാനം നാഥൻ മണ്ണൂർ, ഗാനങ്ങൾ അനിൽ പനച്ചൂരാൻ, മേക്കപ്പ് ബൈജു ബാലരാമപുരം, പ്രൊഡക്ഷൻ കൺട്രോളർ ജെ.പി മണക്കാട്, വസ്ത്രാലങ്കാരം കുമാർ എടപ്പാൾ, ചീഫ് അസോസിയേറ്റ് ഡയറക്ടർ പ്രവീൺ, അസോസിയേറ്റ് ഡയറക്ടേഴ്‌സ് മഹേഷ്, വിഷ്ണു. സൗണ്ട് ഡിസൈൻ ആനന്ദ് ബാബു, പ്രൊജക്റ്റ് ഡിസൈൻ ഡോ: അഞ്ജു സംഗീത്, ഫിനാൻഷ്യൽ കൺട്രോളർ സഞ്ജയ് പാൽ, സ്റ്റിൽസ് ജയപ്രകാശ് ആതളൂർ, വാർത്താ പ്രചരണം സുനിത സുനിൽ. പ്രൊഡക്ഷൻ എക്സിക്യൂട്ടീവ്‌സ് രാജൻ മണക്കാട്, ഷാജി കൊല്ലം. ഡിസൈൻ റോസ്മേരി ലില്ലു.