വേൾഡ് ലോജിസ്റ്റിക് ഫോറത്തിന് സമാപനം ; റിയാദ് മെട്രോയുടെ ഉദ്ഘാടനം ഉടനെന്ന് സൗ​ദി ഗതാഗത വകുപ്പ് മന്ത്രി

സൗ​ദി ത​ല​സ്ഥാ​ന​ന​ഗ​രി​യു​ടെ മു​ഖഛാ​യ മാ​റ്റു​ന്ന കി​ങ്​ അ​ബ്​​ദു​ൽ അ​സീ​സ്​ പൊ​തു​ഗ​താ​ഗ​ത പ​ദ്ധ​തി​ക്ക്​ കീ​ഴി​ൽ റി​യാ​ദ് മെ​ട്രോ​യു​ടെ ഉ​ദ്​​ഘാ​ട​നം ഏ​താ​നും ആ​ഴ്ച​ക​ൾ​ക്കു​ള്ളി​ൽ ന​ട​ക്കു​മെ​ന്ന്​ സൗ​ദി ഗ​താ​ഗ​ത മ​ന്ത്രി സ്വാ​ലി​ഹ് അ​ൽ​ജാ​സി​ർ അ​റി​യി​ച്ചു. നി​ല​വി​ൽ ട്ര​യ​ൽ ഓ​പ​റേ​ഷ​നു​ക​ൾ ന​ട​ക്കു​ക​യാ​ണ്. ശനി, ഞാ​യ​ർ, തി​ങ്ക​ൾ ദി​വ​സ​ങ്ങ​ളി​ൽ റി​യാ​ദ്​ ആ​തി​ഥേ​യ​ത്വം വ​ഹി​ച്ച വേ​ൾ​ഡ് ലോ​ജി​സ്​​റ്റി​ക് ഫോ​റ​ത്തോ​ട​നു​ബ​ന്ധി​ച്ച് ‘അ​ൽ അ​റ​ബി​യ ബി​സി​ന​സ്​’ ചാ​ന​ലി​ന് ന​ൽ​കി​യ അ​ഭി​മു​ഖ​ത്തി​ലാ​ണ്​ അ​ൽ ജാ​സി​ർ റി​യാ​ദ്​ മെ​​ട്രോ​യെ​ക്കു​റി​ച്ച്​ പ​റ​ഞ്ഞ​ത്.

​ആ​റ്​ ലൈ​ൻ ട്രെ​യി​ൻ സ​ർ​വി​സും ന​ഗ​ര​ത്തി​​ന്‍റെ മു​ക്കു​മൂ​ല​ക​ളെ ത​മ്മി​ൽ ബ​ന്ധി​പ്പി​ക്കു​ന്ന ബ​സ്​ സ​ർ​വി​സും ചേ​ർ​ന്ന റി​യാ​ദ്​ മെ​ട്രോ അ​സാ​ധാ​ര​ണ​വും ച​രി​ത്ര​പ​ര​വു​മാ​യ പ​ദ്ധ​തി​യാ​ണ്.ഇ​ത്​ റി​യാ​ദ്​ ന​ഗ​ര​ത്തി​ൽ​ ഗു​ണ​പ​ര​മാ​യ കു​തി​ച്ചു​ചാ​ട്ട​മു​ണ്ടാ​ക്കും. നി​ല​വി​ൽ ലോ​ക​ത്തി​ലെ ഏ​റ്റ​വും വ​ലി​യ മെ​ട്രോ പ​ദ്ധ​തി​യാ​ണി​ത്. നൂ​ത​ന​വും വേ​ഗ​ത​യേ​റി​യ​തും വി​ശ്വ​സ​നീ​യ​വു​മാ​യ ഗ​താ​ഗ​ത മാ​ർ​ഗം ന​ൽ​കി​ക്കൊ​ണ്ട് റി​യാ​ദ് നി​വാ​സി​ക​ളു​ടെ ജീ​വി​ത നി​ല​വാ​രം മെ​ച്ച​പ്പെ​ടു​ത്താ​ൻ ഇ​ത് ല​ക്ഷ്യ​മി​ടു​ന്നു.

ന​ഗ​ര​ത്തി​​ന്‍റെ എ​ല്ലാ ഭാ​ഗ​ങ്ങ​ളെ​യും ബ​ന്ധി​പ്പി​ക്കു​ന്ന ആ​റ്​ ലൈ​നു​ക​ളി​ലാ​ണ്​ ട്രെ​യി​നു​ക​ൾ ഓ​ടു​ക. 180 കി​ലോ​മീ​റ്റ​ർ ദൈ​ർ​ഘ്യ​മാ​ണ്​ ഈ ​ആ​റ്​ ലൈ​നു​ക​ൾ​ക്കും കൂ​ടി​യു​ള്ള​ത്. ഇ​തി​നി​ട​യി​ൽ നി​ര​വ​ധി വ​ലു​തും ചെ​റു​തു​മാ​യ സ്​​റ്റേ​ഷ​നു​ക​ളു​ണ്ട്. ഈ ​സ്​​റ്റേ​ഷ​നു​ക​ളെ​യെ​ല്ലാം ന​ഗ​ര​ത്തി​​ന്‍റെ മു​ക്കു​മൂ​ല​ക​ളു​മാ​യി ബ​ന്ധി​പ്പി​ക്കു​ന്ന ബ​സ്​ റൂ​ട്ടു​ക​ളി​ൽ ആ​യി​രം ബ​സു​ക​ളാ​ണ്​ ഓ​ടു​ന്ന​ത്. ക​ഴി​ഞ്ഞ വ​ർ​ഷം മു​ത​ൽ ബ​സ്​ സ​ർ​വി​സ്​ ആ​രം​ഭി​ച്ചു. ഈ ​വ​ർ​ഷ​ത്തോ​ടെ ബ​സ്​ സ​ർ​വി​സി​​ന്‍റെ എ​ല്ലാ ഘ​ട്ട​ങ്ങ​ളും പൂ​ർ​ത്തി​യാ​യി.

രാ​ജ്യം വി​വി​ധ മേ​ഖ​ല​ക​ളി​ൽ വ​ലി​യ വി​ക​സ​ന ന​വോ​ത്ഥാ​നം അ​നു​ഭ​വി​ക്കു​ക​യാ​ണ്. ഗ​താ​ഗ​ത, ലോ​ജി​സ്​​റ്റി​ക്സ് സേ​വ​ന​ങ്ങ​ൾ​ക്കാ​യു​ള്ള ദേ​ശീ​യ ത​ന്ത്രം ന​ട​പ്പാ​ക്കു​ന്ന​തി​ൽ സൗ​ദി അ​നു​ഭ​വി​ക്കു​ന്ന ഈ ​ന​വോ​ത്ഥാ​ന​ത്തി​​ന്‍റെ ഭാ​ഗ​മാ​ണ് ഗ​താ​ഗ​ത, ലോ​ജി​സ്റ്റി​ക് സം​വി​ധാ​ന​മെ​ന്ന് ഗ​താ​ഗ​ത​മ​ന്ത്രി പ​റ​ഞ്ഞു. രാ​ജ്യ​ത്തെ ഒ​രു ആ​ഗോ​ള ലോ​ജി​സ്​​റ്റി​ക് കേ​ന്ദ്ര​മാ​ക്കി മാ​റ്റു​ക​യാ​ണ് ഈ ​പ​ദ്ധ​തി​ക​ളു​ടെ​യെ​ല്ലാം അ​ന്തി​മ ല​ക്ഷ്യം.

ഗ​താ​ഗ​ത, ലോ​ജി​സ്​​റ്റി​ക് മേ​ഖ​ല​ക​ളി​ൽ പ്ര​മു​ഖ ദേ​ശീ​യ ക​മ്പ​നി​ക​ൾ നി​ക്ഷേ​പം ന​ട​ത്തു​ന്നു​ണ്ട്. ഒ​പ്പം ന​ഗ​ര​ങ്ങ​ളും മു​നി​സി​പ്പാ​ലി​റ്റി​ക​ളും അ​ഫി​ലി​യേ​റ്റ് ചെ​യ്തി​ട്ടു​ള്ള ഗ​താ​ഗ​ത അ​തോ​റി​റ്റി​യും സു​പ്ര​ധാ​ന നി​ക്ഷേ​പം ന​ട​ത്തു​ന്നു​ണ്ടെ​ന്നും അ​ൽ​ജാ​സി​ർ പ​റ​ഞ്ഞു.

സൗ​ദി കി​രീ​ടാ​വ​കാ​ശി ആ​രം​ഭി​ച്ച ദേ​ശീ​യ ഗ​താ​ഗ​ത പ​ദ്ധ​തി​യു​ടെ കു​ട​ക്കീ​ഴി​ലാ​ണ് ഈ ​സ്ഥാ​പ​ന​ങ്ങ​ളെ​ല്ലാം സം​യോ​ജി​പ്പി​ച്ചി​രി​ക്കു​ന്ന​ത്​. രാ​ജ്യ​ത്തെ വി​മാ​ന​ത്താ​വ​ള​ങ്ങ​ളു​ടെ ന​വീ​ക​ര​ണ, വി​പു​ലീ​ക​ര​ണ പ്ര​വ​ർ​ത്ത​ന​ങ്ങ​ളും പു​തി​യ വി​മാ​ന​ത്താ​വ​ള നി​ർ​മാ​ണ​വും ദേ​ശീ​യ ഗ​താ​ഗ​ത പ​ദ്ധ​തി​യി​ലു​ൾ​പ്പെ​ടു​ന്നു. ലോ​ക​ത്തി​ലെ ഏ​റ്റ​വും വ​ലി​യ വി​മാ​ന​ത്താ​വ​ള​ങ്ങ​ളി​ലൊ​ന്നാ​വു​മെ​ന്ന്​ ക​രു​തു​ന്ന റി​യാ​ദി​ലെ നി​ർ​ദ്ദി​ഷ്​​ട കി​ങ്​ സ​ൽ​മാ​ൻ വി​മാ​ന​ത്താ​വ​ള​മാ​ണ്​ പു​തു​താ​യി നി​ർ​മി​ക്കു​ന്ന​ത്.

ജി​ദ്ദ​യി​ലെ കി​ങ്​ അ​ബ്​​ദു​ൽ അ​സീ​സ് വി​മാ​ന​ത്താ​വ​ള​ത്തി​ന്‍റെ വി​പു​ലീ​ക​ര​ണം, ദേ​ശീ​യ വി​മാ​ന ക​മ്പ​നി​യാ​യ സൗ​ദി എ​യ​ർ​ലൈ​ൻ​സി​​ന്‍റെ വി​പു​ലീ​ക​ര​ണം, ഫ്ലീ​റ്റ് വ​ർ​ധി​പ്പി​ക്ക​ൽ, ലോ​ക​ത്തെ വി​വി​ധ​യി​ട​ങ്ങ​ളി​ലേ​ക്കു​ള്ള ല​ക്ഷ്യ​സ്ഥാ​ന​ങ്ങ​ളു​ടെ എ​ണ്ണം വ​ർ​ധി​പ്പി​ക്ക​ൽ, റി​യാ​ദ് എ​യ​ർ എ​ന്ന പു​തി​യ വി​മാ​ന​ക​മ്പ​നി​യു​ടെ ആ​രം​ഭം തു​ട​ങ്ങി​യ​വ സു​പ്ര​ധാ​ന ഗ​താ​ഗ​ത പ​ദ്ധ​തി​ക​ളാ​ണ് -മ​ന്ത്രി വി​ശ​ദീ​ക​രി​ച്ചു.

ഫോ​റ​ത്തി​ൽ ഒ​പ്പു​വെ​ച്ച​ത്​ 69 ക​രാ​റു​ക​ൾ

റി​യാ​ദി​ലെ കി​ങ്​ അ​ബ്​​ദു​ല്ല ഫി​നാ​ൻ​ഷ്യ​ൽ സി​റ്റി​യി​ൽ​ ഗ​താ​ഗ​ത, ലോ​ജി​സ്​​റ്റി​ക്‌​സ് മ​ന്ത്രാ​ല​യം സം​ഘ​ടി​പ്പി​ച്ച ഗ്ലോ​ബ​ൽ ലോ​ജി​സ്​​റ്റി​ക് ഫോ​റം (ജി.​എ​ൽ.​എ​ഫ് 24) ത്രിദിന സ​മ്മേ​ള​നം സു​പ്ര​ധാ​ന തീ​രു​മാ​ന​ങ്ങ​ളോ​ടെ​യാ​ണ്​ തി​ങ്ക​ളാ​ഴ്​​ച വൈ​കീ​ട്ട്​ സ​മാ​പി​ച്ച​ത്. ഫോ​റ​ത്തി​​ന്‍റെ ആ​ദ്യ ദി​വ​സം 1700 കോ​ടി റി​യാ​ലി​ല​ധി​കം മൂ​ല്യ​മു​ള്ള 69 ക​രാ​റു​ക​ളാ​ണ്​ ഒ​പ്പു​വെ​ച്ച​ത്. ഇ​ക്കാ​ര്യം ഗ​താ​ഗ​ത മ​ന്ത്രി സ്വാ​ലി​ഹ് അ​ൽ​ജാ​സി​ർ സ്ഥി​രീ​ക​രി​ച്ചു.

ലോ​ജി​സ്​​റ്റി​ക്​​സ്​ മേ​ഖ​ല നേ​രി​ടു​ന്ന വെ​ല്ലു​വി​ളി​ക​ൾ, ല​ഭ്യ​മാ​യ അ​വ​സ​ര​ങ്ങ​ൾ എ​ന്നി​വ ച​ർ​ച്ച ചെ​യ്യാ​ൻ ഫോ​റ​ത്തി​ൽ ലോ​ക​മെ​മ്പാ​ടു​മു​ള്ള ലോ​ജി​സ്​​റ്റി​ക്സ് മേ​ഖ​ല​യി​ലെ നി​ര​വ​ധി ​പ്ര​മു​ഖ​രാ​ണ്​ പ​​ങ്കെ​ടു​ത്ത​ത്. ഈ ​മേ​ഖ​ല​യി​ലെ പ​ങ്കാ​ളി​ക​ൾ ത​മ്മി​ലു​ള്ള ഭാ​വി സ​ഹ​ക​ര​ണ സാ​ധ്യ​ത​ക​ൾ ഫോ​റം ച​ർ​ച്ച ചെ​യ്തു. ആ​ഗോ​ള ലോ​ജി​സ്​​റ്റി​ക്സ്​ സേ​വ​ന​ങ്ങ​ളു​ടെ ഭാ​വി​യു​ടെ ഭൂ​പ​ടം രൂ​പ​പ്പെ​ടു​ത്താ​നു​ള്ള ലോ​ക വേ​ദി​യാ​ണ്​ വേ​ൾ​ഡ് ലോ​ജി​സ്​​റ്റി​ക് ഫോ​റം. വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള മേ​ഖ​ല​യി​ലെ നേ​താ​ക്ക​ളെ​യും നി​ക്ഷേ​പ​ക​രെ ഒ​രു​മി​ച്ച് കൊ​ണ്ടു​വ​രു​ന്ന വേ​ദി കൂ​ടി​യാ​ണി​ത്​.