സൗ​ദി അറേബ്യയിൽ ഈത്തപ്പഴത്തിന്റെ വിളവെടുപ്പ് കാലം ; സജീവമായി വിപണികൾ

സൗ​ദി അ​റേ​ബ്യ​യി​ൽ ഈ​ത്ത​പ്പ​ഴ വി​ള​വെ​ടു​പ്പ് കാ​ല​മാ​യ​തി​നാ​ൽ രാ​ജ്യ​ത്തു​ട​നീ​ള​മു​ള്ള ഈ​ത്ത​പ്പ​ഴ വി​പ​ണി​യും സ​ജീ​വ​മാ​യി. മ​ദീ​ന മേ​ഖ​ല​യി​ലെ 29,000 ഈ​ന്ത​പ്പ​ന തോ​ട്ട​ങ്ങ​ളി​ൽ എ​ല്ലാ വ​ർ​ഷ​വും ജൂ​ൺ ആ​ദ്യ​പാ​ദ​ത്തി​ൽ ത​ന്നെ വി​ള​വെ​ടു​പ്പ് ആ​രം​ഭി​ക്കും. ഈ​ത്ത​പ്പ​ഴ ക​യ​റ്റു​മ​തി​യി​ൽ ആ​ഗോ​ള​ത​ല​ത്തി​ൽ ത​ന്നെ സൗ​ദി അ​റേ​ബ്യ​യാ​ണ് ഒ​ന്നാം സ്ഥാ​ന​ത്ത്.

സൗ​ദി പ​രി​സ്ഥി​തി-​ജ​ലം-​കൃ​ഷി മ​ന്ത്രാ​ല​യം നേ​ര​ത്തേ പു​റ​ത്തി​റ​ക്കി​യ റി​പ്പോ​ർ​ട്ടി​ൽ രാ​ജ്യ​ത്ത് 3.4 കോ​ടി​യ​ല​ധി​കം ഈ​ന്ത​പ്പ​ന​ക​ളി​ൽ​ നി​ന്ന് പ്ര​തി​വ​ർ​ഷം 16 ല​ക്ഷം ട​ൺ ഉ​ൽ​പാ​ദ​നം ന​ട​ക്കു​ന്നു​വെ​ന്ന് ചൂ​ണ്ടി​ക്കാ​ട്ടി. ഇ​ൻ​റ​ർ​നാ​ഷ​ന​ൽ ട്രേ​ഡ് സെ​ന്റ​റി​​ന്റെ ‘ട്രേ​ഡ് മാ​പ്പ്’ അ​നു​സ​രി​ച്ച് ക​ഴി​ഞ്ഞ വ​ർ​ഷം ഈ​ത്ത​പ്പ​ഴ ക​യ​റ്റു​മ​തി​യു​ടെ മൂ​ല്യ​ത്തി​ൽ സൗ​ദി അ​റേ​ബ്യ ആ​ഗോ​ള​ത​ല​ത്തി​ൽ ഒ​ന്നാം സ്ഥാ​ന​ത്തെ​ത്തി​യ​താ​യി റി​പ്പോ​ർ​ട്ട് ചെ​യ്തി​രു​ന്നു. രാ​ജ്യ​ത്ത് അ​ൽ ഖ​സീം മേ​ഖ​ല​യി​ൽ മാ​ത്രം 1.1 കോ​ടി ഈ​ന്ത​പ്പ​ന​ക​ൾ കൃ​ഷി ചെ​യ്യു​ന്ന​താ​യാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്. 300 ഇ​നം ഈ​ത്ത​പ്പ​ഴ​ങ്ങ​ൾ സൗ​ദി​യി​ൽ വി​വി​ധ മേ​ഖ​ല​ക​ളി​ൽ കൃ​ഷി ചെ​യ്യു​ന്നു​ണ്ട്. കാ​ർ​ഷി​ക മൊ​ത്ത ഉ​ൽ​പ​ന്ന​ത്തി​ന്റെ 12 ശ​ത​മാ​ന​വും എ​ണ്ണ​യി​ത​ര മൊ​ത്ത ഉ​ൽ​പ​ന്ന​ത്തി​​ന്റെ 0.4 ശ​ത​മാ​ന​വും ഈ​ത്ത​പ്പ​ഴ വി​പ​ണി​യി​ലൂ​ടെ​യാ​ണ്.

രാ​ജ്യ​ത്തെ ഈ​ന്ത​പ്പ​ന​ക​ളു​ടെ എ​ണ്ണം 3.3 കോ​ടി​യി​ലെ​ത്തി​യ​താ​യും കാ​ർ​ഷി​ക മ​ന്ത്രാ​ല​യം വ്യ​ക്ത​മാ​ക്കി. ഇ​ത് ലോ​ക​ത്തെ മൊ​ത്തം ഈ​ന്ത​പ്പ​ന​ക​ളു​ടെ 27 ശ​ത​മാ​ന​മാ​ണെ​ന്നും സൗ​ദി പ്ര​സ് ഏ​ജ​ൻ​സി റി​പ്പോ​ർ​ട്ട് ചെ​യ്തു.സൗ​ദി​യു​ടെ സ​മ്പൂ​ർ​ണ വി​ക​സ​ന പ​ദ്ധ​തി​യാ​യ ‘വി​ഷ​ൻ 2030’​ന്റെ ​ല​ക്ഷ്യ​ങ്ങ​ളി​ൽ ഒ​ന്നാ​ണ് വി​ക​സ​ന​വും സു​സ്ഥി​ര​ത​യും വ​ഴി ഈ​ത്ത​പ്പ​ഴ മേ​ഖ​ല വി​ക​സി​പ്പി​ക്കു​ക എ​ന്ന​ത്.ഈ ​മേ​ഖ​ല​യി​ലു​ണ്ടാ​യ മ​ഹ​ത്താ​യ നേ​ട്ടം രാ​ജ്യ​ത്തെ കാ​ർ​ഷി​ക മേ​ഖ​ല​യി​ൽ കൈ​വ​രി​ച്ച മി​ക​വാ​ണ് പ്ര​ക​ട​മാ​ക്കു​ന്ന​ത്.

മ​ദീ​ന മേ​ഖ​ല​യി​ൽ പ്ര​സി​ദ്ധ​മാ​യ വി​വി​ധ​ത​രം പു​തി​യ ഈ​ത്ത​പ്പ​ഴ​ങ്ങ​ളാ​ണ് വി​പ​ണി​യി​ലു​ണ്ടാ​വു​ക. റൗ​ത്താ​ന, റാ​ബി​യ, ഹാ​ലി​യ, സു​വൈ​ദ, ഹ​ൽ​വ, ലോ​ന മു​സൈ​ദ് എ​ന്നി​വ​യു​ൾ​പ്പെ​ടെ മ​ദീ​ന​യി​ലും ഗ​വ​ർ​ണ​റേ​റ്റു​ക​ളി​ലെ വി​വി​ധ ഭാ​ഗ​ങ്ങ​ളി​ലും പ്ര​സി​ദ്ധ​മാ​യ വി​വി​ധ​ത​രം പു​തി​യ ഈ​ന്ത​പ്പ​ഴ​ങ്ങ​ളാ​ണ് വി​പ​ണി​യു​ടെ സ​വി​ശേ​ഷ​ത. ഉ​യ​ർ​ന്ന താ​പ​നി​ല വി​ള​വെ​ടു​പ്പ് പ്ര​ക്രി​യ​യു​ടെ ആ​ദ്യ​ഘ​ട്ട​ത്തി​ൽ പാ​ക​മാ​കു​ന്ന വേ​ഗ​ത​യെ ബാ​ധി​ക്കു​ന്നു. ജൂ​ലൈ, ആ​ഗ​സ്​​റ്റ്​ മാ​സ​ങ്ങ​ളി​ൽ വി​ള​വെ​ടു​പ്പ് പൂ​ർ​ത്തി​യാ​ക്കു​ന്നു.

ക​ർ​ഷ​ക​ർ അ​വ​രു​ടെ ഈ​ത്ത​പ്പ​ഴം വി​പ​ണി​യി​ൽ നേ​രി​ട്ട് പ്ര​ദ​ർ​ശി​പ്പി​ക്കു​ന്ന പ​തി​വു​ണ്ട്. മ​ദീ​ന​യി​ൽ അ​ജ്‌​വ, സ​ഫാ​വി, ആം​ബ​ർ, മെ​ജ്ഡൂ​ൾ, ബ​ർ​ണി തു​ട​ങ്ങി​യ മു​ന്തി​യ ഇ​ന​ങ്ങ​ൾ ഇ​വ​യി​ൽ ഉ​ൾ​പ്പെ​ടു​ന്നു. പ​രി​സ്ഥി​തി-​ജ​ലം-​കൃ​ഷി മ​ന്ത്രാ​ല​യം ഈ​ത്ത​പ്പ​ഴ വി​പ​ണി​യു​ടെ പ്ര​വ​ർ​ത്ത​ന നി​ല നി​രീ​ക്ഷി​ക്കു​ന്ന​തി​നും സാ​ങ്കേ​തി​ക​വും ആ​രോ​ഗ്യ​പ​ര​വു​മാ​യ ആ​വ​ശ്യ​ക​ത​ക​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​നും ഉ​ൽ​പ​ന്ന​ങ്ങ​ളു​ടെ ഗു​ണ​നി​ല​വാ​രം പ​രി​ശോ​ധി​ക്കാ​നും സം​വി​ധാ​നം ഒ​രു​ക്കി​യി​ട്ടു​ണ്ട്.