‘നൂ​ർ അ​ൽ റി​യാ​ദ്’ ആഘോഷത്തിന് ഗിന്നസ് വേൾഡ് റെക്കോർഡ്

സൗ​ദി ത​ല​സ്ഥാ​ന ന​ഗ​രി​​യി​ൽ പ്ര​കാ​ശ​ത്തി​​ന്റെ അ​ത്ഭു​ത​ക​ര​മാ​യ ക​ലാ​വേ​ല​ക​ളൊ​രു​ക്കി​യ ‘നൂ​ർ അ​ൽ റി​യാ​ദ്’ ആ​ഘോ​ഷ​ത്തി​ന്​ ഗി​ന്ന​സ്​ വേ​ൾ​ഡ്​ റെ​ക്കോ​ഡ്. തു​ട​ർ​ച്ച​യാ​യി നാ​ലാം വ​ർ​ഷ​വും ര​ണ്ട് പു​തി​യ റെ​ക്കോ​ഡോ​ടെ ഗി​ന്ന​സ്​ പ​ട്ടി​ക​യി​ൽ ഇ​ടം​നേ​ടി. ലോ​ക​പ്ര​ശ​സ്ത ക​ലാ​കാ​ര​ൻ ക്രി​സ് ലെ​വ്​ ഒ​രു​ക്കി​യ ‘ഹ​യ​ർ പ​വ​ർ’ എ​ന്ന സൃ​ഷ്ടി​യാ​ണ്​ ലേ​സ​ർ ഷോ​യി​ൽ തെ​ളി​ഞ്ഞ്​ ഒ​രു ഗി​ന്ന​സ്​ റെ​ക്കോ​ഡി​ട്ട​ത്.

ഏ​റ്റ​വും ദൂ​ര​ത്തി​ൽ ലേ​സ​ർ ബീം ​സ​ഞ്ച​രി​ച്ച്​ ചി​ത്ര​മൊ​രു​ക്കി എ​ന്ന റെ​ക്കോ​ഡാ​ണ്​ ഇ​ത്​ നേ​ടി​യ​ത്. റി​യാ​ദ്​ ഒ​ല​യ​യി​ലെ അ​ൽ ഫൈ​സ​ലി​യ ട​വ​റി​​ന്റെ മു​ക​ളി​ൽ​നി​ന്ന്​ 267 മീ​റ്റ​ർ ഉ​യ​ര​ത്തി​ൽ ഒ​രു കി​ലോ​വാ​ട്ട്​ ബീം​ ​പ്ര​സ​രി​ച്ചാ​ണ്​ ആ​കാ​ശ​ത്ത്​ ഈ ​ക​ലാ​വി​സ്മ​യം ഒ​രു​ക്കു​ന്ന​ത്​​. റി​യാ​ദ്​ ന​ഗ​ര​ത്തി​ന്റെ നാ​ലു ദി​ക്കു​ക​ളി​ലു​മെ​ത്തും വി​ധ​മാ​ണ്​ പ്ര​കാ​ശ പ്ര​സ​ര​ണം.

സൗ​ദി ക​ലാ​കാ​ര​ൻ റാ​ഷി​ദ് അ​ൽ​ഷാ​ഷി​യു​ടെ ‘ദി ​ഫി​ഫ്ത്ത് പി​ര​മി​ഡ്’ ആ​ണ്​​ ഗി​ന്ന​സ്​ റെ​ക്കോ​ഡ്​ നേ​ടി​യ മ​റ്റൊ​രു ക​ലാ​സൃ​ഷ്ടി. പു​ന​രു​പ​യോ​ഗ​ക്ഷ​മ​മാ​യ വ​സ്തു​ക്ക​ൾ കൊ​ണ്ട്​ നി​ർ​മി​ച്ച ഏ​റ്റ​വും വ​ലി​യ പ്ര​കാ​ശി​ത​മാ​യ പി​ര​മി​ഡ് ആ​കൃ​തി​യി​ലു​ള്ള ക​ലാ​സൃ​ഷ്ടി’ എ​ന്ന ​റെ​ക്കോ​ഡോ​ടെ​യാ​ണ്​ ഇ​ത്​ ഗി​ന്ന​സി​ൽ ഇ​ടം പി​ടി​ച്ച​ത്.

പെ​ട്രോ കെ​മി​ക്ക​ൽ ഷി​പ്പി​ങ്​ പാ​ല​റ്റു​ക​ളും മ​റ്റ്​ പാ​ഴ്​ വ​സ്തു​ക്ക​ളും കൊ​ണ്ട് നി​ർ​മി​ച്ച 28 മീ​റ്റ​ർ ഉ​യ​ര​മു​ള്ള ഈ ​പി​ര​മി​ഡ്​ ബ​ത്​​ഹ​ക്ക്​ സ​മീ​പം റി​യാ​ദ്​ നാ​ഷ​ന​ൽ മ്യൂ​സി​യം വ​ള​പ്പി​ലാ​ണ്​ ഒ​രു​ക്കി​യി​രു​ന്ന​ത്. റി​യാ​ദ് ന​ഗ​ര​ത്തി​​ന്റെ പ​രി​വ​ർ​ത്ത​ന​ത്തെ​യും സു​സ്ഥി​ര​ത​യെ​യും ന​വീ​ക​ര​ണ ത്വ​ര​യെ​യും പ്ര​തി​ഫ​ലി​പ്പി​ക്കു​ന്ന പി​ര​മി​ഡ്​ ആ​ക​ർ​ഷ​ക​വും വി​സ്​​മ​യ​ക​ര​വു​മാ​യി​രു​ന്നു. ക​ടും​പ​ച്ച നി​റ​ത്തി​ലു​ള്ള പി​ര​മി​ഡ്​ നെ​ടു​കെ പി​ള​ർ​ന്ന് പി​ങ്ക്​ നി​റ​ത്തി​ൽ പ്ര​കാ​ശി​ക്കു​ന്ന ഒ​രു ഇ​ട​നാ​ഴി​യാ​യി​രു​ന്നു.

റി​യാ​ദ്​ നാ​ഷ​ന​ൽ മ്യൂ​സി​യ​ത്തോ​ട്​ ചേ​ർ​ന്നു​ള്ള കി​ങ്​ അ​ബ്​​ദു​ൽ അ​സീ​സ് ഹി​സ്​​റ്റ​റി​ക്ക​ൽ ആ​ൻ​ഡ്​ റി​സ​ർ​ച്​ സെ​ന്റ​റി​ൽ ന​ട​ന്ന ച​ട​ങ്ങി​ൽ ഗി​ന്ന​സ് വേ​ൾ​ഡ് റെ​ക്കോ​ഡു​ക​ൾ വി​ത​ര​ണം ചെ​യ്തു. ര​ണ്ട് പു​തി​യ ഗി​ന്ന​സ് വേ​ൾ​ഡ് റെ​ക്കാ​ഡ് നേ​ടി​യ​ത് ക​ല​യു​ടെ​യും സ​ർ​ഗാ​ത്മ​ക​ത​യു​ടെ​യും ഒ​രു വേ​ദി​യാ​യി നൂ​ർ അ​ൽ റി​യാ​ദ്​ ആ​ഘോ​ഷം മാ​റി​യ ആ​ഗോ​ള പ​ദ​വി​യെ പ്ര​തി​ഫ​ലി​പ്പി​ക്കു​ന്നു​വെ​ന്ന്​ റി​യാ​ദ് ആ​ർ​ട്ട് പ്രോ​ഗ്രാം എ​ക്സി. ഡ​യ​റ​ക്ട​ർ എ​ൻ​ജി. ഖാ​ലി​ദ് ബി​ൻ അ​ബ്ദു​ല്ല അ​ൽ ഹ​സാ​നി പ​റ​ഞ്ഞു.

പ്ര​ചോ​ദി​പ്പി​ക്കു​ന്ന പ​രി​വ​ർ​ത്ത​നം കൊ​ണ്ടു​വ​രാ​നും സാം​സ്കാ​രി​ക സ്വ​ത്വം വ​ർ​ധി​പ്പി​ക്കാ​നു​മു​ള്ള ക​ല​യു​ടെ ക​ഴി​വി​​ന്റെ തെ​ളി​വാ​ണ് ഈ ​നേ​ട്ട​ങ്ങ​ൾ. നൂ​ർ റി​യാ​ദ്​ വെ​ളി​ച്ച​ത്തി​​ന്റെ ഭാ​ഷ​യി​ലൂ​ടെ ആ​ളു​ക​ളെ പ്ര​ചോ​ദി​പ്പി​ക്കു​ക​യും ഒ​ന്നി​പ്പി​ക്കു​ക​യും ചെ​യ്യു​ന്നു​വെ​ന്നും അ​ൽ​ഹ​സാ​നി പ​റ​ഞ്ഞു. ഗി​ന്ന​സി​ൽ​ നി​ന്ന് ര​ണ്ട് ലോ​ക കി​രീ​ട​ങ്ങ​ൾ നേ​ടി​യ​തി​ലൂ​ടെ നൂ​ർ അ​ൽ റി​യാ​ദ്​ ആ​ഘോ​ഷം ലോ​ക​ത്തി​ലെ ഏ​റ്റ​വും വ​ലി​യ ലൈ​റ്റ് ആ​ർ​ട്ട്​ ആ​ഘോ​ഷം എ​ന്ന ആ​ഗോ​ള​പ​ദ​വി സ്വ​ന്ത​മാ​ക്കി​യെ​ന്ന്​​ നൂ​ർ അ​ൽ റി​യാ​ദ് സെ​ലി​ബ്രേ​ഷ​ൻ ഡ​യ​റ​ക്ട​ർ എ​ൻ​ജി. നൗ​ഫ് അ​ൽ​മു​നീ​ഫ് പ​റ​ഞ്ഞു.