ഒമാൻ ബജറ്റ് എയർലൈൻ സലാം എയർ യു എ ഇ നഗരമായ ഫുജൈറയിലേക്ക് സർവീസ് പ്രഖ്യാപിച്ചു. അടുത്ത മാസം 12 മുതൽ തിങ്കൾ, ബുധൻ ദിവസങ്ങളിലായി ആഴ്ചയിൽ നാല് സർവീസുകൾ വീതം നടത്തും. മേഖലയിലെ കൂടുതൽ നഗരങ്ങളിലേക്ക് യാത്രാ സൗകര്യമൊരുക്കുന്നതിന്റെ ഭാഗമായാണ് പുതിയ സെക്ടറുകളിലേക്ക് സർവീസുകൾ ആരംഭിക്കുന്നതെന്ന് സലാം എയർ സി ഇ ഒ ക്യാപ്റ്റൻ മുഹമ്മദ് അഹമദ് പറഞ്ഞു. 13 രാജ്യങ്ങളിലെ 39 കേന്ദ്രങ്ങളിലേക്കാണ് സലാം എയർ നിലവിൽ സർവീസ് നടത്തുന്നത്.