ന്യൂനമർദം രുപപ്പെടുന്നതിന്റെ ഭാഗമായി രാജ്യത്തെ വിവിധ പ്രദേശങ്ങളിൽ മഴക്ക് സാധ്യയുണ്ടെന്ന് ഒമാൻ കാലാവസ്ഥാ വകുപ്പ് മുന്നറിയിപ്പ് നൽകി. സെപ്റ്റംബർ 29 മുതൽ ഒക്‌ടോബർ ഒന്നുവരെയായിരിക്കും രാജ്യത്ത് ന്യൂനമർദം ബാധിക്കുക.
ഇതിന്റെ ഭാഗമായി അൽ ഹജർ പർവതനിരകളിലും ദോഫാർ ഗവർണറേറ്റിലെ തീര-പർവത പ്രദേശങ്ങളിലും വ്യത്യസ്‌ത തീവ്രതയുള്ള മഴ ലഭിച്ചേക്കും. സ്ഥിതിഗതികൾ നിരീക്ഷിച്ച് കൊണ്ടിരിക്കുകയാണെന്ന് ഒന്നിലധികം അപകടങ്ങളെക്കുറിച്ചുള്ള മുൻകൂർ മുന്നറിയിപ്പ് ദേശീയ കേന്ദ്രം പ്രസ്താവനയിൽ അറിയിച്ചു. കാലാവസ്ഥ മുന്നറിയിപ്പ് ബുള്ളറ്റിനുകളും റിപ്പോർട്ടുകളും പിന്തുടരാൻ കേന്ദ്രം പൗരന്മാരോടും താമസക്കാരോടും ആവശ്യപ്പെട്ടു.