മഹാരാഷ്ട്രയിൽ ബസുകൾ കൂട്ടിയിടിച്ചു; ആറ് മരണം, 25 പേർക്ക് പരിക്ക്, അഞ്ച് പേരുടെ നില ഗുരുതരം

മഹാരാഷ്ട്രയിൽ ബസുകൾ കൂട്ടിയിടിച്ച് ആറ് മരണം. 25 പേർക്ക് പരിക്കേൽക്കുകയും ചെയ്തു. അഞ്ച് പേരുടെ നില ഗുരുതരമാണെന്നാണ് അറിയാൻ കഴിയുന്നത്. മഹാരാഷ്ട്രയിലെ ബുൽധാനയിൽ ഇന്ന് രാവിലെയായിരുന്നു അപകടം. ഹിംഗോലിയിലേക്ക് പോകുകയായിരുന്ന ബസും നാസിക്കിലേക്ക് പോകുന്ന ബസുമാണ് കൂട്ടിയിടിച്ചത്. ലോറിയെ മറികടക്കാൻ ശ്രമിക്കുന്നതിനിടെ നാസിക്കിൽ നിന്നും വരികയായിരുന്ന ബസ് ഹിംഗോലിയിലേക്കുള്ള ബസിനെ ഇടിക്കുകകയായിരുന്നു എന്നാണ് പോലീസ് പറയുന്നത്.