തസ്ക്കര ടെക്കി; തക്കാളി കൃഷിയിൽ നഷ്ടം; ലോൺ അടയ്ക്കാൻ ഓഫീസിലെ ലാപ്ടോപ്പുകൾ മോഷ്ടിച്ച് ടെക്കി

ബാങ്ക് വാ​യ്പ​യെ​ടു​ത്തു ത​ക്കാ​ളി കൃ​ഷി നടത്തി ന​ഷ്ട​ത്തി​ലാ​യ​തോ​ടെ ക​ടം വീ​ട്ടാ​ൻ ഓ​ഫീ​സി​ലെ ലാ​പ്ടോ​പു​ക​ൾ മോ​ഷ്ടി​ച്ച് വി​റ്റ ടെ​ക്കി പി​ടി​യി​ൽ. കർണാടകയിലാണു സംഭവം. ഹൊ​സൂ​ർ സ്വ​ദേ​ശി മു​രുകേ​ഷ് ആ​ണ് അ​റ​സ്റ്റി​ലാ​യ​ത്. അറസ്റ്റിലായ യുവാവിനു പറയാനുണ്ടായിരുന്നത് കണ്ണീർക്കഥകളാണ്. ഹൊ​സൂ​രി​ലെ ആ​റേ​ക്ക​ർ സ്ഥ​ല​ത്താ​ണ് മു​രു​കേ​ഷ് ത​ക്കാ​ളി കൃ​ഷി ന​ട​ത്തി​യ​ത്. വി​ള​നാ​ശ​ത്തെ തു​ട​ർ​ന്ന് വൻ സാ​മ്പ​ത്തി​ക ന​ഷ്ടം സംഭവിക്കുകയായിരുന്നു. കൃഷിയിൽ ദുരനുഭവങ്ങൾ ഉണ്ടായിട്ടുണ്ടെങ്കിലും വലിയ പതനം നേരിട്ടതോടെ മുരുകേഷ് വലിയ പ്രതിസന്ധിയിലായി.

ലോൺ തിരിച്ചടയ്ക്കാത്തതിനെത്തുടർന്ന് ബാങ്ക് നിയമനടപടി സ്വീകരിക്കുമെന്ന് അറിയച്ചതോടെ പണം അടയ്ക്കാനായി ഇയാൾ ജോലി ചെയ്യുന്ന സ്ഥാപനത്തിലെ ലാ​പ്ടോ​പ്പു​ക​ൾ മോ​ഷ്ടി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. 57 ലാ​പ്ടോ​പ്പു​ക​ളാ​ണ് സി​സ്റ്റം അ​ഡ്മി​നി​സ്ട്രേ​റ്റ​റാ​യി​രു​ന്ന ഇയാൾ ഓ​ഫീ​സി​ൽ നി​ന്ന് മോ​ഷ്ടി​ച്ച​ത്. ഫെ​ബ്രു​വ​രി മു​ത​ലാണു ലാ​പ്ടോ​പ്പു​ക​ൾ മോ​ഷ്ടി​ച്ചുതു​ട​ങ്ങി​യത്. ക​ഴി​ഞ്ഞ മാ​സം അ​വ​സാ​ന​ത്തോ​ടെ മു​രുകേഷ് ക​മ്പ​നി​യി​ൽനിന്നു രാ​ജി​വയ്ക്കുകയും ചെയ്തു.

ഈ ​മാ​സ​മാ​ണ് ലാ​പ്ടോ​പ്പു​ക​ൾ ന​ഷ്ട​മാ​യ​തി​നെ​ക്കു​റി​ച്ച് ഓ​ഫീ​സ് അ​ധി​കൃ​ത​ർ മ​നസി​ലാ​ക്കി​യ​ത്. തു​ട​ർ​ന്ന് സി​സി​ടി​വി​ക​ൾ പ​രി​ശോ​ധി​ച്ചപ്പോഴാണ് മോഷ്ടാവ് മുൻ ജീവനക്കാരനായിരുന്നുവെന്നു മനസിലായത്. പി​ടി​യി​ലാ​കു​മ്പോ​ഴേ​ക്കും 45 ലാ​പ്ടോ​പ്പു​ക​ൾ ഹൊ​സൂ​രി​ലെ ക​ട​യി​ൽ വി​റ്റി​രു​ന്നു. ഇതിൽ 22 ല​ക്ഷം രൂ​പ വി​ല​മ​തി​ക്കു​ന്ന 50 ലാ​പ്ടോ​പ്പു​ക​ൾ പോ​ലീ​സ് ക​ണ്ടെ​ടു​ത്തു.