കുവൈത്തിൽ നാല് വെയർര്‍ഹൗസുകളില്‍ തീപിടുത്തം; ആർക്കും പരിക്കില്ലെന്ന് റിപ്പോർട്ടുകൾ
കുവൈത്തില്‍ നാല് വെയര്‍ഹൗസുകളില്‍ അഗ്നിബാധ. സുലൈബിയ പ്രദേശത്ത് സാനിറ്ററി ഉപകരണങ്ങള്‍, തടി, സ്പോഞ്ച്, കോര്‍ക്ക് എന്നിവ സൂക്ഷിച്ചിരുന്ന ഒരു കോമ്പൗണ്ടിലെ നാല് വെയര്‍ഹൗസുകളിലാണ് തീപിടിത്തമുണ്ടായത്.
ഇസ്തിഖ്ലാല്‍, സുലൈബിഖാത് എന്നിവിടങ്ങളില്‍ നിന്നുള്ള അഗ്നിശമനസേന അംഗങ്ങളെത്തി തീപിടിത്തം നിയന്ത്രണവിധേയമാക്കി. സമീപ പ്രദേശങ്ങളിലേക്ക് തീ പടരാതെ, ആര്‍ക്കും പരിക്കേല്‍ക്കാതെ അഗ്നിശമനസേന തീപിടിത്തം പൂര്‍ണമായും നിയന്ത്രിച്ചു.