മാലിന്യ സംസ്കരണ പദ്ധതികള്ക്കു കൂടുതല് ശ്രദ്ധ നല്കും; മാലിന്യ ശേഖരണത്തിൽ വിവിധ ജില്ലകളിൽ മുന്നേറ്റം ഉണ്ടാക്കാൻ കഴിഞ്ഞെന്ന് വിലയിരുത്തി മന്ത്രിസഭാ യോഗം
ഉറവിട മാലിന്യ വേര്തിരിവിലും വീടുതോറുമുള്ള അജൈവ മാലിന്യ ശേഖരണത്തിലും തിരുവനന്തപുരം, കൊല്ലം, പത്തനംതിട്ട ജില്ലകളില് മികച്ച മുന്നേറ്റമുണ്ടാക്കാന് കഴിഞ്ഞതായി വിലയിരുത്തി മന്ത്രി സഭായോഗം. തീരദേശ മാലിന്യ സംസ്കരണ പദ്ധതികള്ക്കു കൂടുതല് ശ്രദ്ധ നല്കും. മുട്ടത്തറയിലെ സ്വീവിജ് ട്രീറ്റ്മെന്റ് പ്ലാന്റ് മികച്ച രീതിയില് പ്രവര്ത്തിക്കുന്നുണ്ട്. ഇതിനു പുറമേ ആറ്റിങ്ങല്, വര്ക്കല, നെയ്യാറ്റിന്കര, പാറശാല, ചിറയിന്കീഴ്, അഴൂര്, കള്ളിക്കാട് എന്നിവിടങ്ങളില് പുതിയ പദ്ധതികള്ക്ക് അംഗീകാരം ലഭിച്ചിട്ടുണ്ട്. കൊല്ലം കുരീപ്പുഴ കേന്ദ്രീകരിച്ച് 12എംഎല്ഡിയുടെ പ്ലാന്റ് നിര്മാണം പുരോഗമിക്കുന്നുണ്ട്. മയ്യനാട് ഒരു എസ്ടിപിക്കും കരുനാഗപ്പള്ളിയില് എഫ്എസ്ടിപിക്കും അംഗീകാരം നല്കിയിട്ടുണ്ട്.
പത്തനംതിട്ട ജില്ലയില് മാലിന്യമുക്തം നവകേരളം പദ്ധതിക്കായി മികച്ച ക്യാംപെയിന് നടക്കുന്നുണ്ട്. പറക്കോട്, പന്തളം, ഇലന്തൂര് ബ്ലോക്കുകളുടെ നേതൃത്വത്തില് പ്രത്യേക ക്യാംപെയിനും ആരംഭിച്ചിട്ടുണ്ട്.മാലിന്യം വലിച്ചെറിയാതിരിക്കൽ ഉൾപ്പെടെയുള്ള കാര്യങ്ങളിൽ സഹകരിക്കാൻ പൊതുപരിപാടികളിൽ പ്രതിജ്ഞ എടുക്കുന്ന കാര്യം ഇന്ന് മന്ത്രിസഭായോഗം തീരുമാനിച്ചിരുന്നു.