''ഇമ്രാൻ ഖാനും അവന്തിക മാലിക്കും വിവാഹമോചനം നേടിയോ?''; ചർച്ച ചെയ്ത് സോഷ്യൽ മീഡിയ

ഇമ്രാൻ ഖാന്റെ വേർപിരിഞ്ഞ ഭാര്യ അവന്തിക മാലിക് അടുത്തിടെ ഇൻസ്റ്റാഗ്രാമിൽ ഒരു പോസ്റ്റ് പങ്കുവെച്ചതിന് ശേഷം, ഒരു വിഭാഗം ആളുകൾ അവർ വിവാഹമോചനം നേടിയവരാണോ എന്ന് തുടരെ തുടരെ അന്വേഷിക്കുകയാണ്. മുൻ നടൻ ഇമ്രാൻ ഖാന്റെ നേരത്തെ തന്നെ വേർപിരിഞ്ഞ ഭാര്യ അവന്തിക മാലിക് തന്റെ സമീപകാല പോസ്റ്റിലൂടെ വിവാഹമോചന അഭ്യൂഹങ്ങൾക്ക് വീണ്ടും തിരികൊളുത്തുകയായിരുന്നു. ഗായിക മൈലി സൈറസ് തന്റെ ഒരു ഗാനത്തിന് നൃത്തം ചെയ്യുന്ന വീഡിയോ അവന്തിക വീണ്ടും ഇൻസ്റ്റൊഗ്രാമിൽ പങ്കിട്ടു. 'ആ വിവാഹമോചനമായിരുന്നു അവൾക്ക് ഏറ്റവും നല്ല കാര്യം' എന്നായിരുന്നു അതിന്റെ ക്ലിപ്പിൽ എഴുതിയിരുന്നത്. അത് വീണ്ടും പോസ്റ്റ് ചെയ്തുകൊണ്ട് അവന്തിക എഴുതി, 'അവൾക്കു മാത്രമല്ല...അയാൾക്കും....'ഒരു അപൂർവ പൊതുപരിപാടിയിൽ ഇമ്രാൻ ഖാൻ കാമുകി ലേഖ വാഷിംഗ്ടണുമായി കൈകോർത്തതായി ഇടക്ക് കണ്ടിരുന്നു.അതിനു ശേഷമാണ് ഈ പുതിയ യുദ്ധം ആരംഭിച്ചത്. 2011ലാണ് ഇമ്രാൻ ഖാനും അവന്തിക മാലിക്കും വിവാഹിതരായത്.

''ഇമ്രാൻ ഖാനും അവന്തിക മാലിക്കും വിവാഹമോചനം നേടിയോ?'' എന്ന അടിക്കുറിപ്പോടെ അവന്തികയുടെ പോസ്റ്റിന്റെ സ്‌ക്രീൻഷോട്ട് റെഡ്ഡിറ്റിൽ പങ്കിട്ടു. അത് കണ്ട ഒരു വ്യക്തി അഭിപ്രായപ്പെട്ടു, 'ജീവിതം മുഴുവൻ കയ്പ്പു നീര് കുടിക്കുന്നതിനേക്കാൾ പിരിയുന്നതാണ് നല്ലത്.' 'ഒന്നോ രണ്ടോ വർഷം മുമ്പ് അവർ വിവാഹമോചനം നേടിയെന്ന് ഞാൻ കരുതി' എന്നായിരുന്നു മറ്റൊരു കമന്റ്. 'തങ്ങളുടെ മുൻ/വേർപിരിഞ്ഞ/വിവാഹമോചിതരായ പങ്കാളികളെ കുറിച്ച് സോഷ്യൽ മീഡിയയിൽ പോസ്റ്റ് ചെയ്യുന്നത് കാണുന്നത് അസഹനീയമാണെന്ന് എനിക്ക് എല്ലായ്‌പ്പോഴും തോന്നുന്നു,' മറ്റൊരു വ്യക്തി എഴുതി. നടി ലേഖ വാഷിംഗ്ടണുമായി കൈകോർത്ത് ഇമ്രാൻ ഖാൻ ഒരു അപൂർവ പൊതുവേദിയിൽ പ്രത്യക്ഷപ്പെട്ട് ഒരു മാസത്തിന് ശേഷമാണ് അവന്തികയുടെ പുതിയ പോസ്റ്റ് പ്രത്യക്ഷപ്പെട്ടത് . ആമിർ ഖാന്റെ അനന്തരവൻ ആയ ഇമ്രാനെക്കുറിച്ച് ഫെബ്രുവരിയിൽ മുംബൈയിൽ വച്ച് ലേഖ ഡേറ്റിംഗ് കിംവദന്തികൾ പരത്തി. 2013ൽ വിശാൽ ഭരദ്വയുടെ മാതൃ കി ബിജിലീ കാ മണ്ടോളയിൽ ഇരുവരും ഒരുമിച്ച് പ്രവർത്തിച്ചിരുന്നു.

2011ലാണ് അവന്തികയും ഇമ്രാനും വിവാഹിതരായത്. ഇരുവർക്കും ഇമാറ എന്നൊരു മകളുണ്ട്. 2019ൽ ഇരുവരും വേർപിരിയുമെന്ന അഭ്യൂഹങ്ങൾ പരന്നെങ്കിലും ഇമ്രാനോ അവന്തികയോ ഇതേക്കുറിച്ച് പ്രതികരിച്ചിട്ടില്ല. കഴിഞ്ഞ വർഷം ഇമ്രാനും അവന്തികയും വേർപിരിയാൻ തീരുമാനിച്ചതായി വാർത്തകൾ വന്നിരുന്നു. മുമ്പും തന്റെ വ്യക്തിജീവിതത്തെക്കുറിച്ച് സൂചന നൽകി അവന്തിക ഇൻസ്റ്റാഗ്രാമിൽ പോസ്റ്റുകൾ പങ്കുവച്ചിരുന്നു. 2021-ൽ,ബന്ധങ്ങളിൽ കുടുങ്ങിക്കിടക്കുന്ന' അനുഭവത്തെക്കുറിച്ചും 'ഇരുണ്ട രാത്രികളിൽ' ആശ്വാസം കണ്ടെത്തുന്നതിനെക്കുറിച്ചും അവൾ ഒരു പോസ്റ്റ് പങ്കിട്ടിരുന്നു. 2020-ൽ അവന്തിക വിവാഹത്തെക്കുറിച്ചും വിവാഹമോചനത്തെക്കുറിച്ചും ഒരു സന്ദേശം വീണ്ടും പോസ്റ്റ് ചെയ്യുകയും അതിനെ 'സത്യ ബോംബ്' എന്ന് വിളിക്കുകയും ചെയ്തിരുന്നു. മറ്റൊരു പഴയ പോസ്റ്റിൽ അവൾ സുഖം പ്രാപിക്കുന്നു എന്ന് എഴുതിയിരുന്നു.

2019 ൽ ഇമ്രാനും അവന്തികയും വേർപിരിയൽ അഭ്യൂഹങ്ങൾ ആരംഭിച്ചപ്പോൾ, അവന്തികയുടെ അമ്മ വന്ദന റിപ്പോർട്ടുകൾ നിഷേധിച്ചിരുന്നു. അവൾ In.com-നോട് പറഞ്ഞു, ''ഞങ്ങൾ എല്ലാവരും വാർത്തകൾ വായിക്കുന്നു, അങ്ങനെയൊന്നും ഇല്ലെന്ന് ഞാൻ നിങ്ങളോട് പറയട്ടെ. ചില അഭിപ്രായ വ്യത്യാസങ്ങളുണ്ട്, അവർ അത് പരിഹരിക്കും. 2008-ൽ പുറത്തിറങ്ങിയ ജാനേ തു യാ ജാനേ നാ എന്ന ചിത്രത്തിലൂടെയാണ് ഇമ്രാൻ അഭിനയരംഗത്തേക്ക് എത്തുന്നത്. മേരെ ബ്രദർ കി ദുൽഹൻ, ഡൽഹി ബെല്ലി, ഐ ഹേറ്റ് ലവ് സ്റ്റോറീസ് തുടങ്ങിയ നിരവധി ചിത്രങ്ങളിലും അദ്ദേഹം അഭിനയിച്ചിട്ടുണ്ട്. 2015ൽ പുറത്തിറങ്ങിയ കട്ടി ബട്ടി എന്ന ചിത്രത്തിലാണ് അദ്ദേഹം അവസാനമായി അഭിനയിച്ചത്.