ഡിജിറ്റൽ ക്വാളിറ്റി ഓഫ് ലൈഫ് ഇൻഡക്സ് (DQL) പ്രകാരം ഇന്റർനെറ്റ് വേഗതയിൽ ലോകത്തിലെ മൂന്നാമത്തെ സ്ഥാനം കരസ്ഥമാക്കിയിരിക്കുകയാണ് യു എ ഇ.വേഗത, സ്ഥിരത, വളർച്ച എന്നീ ഘടകങ്ങൾ പരിഗണിക്കുമ്പോൾ ആഗോള ശരാശരിയേക്കാൾ 54 ശതമാനം മികച്ച പ്രവർത്തനമാണ് യു എ ഇ കാഴ്ചവെയ്ജ്കുന്നത്.
ആഗോള റാങ്കിംഗിൽ ഫിക്സഡ് ബ്രോഡ്ബാൻഡിനേക്കാൾ ഉയർന്നവേഗതയാണ് രാജ്യത്തിന്റെ മൊബൈൽ ഇന്റർനെറ്റിനുള്ളത്. സെക്കന്റിൽ 247.7 Mbps വേഗതയിലാണ് മൊബൈൽ ഇന്റർനെറ്റ് പ്രവർത്തിക്കുന്നത്. ആഗോളതലത്തിൽ ആദ്യത്തേതാണിത്. കഴിഞ്ഞ വർഷം മുതൽ, മൊബൈൽ ഇന്റർനെറ്റിന്റെ വേഗത 29.8 ശതമാനവും (56.8 Mbps) ഫിക്സഡ് ബ്രോഡ്‌ബാൻഡിന്റെ വേഗത 28.1 ശതമാനവും (42.5 Mbps) ഉയർന്നു. .
ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെന്റ് റെഗുലേറ്ററി അതോറിറ്റി (ടിഡിആർഎ) പുറത്തിറക്കിയ റിപ്പോർട്ട് പ്രകാരം യുഎഇയുടെ ശരാശരി മൊബൈൽ ഇന്റർനെറ്റ് വേഗത ലോകത്തിലെ ഏറ്റവും വേഗതയേറിയതിലൊന്നാണ്. അതെ സമയം യു എ യിലെ താമസക്കാർ ദിവസവും എട്ടര മണിക്കൂറിലധികം ഓൺലൈനിൽ ചെലവഴിക്കുന്നുണ്ട്. ഇത് ആഗോള ശരാശരിയായ 6.58 മണിക്കൂറിനേക്കാൾ ഏകദേശം രണ്ട് മണിക്കൂർ കൂടുതലാണ്. അഞ്ച് അടിസ്ഥാന ഡിജിറ്റൽ ക്ഷേമ സ്തംഭങ്ങളെ അടിസ്ഥാനമാക്കിയാണ് രാജ്യങ്ങളെ വിലയിരുത്തുന്നത്: ഇന്റർനെറ്റ് ഗുണനിലവാരം, ഇ-ഗവൺമെന്റ്, ഇ-ഇൻഫ്രാസ്ട്രക്ചർ, ഇന്റർനെറ്റ് വില നിലവാരം , ഇ-സുരക്ഷ.ഡിജിറ്റൽ ക്ഷേമത്തിന്റെ കാര്യത്തിൽ ആഗോളതലത്തിൽ യുഎഇ 44-ാം സ്ഥാനത്താണ്. 117 രാജ്യങ്ങളിൽ, യുഎഇയുടെ ഇ-ഗവൺമെന്റ് സേവനങ്ങൾ 17-ാം സ്ഥാനത്തും ഇ-ഇൻഫ്രാസ്ട്രക്ചർ 20-ാം സ്ഥാനത്തുമാണ്.