വിജയ് യേശുദാസ്, മീനാക്ഷി എന്നിവരെ പ്രധാന കഥാപാത്രങ്ങളാക്കി പ്ലസ് ടു വിദ്യാര്‍ഥിനിയായ ചിന്മയി നായര്‍ ആദ്യമായി സംവിധാനം ചെയ്യുന്ന ക്ലാസ് ബൈ എ സോള്‍ജ്യര്‍ എന്ന ചിത്രത്തിലെ വീഡിയോ ഗാനം റിലീസായി.
ഉയിരാണച്ഛന്‍....എന്നാരംഭിക്കുന്ന ഗാനമാണ് റിലീസായത്. ചിത്രത്തിലെ ഗാനങ്ങള്‍ മാജിക് ഫ്രെയിംസ് മ്യൂസിക്ക് വിപണിയിലെത്തിക്കുന്നു. സാഫ്‌നത്ത് ഫ്‌നെയാ ഇന്റര്‍നാഷണല്‍ െ്രെപവറ്റ് ലിമിറ്റഡിന്റെ ബാനറില്‍ സാബു കുരുവിള, പ്രകാശ് കുരുവിള എന്നിവര്‍ ചേര്‍ന്ന് നിര്‍മിക്കുന്ന ചിത്രത്തില്‍ ഗായകനും നടനുമായ വിജയ് യേശുദാസ് സൈനിക നായക കഥാപാത്രത്തെ അവതരിപ്പിക്കുന്നു.
കലാഭവന്‍ ഷാജോണ്‍, ശ്വേത മേനോന്‍, സുധീര്‍, കലാഭവന്‍ പ്രജോദ്, ഗായത്രി വിജയലക്ഷ്മി, പ്രമീളാദേവി, വിമല്‍ രാജ്, ഹരി പത്തനാപുരം തുടങ്ങിയവരാണ് മറ്റു പ്രമുഖ താരങ്ങള്‍. ളാക്കാട്ടൂര്‍ എംജിഎം ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ ഹുമാനിറ്റീസ് വിദ്യാര്‍ഥിനിയാണ് ചിന്മയി നായര്‍.