എളമരം കരീമിന്റെ പ്രചാരണത്തിനായി ഇറങ്ങി; ബൂത്ത് ലെവൽ ഓഫീസർക്കെതിരെ യുഡിഎഫ് പരാതി നൽകി

എൽഡിഎഫ് സ്ഥാനാർത്ഥി എളമരം കരീമിന്റെ തിരഞ്ഞെടുപ്പ് പ്രചാരണത്തിനായി ബൂത്ത് ലെവൽ ഓഫീസർ ഇറങ്ങിയതായി പരാതി. കോഴിക്കോട് സൗത്ത് മണ്ഡലം കോട്ടപ്പറമ്പ് നാലാം ബൂത്തിലെ ലതയ്ക്കെതിരെയാണ് യു ഡി എഫ് കളക്ടർക്ക് പരാതി നൽകിയത്. അതേസമയം, മണ്ഡലത്തിൽ എളമരം കരീം (എൽ ഡി എഫ്), എം കെ രാഘവൻ (യു ഡി എഫ്), എം ടി രമേശ് (എൻ ഡി എ), ജോതിരാജ് എം (എസ് യു സി ഐ), അറുമുഖൻ (ബി എസ് പി) അടക്കം 15 പേരാണ് നാമനിർദ്ദേശ പത്രിക സമർപ്പിച്ചത്.

ഇന്നലെ മാത്രം ഏഴുപേരാണ് പത്രിക നൽകിയത്. ഇന്ന് പത്രികകളുടെ സൂക്ഷ്മപരിശോധന നടക്കും.