മോട്ടോർ വാഹനവകുപ്പിന്‍റെ "ഹാപ്പി ന്യൂ ഇയർ'.!!  സ്കൂട്ടറിന്‍റെ വില 90,000; പിഴ ചുമത്തിയത് 3.22 ലക്ഷം

ഏകദേശം 90,000 രൂപ വിലയുള്ള സ്കൂട്ടറിന് മോട്ടോർ വാഹനവകുപ്പ് പിഴ ചുമത്തിയത് 3.22 ലക്ഷം രൂപ. ബംഗളൂരുവിലാണ് സംഭവം. ട്രാ​ഫി​ക് നി​യ​മ​ങ്ങ​ൾ ലം​ഘി​ച്ച​തി​നാണത്രെ ല​ക്ഷങ്ങളുടെ പിഴ. ഒരു സ്ത്രീയുടെ പേരിൽ രജിസ്റ്റർ ചെയ്ത സ്കൂട്ടർ ഓടിക്കുന്നത് യുവാവാണ്. 643 ട്രാ​ഫി​ക് നി​യ​മ​ലം​ഘ​ന ച​ലാ​നു​ക​ളാ​ണ് അവർക്കു ലഭിച്ചത്. നോട്ടീസ് കണ്ട യുവതിയും യുവാവും തലയിൽ കൈവച്ചുപോയി.

ബംഗളൂരു ന​ഗ​ര​ത്തി​ൽ സ്ഥാ​പി​ച്ചി​ട്ടു​ള്ള ആ​ർ​ട്ടി​ഫി​ഷ്യ​ൽ ഇന്‍റ​ലി​ജ​ൻ​സ് (എഐ) ക്യാ​മ​റ​ക​ളാണ് യുവാവിന്‍റെ ഗതാഗതനിയമലംഘനം കണ്ടെത്തുകയും പിഴ ചുമത്തുകയും ചെയ്തത്. ബൈക്ക് യാത്രികൻ ഹെ​ൽ​മ​റ്റ് ധ​രി​ക്കാ​ത്ത​ കുറ്റത്തിനാണ് ഏറ്റവും കൂടുതൽ നോട്ടീസ് കിട്ടിയത്. ട്രാ​ഫി​ക് ക്യാ​മ​റ​ക​ളി​ൽ പ​തി​ഞ്ഞ ചി​ത്ര​ങ്ങ​ളി​ൽ, ആ​ർ​ടി ന​ഗ​ർ ഏ​രി​യ​യി​ൽ ഒ​രാ​ൾ ഹെ​ൽ​മെ​റ്റ് ധ​രി​ക്കാ​തെ ഒ​ന്നി​ല​ധി​കം ത​വ​ണ ബൈ​ക്ക് ഓ​ടി​ക്കു​ന്ന​തും കാ​ണാം. സിറ്റി പോലീസ് ട്രാഫിക് നിയമലംഘനങ്ങൾ എഐ ക്യാമറ ഉപയോഗിച്ചാണ് കണ്ടെത്തുന്നത്.

കഴിഞ്ഞവർഷം ​എ​ഐ ക്യാ​മ​റ​ക​ൾ ഉ​പ​യോ​ഗി​ച്ച് കണ്ടെത്തിയ 1.04 കോ​ടി ലം​ഘ​ന കേ​സു​ക​ളി​ൽ 96.2 ല​ക്ഷ​ത്തി​ല​ധി​കം കേ​സു​ക​ളും ട്രാ​ഫി​ക് പോ​ലീ​സ് ര​ജി​സ്റ്റ​ർ ചെ​യ്ത​ട്ടു​ണ്ട്. ബം​ഗ​ളൂ​രു​വി​ലെ 50 പ്ര​ധാ​ന ജം​ഗ്ഷ​നു​ക​ളി​ൽ 250 എഐ ക്യാ​മ​റ​ക​ളാണു സ്ഥാ​പി​ച്ചി​ട്ടു​ണ്ട്.