യു എ ഇ : ലോകകപ്പിന് ആതിഥേയത്വം വഹിക്കുന്ന ഖത്തറിന്‍റെ അമീർ ശൈഖ് തമീം ബിൻ ഹമദ് അൽഥാനിക്ക് യു.എ.ഇ പ്രസിഡന്‍റ് ശൈഖ് മുഹമ്മദ് ബിൻ സായിദ് ആൽ നഹ്യാന്‍റെ അഭിനന്ദനം.ഫോണിൽ വിളിച്ചാണ് അഭിനന്ദനം അറിയിച്ചത്. ലോകമേളക്ക് ആശംസയർപ്പിക്കുന്നുവെന്നും ടൂർണമെന്‍റ് വിജയകരമായി നടത്താൻ യു.എ.ഇയുടെ പിന്തുണ വാഗ്ദാനം ചെയ്യുന്നുവെന്നും അദ്ദേഹം പറഞ്ഞു.ഖത്തറിനും അറബ് ലോകത്തിനും ഇത് നേട്ടമാണെന്നും അദ്ദേഹം വ്യക്തമാക്കി. യു.എ.ഇയുടെ പിന്തുണക്ക് നന്ദി അറിയിക്കുന്നതായി ശൈഖ് തമീം പറഞ്ഞു.