ദുബായ് : ലോകകപ്പിന് പന്തുരുളാൻ മണിക്കൂറുകൾ മാത്രം ബാക്കി നിൽക്കേ ആഘോഷങ്ങൾ അതിരു കടക്കരുതെന്ന് ദുബായ് പോലീസ്. പൊതു സ്ഥലങ്ങളിൽ മദ്യപാനം അനുവദിക്കില്ലെന്നും മറ്റുള്ളവരുടെ സ്വകാര്യത മാനിക്കണമെന്നും പൊലീസ് അറിയിച്ചു. ലോകകപ്പിന് ഖത്തർ കഴിഞ്ഞാൽ ഏറ്റവും കൂടുതൽ സന്ദർശകർ എത്തുന്ന നഗരമാണ് ദുബായ് . ഫിഫയുടെ ഔദ്യോഗിക ഫാൻ ഫെസ്റ്റ് നടക്കുന്ന ആറ് നഗരങ്ങളിൽ ഒന്നാണ് ദുബായ്.
പൊലീസിന്‍റെ നിർദേശങ്ങൾ
പൊതുസ്ഥലങ്ങളിൽ മദ്യപാനം അനുവദിക്കില്ല.
*ചിത്രങ്ങളെടുക്കുമ്പോൾ മറ്റുള്ളവരുടെ സ്വകാര്യത മാനിക്കണം.
* പൊതുമുതൽ സംരക്ഷിക്കണം.
* തീപടരുന്ന വസ്തുക്കൾ ഉപയോഗിക്കരുത്.
* രാജ്യത്തിന്‍റെ സംസ്കാരത്തെ ബഹുമാനിക്കണം.
* മറ്റ് മതങ്ങളെ അതിക്ഷേപിക്കരുത്.
. രാഷ്ട്രീയ തർക്കങ്ങൾ, വിവേചനം പോലുള്ളവ അനുവദിക്കില്ല.
* മറ്റുള്ളവർക്ക് ശല്യമാകുന്ന തരത്തിലുള്ള ആഘോഷം പാടില്ല.
* സ്പോർട്സ്മാൻ സ്പിരിറ്റ് സൂക്ഷിക്കുക.
* ലഹരി വസ്തുക്കൾ വിതരണം ചെയ്യുന്നത് നിരോധിച്ചിരിക്കുന്നു.
* അനധികൃത മാസാജ് സെന്‍ററുകൾ, സംശയാസ്പദമായ പരസ്യങ്ങൾ എന്നിവയിൽ വീഴാതിരിക്കുക.
* അമിത വൈകാരിക പ്രകടനങ്ങൾ ഒഴിവാക്കുക.
* ആഘോഷ പരിപാടികൾ സംഘടിപ്പിക്കുന്നവർ മുൻകൂർ അനുമതി വാങ്ങിയിരിക്കണം.
* ലഗേജ് പൊതുസ്ഥലങ്ങളിൽ ഉപേക്ഷിക്കരുത്.
* ടാക്സിയിൽ സഞ്ചരിക്കുന്നവർ നമ്പർ കുറിച്ചുവെക്കുകയും ബിൽ വാങ്ങുകയും ചെയ്യണം. ടാക്സിയിൽ മറന്നുവെക്കുന്ന വസ്തുക്കൾ വീണ്ടെടുക്കാൻ ഇത് ഉപകരിക്കും.