ദിനംപ്രതി പുത്തൻ അപ്ഡേറ്റുകളാണ് വാട്സ്ആപ്പ് വരുത്തി കൊണ്ടിരിക്കുന്നത്. നിരവധി പുത്തൻ ഫീച്ചറുകൾ ഇതിനോടകം വാട്സ്ആപ്പ് അവതരിപ്പിച്ചു കഴിഞ്ഞു. ഇപ്പോഴിതാ മറ്റൊരു പുത്തൻ ഫീച്ചറുമായി എത്തിയിരിക്കുകയാണ് വാട്സ്ആപ്പ്.
ഉപഭോക്താവിനെ വാട്സാപ്പിൽ വരുന്ന തട്ടിപ്പ് ലിങ്കുകളിൽ നിന്നും രക്ഷിക്കുന്ന ഫീച്ചറാണ് ഇപ്പോൾ വാട്സ്ആപ്പ് പുറത്തിറക്കിയിരിക്കുന്നത്. ഉപഭോക്താവിന്റെ സുരക്ഷയുമായി ബന്ധപ്പെട്ട പുതിയ അപ്ഡേറ്റ് ‘ലിങ്ക് പ്രൈവസി ഫീച്ചർ’ എന്ന പേരിലാണ് വാട്സ്ആപ്പ് അവതരിപ്പിച്ചത്.
നിലവിൽ പരീക്ഷണാടിസ്ഥാനത്തിൽ അവതരിപ്പിച്ചിരിക്കുന്ന ഫീച്ചർ ഉടൻ തന്നെ മുഴുവൻ ഉപഭോക്താക്കൾക്കും ലഭ്യമാകും എന്നാണ് പ്രതീക്ഷിക്കുന്നത്. പുതിയതായി പുറത്തിറക്കിയ ലിങ്ക് പ്രൈവസി ഫീച്ചറിലൂടെ ലിങ്ക് പ്രവ്യൂ ഓഫ് ചെയ്തു വെക്കാൻ സാധിക്കും. ലിങ്ക് പ്രൈവസി ഫീച്ചറിലൂടെ ലിങ്ക് പ്രിവ്യൂ ഓഫ് ചെയ്തു കഴിഞ്ഞാൽ ലിങ്കുമായി ബന്ധപ്പെട്ട് സാധാരണ നിലയിൽ വരുന്ന തമ്പ് നെയിലുകൾ അല്ലെങ്കിൽ മറ്റു ഡേറ്റകൾ ഉപഭോക്താവിന് ദൃശ്യമാകുകയില്ല.
ഡേറ്റ ചോർച്ച തടയുക എന്ന ഉദ്ദേശത്തോടെ അവതരിപ്പിച്ചിരിക്കുന്ന പുതിയ ഫീച്ചർ വാട്സ്ആപ്പിൽ സുരക്ഷിതമായി ചാറ്റുകൾ നടത്താൻ സഹായിക്കുന്ന വിധമാണ് ഒരുക്കിയിരിക്കുന്നത്. ഇതിന്റെ ക്രമീകരണം നടത്തുന്നതിന് പ്രൈവസിയിൽ പോയി ലിങ്ക് പ്രിവ്യൂ ഓപ്ഷൻ ഡിസേബിൾ ചെയ്യുകയാണ്‌ ചെയ്യേണ്ടത്